طبعا ابوي قال عايز يشتري بيت جديد ونبيع القاعدين فيهو اسي دا
#بختصار.. المهم جا أخوي الكبير " سيف " قال لقا بيت كويس وبي سعر حلوو ف الكلاكلة🌚 قام ابوي قال خلاص نمشي نشوفوو 💪👀 .. اهاااا قمنا مشيينا💃انا وابوي وأمي وسيف ودخلنا لقيناهو بيت ما شاء الله 😍 يسوي كدي 👋 بيت من طابقين التحت مشطب من كل شي اما فوق م مكتمل.. لكن مشغول بطريقة فنية عجيبة 😍 شغلو حلوو
وطبعا لاقانا سيد البيت ابوي شال رقموو واتفاوض معاهو برا ومعاهو سيف .. وانا وامي حايمين جوة البيت ونكشف ساااي 😂👀 الغرف كيف والمطبخ كيف👋😍 شي عجيب يعني م حصل شفت بيت كدا صرااحة 😲 والجنينة ووبعللييييا جنة بس 👏💃 بس كنت بدعي ي رب ابوي يوافق يشتريهوو 👐
الحاجة الحلوة انو البيت كبيير وكلو زراعة ونجيلة بي ورا والهول عندو بابين باب بفتح ف الجنينة والباب من قزاز🙊وباب رئيسي قدام فيهو عجلات تحت 😲 شفتو بيت ناس نور ومهند؟ 🌚 بس زييوو الخالق الناطق👌 لكن فوق الله لا وراكم ✋️💔 طوب ودراب وسيخ وحالتو بي بالبلاء كععب م بتقابل الداير يجي يعاين تحت بس 😂
#الموووووهم قلت لي أمي ارح نشوف الجنينة برا عليك الله طبعا الباب قبيل قلت ليكم قزاز بتشوفي الجنينة عادي من جوة الهوول يلا ماشين وامي ماشة قدامي بي سرعة خياالية وم قايلة ف قزاز 🙉 قامت نطحتوو نطحة😮 وادتو روسية بنت كلب 😂😂👏 وأسمع ليك كوووو😳 الساعة ديك أنا فقعت الضحكة ههههه بطووول حسي انا ف المواقف الزي م بقدر اسيطر ع حلقي دا فضيحة خلاص😪 امي من الزعلة ادتني كف ف خشمي 😐 اسكتي ابوك برا حسك العالي دا ..سكتا ولميت لساني اقدر اقول شي ؟؟ ولسه انا ام قلبا ميت الضحك شارطني مسكاهو ي الله ... يلا فتحت الباب وطلعنا ع الجنينة 😍👋 عاد هو منظر وبعليييييياااا حسيت بي شي جوووة قلبييي انواااع من الزهووور 🌼🌻🌸🌹والشجررر دا🌲🌱🌳 م يديك الدرب والعجب النافوورة 😍😲 والنجيلة شي خيال خضراااا
وقبلت اشوف تعابير امي لقيتها فاتحة خشمها مترييين 😂 بتبالغي ي نبع الحنان م قدر دا قلت ليها ي امي م ردت ي امميييي م ردت تاني قلت ليها هووي ها اتخلعت المرة دي جاني كف جد جد 😂👋 اصبعينها الخمسة اتطبعو ف جضمي 💔🌚 بس ما حنك قالت لي فشنووو مالك قلت ليها خليتك نظام زعلتا 😒 بقينا ماشين ف الجنينة ونعاين ونتعجب ! فرحانين فرح شديد خلاص 😂😂 بعد شوية شفنا ليك الشجر كلوو بقا يتحرك براهو 😨 الغربية مافي هوا 😳 اجيييي😕 قلت لي امي واااي دا شنوو قالت لي تكون دي هبوب بس جات ومشت بعلت ريقي وقلت ليها سمح .. تاني ماشين لي قدام لمحنا لينا ضل ماشي وجاي تحت رجلينا 😨😱😭 وبعليييييا ي امي دا شنووو بي صوت عااالي طببعا المرة دي ادتني ام دلدوم🌚 ليه كدا ياخي 💔 قالت لي اجراكي ولقيتها فحطت بي كلووو وخلتني 😐 وانا الكرعيناتي متلجة و م قادرة اتحرك واجعر قبلي وااعييييي 😭 كعبة كعبة جات تاني راجعة وخمشتني من يدي ساقتني مشينا لي ناس ابوي برا وانا دموعي عشرة عشرة 😭 ابوي وسيف مالكم فشنوو
حكينا ليهم القصة بتاعت الضل قام سيد البيت قعد يضحك وقال لينا دا الحارس م عارفة حسيت بي نبرة صوتو كضاااب وحات الله.. يلا ابوي قال لي بتاع البيت يلا مع السلامة وبديك تلفون ركبنا عربيتنا وراجعين قمت قلت لي ابوي اها ح تشتري البيت ؟ قال لي اااي كييف بيت حلوو ورخيص م بنفوتو.. والسعر كان رخيص عديييل فكرتا كداا قلت لي ابوي شكلو الراجل بتاع البيت دا كضااب معقولة يبيع بيت سمح كدا بالسعر دا ؟
وبعدين الحصل ف الجنينة قبيل م عادي لو قلنا الضل انو دا الحارس م مشكلة لكن الشجر الاتحرك براهو دا كييف بسس
مافي زول اشتغل بكلامي 🌚💔 همشوني 😐 عيوني رقرقت وسكتا اسوي شنو يعني !؟
المهم قررنا نرحل بعد يومين ونقلنا عفشنا واستقرينا خلاص ف البيت السممح 😍 احيييا وعاجبني عجب اخش هنا واطلع من هنا ماسكاني ام فريحانة😂 تمينا يومين ف البيت وبقت تحصل حاجات م كويسة وم مطمنة نوهاااااااي 😳😱😨
#يتبع
