- الو
ها هياتج داشوفج
- ها باوع راح اسده وافتح بس صوت
- ليش
- مو اريد انزع انصمطت شكو عليك انت بالفانيله التعاليك اكولك هاي ليش بس تلف بشعرك ضوجتني
- ليش هي بيه سوله
- مو مزين يوكع شعرك عوفه
- ههه اوك دروحي يله نتخابر حتى
- اوك
- الو
- ها
- اوكف هسه
- يله عاد كلسا موكفتني
- اكعد
- شنو هاااا هاي معلمه اوكف واكعد متردين اوكف قصاص امسحلج الصبوره
- ههههه لا تنهدت هلوو
- هلو انتي ادري شلابسه الكنتوركله
- لا بس نزعت الحجاب والجبه
- اي وهسه شلابسه
- دشداشه حمره مال عربان وصفحتها مشكوكه هاااا بدت رحمه الله
- ههههههاي خرب تعرف كل الدروب
- مو كتلك بلوك بطعم الفراوله
- هههه لا عمي اكولج اجيبلج دشداشه خطيه انتي
- لا ماريد خليها الك
- لالج عبايه تكفيني النوب دشداشه
- لعد امسح بيها البين احسن ماكصكص بالزوالي مال ورثه
- عززه تدرين منفكر بيها خرب بس والله تايخه منتهيه بس خوش مسح تمسح
- طبعا ورث الجرخجي
- ههههه خرب تذكريني بامي
- امك هيج تحجي
- اي الامثال الشعبيه تصفني بيها
- اي حلوه الامثال اكولك اني طفيت خل ننام
- اني هم نعست يله روحي نامي تصبحين على خير
- وانت من اهله سديته وخليت الفون عالشحن ورحت نمت ثاني يوم الصبح كعدت على صوت علوشي يناغي كمت طينه ممه وبدلته ونام ورجعت نمت كعدت بالوحده دزيتله رساله
- صباح الضهر
- فزيت على صوت المسنجر ههه صباح النور شوكت كعدتي
- توني ها اها وانت
- على صوت المسج منج شراح تاكلين
- حكليلي بيضه
- اني هم يله كومي ياهو القبل
- هههه البارحه واحد صفر
- اي يله خل نشوف هسه يله ابدا
- كمت رحت للمطبخ بجه علوشي سويتله ممه ورجعت خليت الطاوه عالنار دز مسج صوره البيضه مالته والزلاطه والجاي ---- هاي شنو شبسع النوبه الجاي ابو الفتله عذا زغل
- والله زغل مو زغل هذا الموجود واحد كل اغاتي يله روحي اريد اكل
- باي انشاء الله تختنك
- عادي اشرب مي هههه
- دروح باي سويت الاكل ودريت صوره البيضه دز سمايل ضاحك كملت اكل وره شوي خابر
-الو ها شحسوين هسه
- حروح اشتغل وراها اخابرك
- مو البارحه نضفتي بت الحلال
- كل يوم بابا احسن من الكعده
- ها يله لعد نتسابق
-ههههه بالزوليه مالتك
- لا بدشداشتج المشككه ههههه
- خرب دروح يله واحد 2 3 ابدا
كمزت عالبيت من كل عقلي اشتغل كملت شغلي اجيت عالتلفون شفته مشغول سديته توني دك
الو
كملت 2-1
لا يابه اني هم كملت
اهو يله عمي تعادل
ماشي قبول حروح اصلي وارجع اخابرك مدام علوشي نام
اني فايت اسبح لعد باي
هلاو سديته اضحك عليه خطيه الله يساعده صليت وطبيت غسلت بعد مخابر ضليت صافنه جيت يم الفون شفته داز رساله --- داضوجج اني لان وحدي محاس بغيري اسف من يصيرلج محال دكي
دكيت عليه
الو ها جواهر
ليش هالرساله ليش مو اصدقاء
ليش شكو باعي مو لطشت ادري
لا يابه عادي لتخلي رسميات بيننا معتبرتك صديق
ماشي لعد من الطش وعدج شي صرفيني بكشر موز
ماشي ماكو داعي تمول من عدي شي اجحتك
اوك اي كملتي
اي الحمد لله اكولك عدك مسواك اكل شي
اي خطيه صديقي كل يومين يجيب مسواك فوتكه ىهاي احس روحي خروف وديسمنو يحضرو للذبح
لا حشاك ليش هيج تكول ولك لتايس
تنهدت الله كريم شسوي قابل
همه اصدقاءك شسوو مسوو بعد
مسوو شي هو ديمشون والداخليه قافله مصدكو لكو واحد نفس الاسم
زين هو يصير محكمه طلع الحكم
شنو محكمه منو كايلج
باوع هو من يلزمون شخص يحاكموه ويطلع حكمه حتلو مهزوم ينحكم غيابيا
صددك
والله
اسال جماعتك
روحي خل اخابر افتهم الفلم تره اني كلشي مااعرف
ماشي
الو ها عموري اكولك شنو صددك اكو محاكمه
عمر- اي لعد شون هو بعد شهر محاكمتك بلكن يصير شي منا للشهر دليل صخام
الله كريم تنهدت مشتاقلك والله
مو دنفتح فديو ياخويه اصبر الله مع الصابرين
صح ديله الله ييهل اي شي عود كللي
طبعا ديله الله وياك
الو ها جواهر لج اي صح يكول بعد شهر
اووف الله كريم
اندعيلي همست
لتخاف الله موجود
لعد ليش انضلمت
ليث
نعم اول مره تصيحني
شبيك لتخاف والله تفرج
الله يسمع منج
حروح على علوش
روحي بوسيليا
اوك باي
رحت ولليل يله رجعت خابرته --- هاي وينك يمعود
موجود متخابرين انتي
كلت خاف يضوج
عمي شضوج عطال بطال شونه علاوي
زين الحمد لله
اسمعي اسمعي
شكو
محلى هالسمرى
حبيبه
حبيبه روحي
حبيبه
وعيونها السودا
حبيبه
روح عينيا
تعجبني هيا
ياداني ودانا
اعجبها انه
حيو هالبنات حبيله كلبي اجت
خهههههههههه خرب ببليسك دويتو
والله تونست خلنغني غير اغنيه
منمم شنو رايك اصيح ماجد يغني وياك
ليش هيج سديتي نفسي تنهدت والله انتي رحمه من الله جيتيني
ميرسي
انزول فرنسي يابه
شعبالك لعد اي شونها
امك
اشتعلت صفحه امي شبيها زينه يمعوده اكولج تعرفيها انتي
لا حرام
لعد شبيج متكوليلي خبلتيني بيها
ههههههه احب اسمع عن الام
ها الله يساعدج
شكرا
مشتاقه لامج همست
اي هواي
زين هي شوكت توفت
اول العام
ها مصارلها يعني خليت ايدي على حلكي كلمن قهره شكل كلتهازبداخلي
اي
الحمد لله سولفيلي عنها
لا ماريد
كيفج
اي بعد شكو ماكو
ماكو شي تنهدت علاوي يسلم عليك
شوشو خل اشوفه
يله خل البس لبست وفتحت فديو هلاو عمو
هلو علوش اوي فدوه لج ديضحك
اي عينه وجهه بشوش
فديته طالع على خالته والله حصرني شبي بس يعصر
هو الطفل هيج
هلوش تسوي واهس
لعد لو شايف ماجد من يضحكله يكوم يعض عض بروحه
هههه الله يخلي اله ويكف شره عني
هسه منو يمك
ماادري ممرتاح هههه
حقك
مو بله تنهدت انتي لو بمكاني شتسوين جواهر
جريت نفس الزم السجاده واكعد مالي غير الله يحلها
بس الزمها يعني ماصلي
شكد دهري يالكعبه
ههههه
كام يبجي علوشي
شبيك لللك صحت بعلو حسي انهل ابوك لابو الخلفك همست
شبيك وي ابو تره مااقبل نسيبي
ولج ضايج
اي وعلوش شعلي
اتشاقه تنهدت
هيه اجيك بس اودي لامه
دودي عاد شون لزكه
اييي ليث
عيوني
لتحجي عليه مااقبل
ميخالف مااحجي يله ودي عاد
اي وديته لاختي ورجعت سولفنا لليل حجي تافه وسوالف قديمه ودراسته وجامعته بقينا هيج اسبوع يوميه نسولف شاكلنا وششربنا وننضف سوه ونشرب جاي سوه كمت افتح هواي فديو وياه بحجابي
---
ترستلي يومي بحلاه كلبها كمت مااكدر اذا مو من الصبح لليل احاجيها نستني همي وحبستي نسيت اني خاطب وياها ومكتلها صداقه طاهره جانت بيننا تشجعني وتصبرني اكرم يجيني بين يوم ويوم بعده نضل نسولف يطب ويطلع محد يشوفه بليل يتسوك وخطيه امه تركبلي جداري اكل كبار واني اصل اكل واحمي بيهن عمر خلالي محامي وبقه يمشي بقضيتي وعرف روحه متراقب وكلهم مااعرف مكانه اخذ غير خط وكام يحاجيني بي اهلي مكطعت عنهم ابد بين يوم ويوم احاجيهم امي تبجي وتحاجيني وتكولي يوميه ادعيلك اخوتي كذلك ووالدي بس الله يدري شكد خايف من المجهول على غفله يطبون ياخذوني
----
الو
هلو صباحو---
هلو بيج يله كومي ب1
شبيك ضايج
لا ضايج متكسر من النوم
كوم خلي المي سوي جاي ابو الفتله هههه مقتنع بي هذا جاي اذا مو مهيل ومهدر
يابه شسوي ماعدي غيره ومااعرف اسوي جاي
ههههه تقهر
اي
جواهههر يله تعاي نضفي--- جيت جيت نوره
ديله روحي اني اتريك واحاجيج مو متخابريني تره واصله لمحمد
ماشي هههه باي سديته مقهوره عليه اليوم اسويله مفاجاه وامرله الضهريه من انيم علوش اليوم علوش يكمل قوطيته تقصدت ماكو لماجد يجيب حليب حتى اروح بنفسي واشتري و امر لليث سويت سبيناغ ونضفت وطلعتله على صفحه اله بدون متدري نوركملت شغل مخابرته عفته كومه دك ويسب بنسيبي واني خربانه ضحك لبست جبتي وطلعت واخذت الغراض نور جانت نايمه وصلت لفرعهم شفت مره دتمشي بالعكازه هاي بيوم القيامه توصل لبيتهم رحت للاسواق اشتريت الحليب وفتت شفتها واصله والشارع يصفر مشيت سريع شارع كله عكر وبي براميل نفط دكيت الباب واتلفت
ليث- تقربت اشوف منو ابتسمت ايا حقيره ليش متردين لعد فرحت كلش بشوفتها تعاي فوتي شسوي بيجج
مفاجاه
عابت هاي شجايبه هله هله اجيب خاشوكه واجي تعاي تفضلي
ابتسمت عدلت حجابي لا خليني بالباب
يابه شطلعت هاي مامنتي بيه صار سبوعين نسولف النهار كله
لا مو علمود شي والله
براحتج جبت الكراسي والطبله كعدت كدامها شنو جايبه
مركه سبيناغ وكليجه ولفه خميره
عزه بعيني ولج باع كرسي يبوووو باع الحكاكه
جيب خاشوكه وياك تره ممتغدايه
هاي شنو انتي الجبتي وانتي حتاكلي
عابتلك مو صوجك
جبت خاشوكه والطرشي وبطل اللبن وكعدت كدامها تاكل واباوعلها واكل الله لج يخبل الاكل
الف عافيه باوعت بعينه ردلي النضره مبتسم نصيت عيني
كملنا الاكل وشال المواعين بعدني كاعده بالباب كلسا يمد راسه من باب المطبخ يسولف لابس شورت فوك الركبه وفانيلا كيمونه واني صافنه عليه ادري بروحي تعلقت بي ومراح اعوفه لو شميصير
