بقيت 4ايام بالتوقيف جابو ملازم جديد كالو عليه قاسي انلاصت.عليه دزو عليه يحققون ويانا غرفه مربعه صغيره ماشاء الله كل ادوات التعذيب موجوده كعدت على كرسي بده الخوف ياخذني طب واحد حاجبه معكود ومخنزر جماله من طب وكفت احتراما
اكعد لتتلوك
كعدت كلت بداخلي موصوجك نصيت راسي ضل يفتر داير مدايري
سولف ليوثي كم عمليه احد هسه قمت بيها
سيدي اني حجيت كلشي بافادتي اني مجرد تشابه اسما
يعني مراح تحجي
سيدي شحجي مو داكولك تشابه اسما
تقرب مني لزمني من حنكي حبيبي البابا مالتك ميكدر يطلعك منا تره وجهك البارد المتطمان حيتخربط كدامك عشر دقايق اطلع اشرب جاي وارجع لو تحجي لو الدتشوفه داير مدايرك اشتغلك بي عالبارد
باوعلي بنضره رجفت داخلي نصيت عيني طلع وسد الباب الهدوء اللي بالغرفه موحش ضليت اتصفن اريد الرجفه تروح مرت العشر دقايق وطب
ها ليث عدك شي تحجي باوعلي رافع حاجبه
سيدي والله اشتباه اسم--وانكطع كلامي والكرسي الجان فارغ ركعه بكل قوته براسي الم رهيب اختل توازني بلحضتها حصير شي طك براسي بده خدر يصير بونه باذني ببروده على ركبتي وووشه براشي وغواش بعيني احس فد شي يدغدغني برغبي لزمت اذني ورغبتي دم دينكط على ركبتي مسحته بكتفي تيشرتي تنكع رفعت راسي باوعتله مو مهتم يضحك الناقص نصيت راسي ربي اليك المشتكى بداخلي حسيت روحي نص جسمي خدر بي عيوني غوشت كلش
حتحجي لو لاااا
فزيت من عاط باوعتله بلعت ريك
ماعدي شي احجي همست ىغمضت عيني تمشى خطوتين ورايه جر الصاعق رفعت راسي باوعت غمضت صوت جواهر باذني مثل الصدى دعائها ربي مستيدالضر وانت ارحم الواحمين رددت بداخلي سبحانك لا اله الا انت سبحانك اني كنت من الضالمين الهي بحق من صام وصلي وكان قاب قوسين او ادني ارحمني الهي بمحمد الدم وصل لرجلي مديت ايدي على راسي الشك جبير سمعت الصاعق فزيت
عاط ها مغيرت رايك
نصيت عصرت عيني دخيلك يامحمد همست واحس جسمي ينخض بالم محاسسه قبل طلع حليب امي من خشمي كمت ماشوف بعيني غير ضوه يروح ويجي واخر شي ابتسامه جواهر ودمعتها من دتروح وراها صارت الدنيا ضلمه بس عقلي واعي وجسمي محاس بي
سمعت صيحه ها ليث افندي
همست اني مضلوم وراها فقدت حتى الوعي
اكرم- سحلوني لغرفه التحقيق ضابط ضل يحقق واحلفاه والله ماعده شي لا اني ولا هو تشابه اسماء ضربني بوجهي طك خشمي دم نصيت راسي هزيت راسن رفعت راسي باوعتله بحقد بالعباس والسماه عباس كل ضربه بالف بس خل اطلع كلتها بداخلي ضل يدفر ويصيح احجي رخيت كل جسمي اخذوني للسجنن
اشوف ليث ممطول ومشدود براسه وصله وصخه وتيشرته كله دم ولك ليث اصحي بي ليث يمعود باوعت لولد بصفى جان كاعد اسمه حسن
- جابوه وذبو ينزف نزعت فانيلتي وشديت راسه
- ليث فدوه خليت اذني على كلبه بعده يدك عار ماعليك شي ولك ليث دكوم يمعود ضليت اهز بي الولد نطوني مي غسلتله وجهه
ليث- فتحت تك عين كوه حسيت بدفو على وجهه الرويه مو واضحه شوي شوي توضح اكرم مثلور واني مااكدر ارد يصبح ليث ىليث
وجع همست
خرب غيرتك ارتجيت عالحايط تعبان انعل ابوك يابو عشرتك
كوم اكعد تكدر
راسي شكه ابن الكلب
خلي يصبر بس خل نطلع
اني اذا اطلع هههه اني مااطلع بابا ذوله يردون يصعدون براسنه همست كوه احجي واعلس بالحجايه -- مصدكو لكو مفسدالاسم خلوها بركبتي خرب بالحكومه
اسكت يمعود اخ ربي تدري طلع الدلال من خشمنا والله
اي سندني وكعدني رجاني عالحايط باوعتله ههه شكلك كلش حلو عينك تك وتك
ديله عيني لو اجيبلك المرايه تخترع طالع جنك ابو العربانه ههه
شسوولك
ضربوني وانت
يمعود اني هسه عرفت ليش الوطني ماكو ببغداد من احجي عبالك سكران وثكل بلساني
ليش ماكو وطني هه
ولك نطاني صعقه ثري فيز اورجنال تضوي بغداد اسبوع
هههههه خرب وشك راسك شنو
لا هيج جان ديحكلي راسي بالكرسي اخ ابن ال----
شون بله صدك حنضل هيج عمر دزلنا اكل ىين جاي الحبيبه
ابتسمت مجرد ذكرها تهب نسمه امل _ موجود بالستره
بس منو يسوي ذوله هسه يترسه تفال وينطيكيا
اييييع انجب انجب سديت نفسي
اباوع عالمساجين بصفي اكرم وبصفه ولد حسن وكبالنا 3 صارلهم ساعه يحجون خو البنص سالفته مابيها ربط من ضوجتي ردت اربط ويا اريد الزم راس الخيط مااكدر سطرني يطلع من سالفه يطب بغيرها يجيبها بشام يلطها بحلب اذني وشت واحس راسي قبط وتنك باوعت الاكرم يول مداسمع شي
يعني افشر براحتي هههه اي حبيبي هاي مال الضرب بقيت اتصفن صدك هاي حالتنه ربي لانسالك رد القضاء لاكن نسالك اللطف به
---
جواهر- رجعت لبيت ابويه بقت روحي تلوب كابلت سجادتي وابجي بس الله يطلعه من الهو بيه خابرني ماجد
ماجد- ها جو جو شونج
الحمد لله انت شونك نور علوشي
زينين تنهدت اكولج الولد يحبج لو بس انتي
انت ششفت بعونا
مو عالشفت بس كعدت وي ابو مو كتلج راح اتدخل بالقضيه دااسولف وي ابو شو كال خاطب بت عمه ويريد يدزه بس يطلع من السجن للسويد
صفنت خاطب ليش مكال لعد ليش مجان يخابرها الها ضليت ساكته متاكد
لج بابا اي كدامي خابر عمه للولد وكله بس يجي نزوجهم حتى يتجنس
فركت ايدي بوجهي مصدومه تذكرت روحي من كلت لو عده عشر نسوان المهم اخذ اللي احبه ويحبني سكتت
ها جواهر
شنو ها شسوي ماريد يتزوجني بس خلي يطلع
شيطلعه العزير التهميه لابسته لبس
يالله دخيلك يعني حينعدم
لا سوو استئناف تدرين اقصى حد ينحكم موبد مع اشغال شاقه هاي كل حيل المحامي اذا سواا ونجحت
لا ياالله دخيلك ياربي
ماالنا غيرالدعاء دروحي جوي الولد اكولج نور مدري شبيها اكلها قليل
هه دتسوي ريجيم مابعد الولاده
فديت طولها دروحي لعد باي
هلا بيك سديته هليت راسي هالمخده صافنه احس ذبيت روحي بتهلكه كلبي ميتحمل هيج شي ليش كذب ليش مرت اسبوعين موعد محاكمته توسلت بماجد ياخذني
ليث- من اخذنا الاستئناف صار مننوع التعذيب همزين رحمه التواليت عباره عن سطله واله كلهم يغفون يله اقضي حاجتي اخجل كضه اسبوعين اهلي انمنعت الزياره عنهم خايف على ام اكرم عمر كال صار عدها جلطه ورطتهم ويايه خطيه اخ ربي اليك المشتكى صلاتي رغم النزف مكطعتها ردت قرب رب العالمين كلولي ماتنقبل بس ماعفتها ردت اكون قريب من الله اخاف اموت جواهر دقيقه مراحت من بالي ونسيبها خطيه يوميه فايت ويكول محتاجين شي وبيده يجيب الغده من ابويه الفلوس بس متتخمس منها مثل بقيه المساجين وخطيه كلهم ياكلون ويانا وسبحان الله نشبع اللي شفت العجايب بااسجن اللي كاتل والي بايك وخاطف واللي كاتل مرته خاينته مشكل يالوز حالات عجيبه بقينا فاكين حلكنا اني واكرم نفر باذننه شنو ذوله بس عدهم كلب طيب تالفنا من لاجاره بهل الاسبوعين كل يوم جارينا سوه وعمر مره هم ويانا تحقيق واحنا نفس الحجي لان صح كلما الفلف كدلتي اتذكر عوف شعرك حيوكع ابتسم وانصي مشتاقلها كلش سولفها وخوفها دمعتها من شافتني باجر محاكمتي بلكن ينطونه موبد احسن من ماكو نمت بليل والليل كله اسبح صار اماني سبحتي وسجادتي احس روحي اعوض الفات كعدت الصبح جاب عمر تيشرت نضيف قبل اسبوع والبارحه جابلنا ماجد هدوم من اهلنا وره ساعه صاحو موعد المحكمه
ماجد- توسلت بيه تجي للمحكمه وفعلا اخذتها وكعدنا اني وياها بالاخير
جواهر- موقف لااحسد عليه طبو اهله امه وابو ومره وبنتها يمكن هاي ريم بس جبيره مو زغيره تخبل من الحسن كعدنا ننتضر يجون دخل القاي والمحامي اجه حجى وي ماجد وراح بقيت بلهفه انتضر كل جزء بجسمي يرجف ماجد منحرج بس مراد يعوفني لان هو عاش الحب ويدري ماعدي غيره دخل اكرم رفعت راسي باهفه واشوف راسه بي لزكه ومكلبجين ايده كلبي راح ردت اوكع عينه منتبهت عليه انتبه على اهله ضل يبجي حضن هاي الحلوه يبجي وهي هم تبجي دخلو للسجن وبدت المحاكمه منتبه عليه صاير كدامي 7سراوات وبيها ناس بس شي قليل يياوع لامه ويمسح دموعه البنيه اللي اتوقعها ريم كعدت بصف الحديد مال السجن الداخلزالمحكمه شبكت ايدها بايده تذكرت من لمسني يباوعلها ويبجي وينصي
اكرم- موقف صعب حيل وفوكاها مضلومين امي مو وياهم بعدها بالمستشفى والدي واخوتي باىعت لبنيه تخبل لزمت ايد ليث معقوله خطيبته جتي والله حيره
ليوثي همست منيلك هاي باوعتلها ونصيت
يول زمال هاي ميمو
ميمو بت غيث ريم لا بربك صايره مثيه
من طيح الله حضك ددير عينك لا افكسها اندار ضم الضحكه باوعت لريم ابتسم متوقعت حتجي بس الضاهر عنادها مخله ابويه يمنعها بقيت كلسا اباوعلها ولامي ىابويه كامو يحجون بالقضيه اساله واجوبه حتى الجيران جايبيهم شهدو باني خوش ىلد وماعدي شي طول مااني كاعد يمهم وانفتح موضوع غيث ورجعنا نبجي كلهاي واني ادور على جواهر مشفتها لاهي ولا ماجد ممعقوله تجي بعد اني هواي اذيتها خل انساها اذا ماعدي امل ليش اورطها ويايه
ابو غيث- احنا طلعنا كلنا وبقه هو يلم الاجار ويكمل جوازه اللي بي خربطه حتى خطيبته هناك تنتضره جننا ناوين بس يجي مزوجهم تالي عفنه كلشي ورجعنا
القاضي- تفضل حجي تفضل
ليث- اندار عليه القاضي انت خاطب
نعم سيدي خاطب
وناوي هناك تتزوج بنت عمك
اي سيدي
زين ليش انهزمت
سيدي شوف حالتي هاي احنا بالعراق مضلومين خفت اذا افوت مااكدر اطلع وتورط ويايه اكرم خطيه لان ساعدني والله ماعدي شي تكدرون تسالون بكل مكان جامعتي وشغلي ومنطقني اني ابد مفاركتها اصلا مواصل الموصل
القاضي- ماشي يتفضل المحامي وينطي الادله الحكم ننطي وره انتهاء الجلسه
جواهر - يله ماجد نروح وكفت صارت عينه عليه صفن فتح عينه انتهت الجلسه وراحو القضاه واهله التمو عليه يحاجيهم ويباوعلي بنضره توسل اشرلي تعاي هزيت راسي لا برطمت نصه راسه رجليه اخذتني ليمه سلمت على اهله شداسوي بروحي اني رفعت راسي باوعتله انشاء الله يفك اسرك
ليث- عرفت بيها سمعت كلشي عرفت بيه خاطب تعال قنعها متفق وي العروس بس اخذ الجنسيه --- جواهر
جواهر- ها محتاج شي ابتسم وكلبي معصور هاي خطيبتك اشرت عالبنوته
ليث- لالا هاي ريم بت غيث
ماشاء الله باوعتلي ابتسمت مستغربين منو هاي
ليث- جواهرتره اني
يله مع السلامه تنهدت تطلع بسلامه انشاء الله هي اخر مره تشوفني دير بالك على صلاتك خنكتني العبره ولتلف بشعرك اهله يباوعولي بحيره سلمت عليهم ورحت
اكرم- خرب غيرتك ليث شسويت بالبنيه بقيت الاوع على ويم من جوه ليجوه دخلو القضاة وصارت صنطه والمحامي مالتي ضل يحجي جايبين سالم الويايه بالمطار وواحد من الضباط الهناك شهدولي بالخير بلكن الله يفرجها
ليث- فصلت من اهلي بعد انقبض كلبي صفنت بيني وبين روحي احسن الي والها خل تعيش حياتها تتورط بيه كملت المحاكمه وحكمو لاكرم افراج ردت اموت من الفرحه حضنته ابجي ويبجي ويايه ابوه وكع خطيه واخوته يصيحون منصدكين يارب مثل فرحته تثلج كلبي وطلع حكمي انحكمت موبد ارتاحت امي وبويه واني نوعا ما ارتاحيت اخذوني للسجن اباوع لاكرم اضحك صاح
ماعوفة ليث ماعوفك لتصدك
هزيت راسي اي اشرتله دير بالك على اهلي عمر كاعد بالزويه بس يبجي اكثر واحد تعب بينا روحه وجيه وجيب وودي وخوف واهل اكرم واهلي
