طبعا زي م قلت ليكم ابوي قال الا بعد يلقى بيت بعداك نرحل 💔 سكتنا وقعدنا .. اها المغرب اذن والواطة ضلمت 😐 والخوف الحقيقي بدا جد جد.. م بمشي خطوة وحدة ف البيت الا وزول معاي 🌚👌 كان جا شي اتناولني انا اقع ويين هييي بري لااازم زول معااي.. بليل لمن جا والعشاء اذن وانتهى والزمن ماشي وانا ماشة اسييح معاهو (شفتو زي ناس توم وجيري لمن يخاف بسيح) بس انا سحتا🌝 وبرجف زي القصبة (انتو القصبة بترجف؟) م عاااارفة بس الموووهم خاااايفة 😢 الساعة حداشر بليل طق👌 كنا قاعدين كلنا بنحضر وانا النعاس كاتلني وتعبااانة تعب م نمت خاالص مع البيت العجيب دا 😐 امي قالت لي امشي نوومي كفااك عيونك بقو حممر قلت ليها انوووم كيف انا (بي صوتي الفظييع داك عمل صدى ) ابوي من الخلعة قرب يقع من السرير 😂 وسيف دا عمل شهيق ولا زفير م عارفة المهم شال نفس وختااهو 😂👌 طبعا زحيت منهم بعييد عشان م يكتلوني تحتهم🌚👋 قلت ليهم خلاص ماشة اها ودخلت غرفتي بررااحة ي الله كابست النور واتزحزح بالحيطة وفتحتو وانا عيوني مصنقراات فووووق 👌 اها كشفت للوضة سسممح يمين شمال فوق تحت 👀 لحدي اسي مافي شي 😮 ماشة برااحة برااااحة 🚶🏻 ووصلت السرير ✊️ احي 😪 قلتا كدا رقدتا وبعاين فووق ف السقف بس لا قادرة اعاين يمين ولا شمال خايفة شي يخمشني💔 غايتووو بس الحمدلله 😭 وم قادرة اتقلب بس بقيت مصبوبة كدا 🌚 الهفا دي حالة شنو ديي بس بقلب ف عيووني ف النهاية بقيت اشجع ف نفسي انتي مسلمة ومؤمنة وم تخافي واتحصني مافي شي بجي واطمن ف نفسي سااي يلا شلت يديني وقلت عايزة احصن جسمي كلووو واقرا اية الكرسي وانوم وحاااتكم شالتني نوومة م اتحصنت زاتو 😮 كييف؟ م عارفة والله م تسألوني خلوني 🌚 كان عارفة م بوريكم يعني 😐 يلا شنو م تميت عشرة دقايق جاتني خلعة 😳 ونطيت سريع من السرير ونزلت رجلي لقيت النور مطفي😭 وف هوا حااار ف وشي انا كضمت كضما وحسي راااح 💔 وم قادرة اتحرك من مكااني بعد استجمعت قواي 💪 فتحت حلقيي ياهو كبيييييييييييييييييييير جبت ناس البيت كلهم لحدي عندي 😌 بي فرد صرخة 🌚👋 امي من برا سامعاها شغالة بتي ماتت الليلة ووب
لمن جو سيف فتح النور وشافو شعري وعيوني الطايرات 🌝 قربو يجروو امي سجمي مالك ي بت فشنوو حكيت ليهم الحصل وبكيت ليهم وقلت ليهم اصلوو مااا بنووم براي هناا دااا 😭 ابوي حنا علي وقال لي خلاص ارح ارقدي معانا ساقني معاهو برا ورقدنا كلنا ف الهول سووا بس المشكلة م هنااا المشكلة ف بابا القزاز الفاتح ف الجنينة دا 😂 بشوف حاجات طايرة برة 🌚😮 غمضتا عيووني وادسيت ورا امي والغريبة نمتااا ☺️ بعد دا.. عاد م تعبانة لكن صحيت الصباح لا لقيت امي ولا ابوي ولا سيف انا ووحدييي ف نص السرير وقمت عطشانة عطش الغريبة م بعطش من صباح الرحمن كدا عاينت كدا لقيت حفاظة الموية جمبي مشيت عليها وانا اتلفت دنقرتا بكب ف الموية باب الحمام وراي عمل كوووو والله انا شلت الحفاظة مليانة موية 😂 ومعاها الكباية 😂🌚👌 وجربت بيهم انا م عارفة ليييه شلتهم ☺️ م اجري برااي.. غايتو الخوف بعمل اكتر من كدا المووووهم شايلاهم وجارية وانا شغالة اقول الله اكبرر الله اكبر وامي جات جارية من مطبخها بي ترمسة الشاي
واصلو م اتلفت وراي بس جارية لمن طقشتا ابوي وهو طالع من غرفتو اتناطحنا انا هو جاني خلل ف المخ 💔 قال لي ي بت انتي مااالك معانا يااخ 👋 قلت ليهو هم جو لكن هم منو الجوو قلت ليهو الجماعة القاعدين معانا ف النهاية طلع دا سيف اخوي طالع من الحمام وقفل الباب وقعدو يضحكو فيني المشكلة جاتني قطيعة من الحفاظة المعتلاها دي🌚💔
يلا ابوي قرر انو يرحل 😍 لكن قبل يرحل ح يجونا ناس عمتي بي بناتهم يباركو لينا البيت .. والمصيييبة انو ابوي قال م تكلموهم انو البيت مسكون وكدا لحدي م يمشو وم تجيبو سيييرة عشان م يخافو .. الليلة كتمممت فيهم وخصوصا هم بايتيين 😂
