يلا بعد قعدنا يومين ف البيت بقينا نسمع اصوات ماااا ياها😳 قلنا دا عادي بتكون دي حاجة ف الشارع وبقينا عايشين عادي انا دخلت غرفتي الجدييدة 😍😂👋 هي يما كبييرة وواسعة وفيها شباك فاتح ف الجنينة السمحة ديك🌚 وفكرت اعمل ف الحيطة رسومات 😂✌️ واجيب داك ي السرير الدبل والمرتبة البتنطط ديك 🌚👋 ولمن فكرت كمان ناس البيت لمن يزعلوني اجي جارية ع غرفتي واقفل الباب واتكل بي وراهو واتزحلق لحدي م اقع تحت وانا ببكي🌚👌 غايتو حالتي صعبة 😂💔
وياهو ماشة وجاية ف البيت ومبتسمة طبيعي لي ضرسي الأخير لا شعوريا زي الدلاهة 😮
اليوم البعديهو امي شغلت قرآءن ف البيت وشغالين نرتب وننظف وكدا وسيف وابوي مافيشين
فجاءة نسمع ليك كركبة ف المطبخ ف العدة 😳😰 قلت لي امي وبعلييييا سجممنا والقرد هجمنا دا شنوو ؟!!!
امي زاتها خافت قالت لي برري ارح نشوف دا شنو عاد ي نبع الحنان قلبك قويي قلت ليها نووهاي م نمشي ولا نتحرك من مكانا دا 😐😣 قالت لي ي بت مافي شي بس نشوف فشنوو
قلت ليها اررح خلاص😭💔 ونحنا نتراجف وماشين بقينا واقفين بعيد من المطبخ و الباب فاتح وبنعاين 👀 مافي ااااي شيي جوة 😲 طيب والكركبة دي من وويين 😦😨😭😭
وبعليييي قلت لي امي البيت دا م يكون مسكون امي قالت لي اظنوو من قالت لي اظنو دي انا خلاص جسمي برد وشلااليفي ديل برجفن برااهن 👌 انا خووافة شدييد بخاف من ضلي 🌚💔 اهاااا سيف جا داخل لقانا حاضنين بعض انا وامي ودموعنا عشررة عشرة 😭 اتخلع وقال لينا المات منوو 😨
حكينا ليهو قصة اصلوو م صدقنا ونحنا نتحلف ونتقطع ودخل قال انا تعبان وداير استحمى 😐 (طيب وفلم الرعب الحكيناهو ليك دا موقفو شنو )🌚💔
يلا امي مشت تعمل الغداء عادي بعد الكركبة الحصلت دي قلبك قوي ما شاء الله😐 تاني انا اخش مطبخكم دا ؟ الا ابقى عويرة 👌 وانا بقيت بنظف برا براي وسيف استحمى ودخل غرفتوو تاني وحاتكم اشوف ليك امي جاية جارية مارقة من المطبخ ومنطلقة بي سرعة صاروووخ وشايلة كمشتها ف يدهاا 😂✌️
انا من الخلعة والخوفة جريت قدامها 😂💔 وهاجمنا غرفة سيف والباب ابا يدخلنا الأتنين 🌚 امي ادتني لبعة دخلتني جوة ووقعت ع خشمي وانا لسه م فاهمة شي وجارين ليه 😮 سيف قام من السرير مخلووع فشنوو ياخي 😡 انا قلت ليهو اسأل اميي م تسألني😠 سيف: فشنو ي امي ؟ امي قالت ليهو ف حاجة بتكركب ف دولاب المطبخ جوة 😳 انا قلت وبعليييييا انا مش قلت ليكم البيت دا مسكووون (يلا اتخليوها بي صووت عاااالي يجيب الرايح والبيت عامل صدى)🌚 سيف خمشني من كعكات شعري ونزل لي راسي تحت وحسيت بي عمودي الفقري بقا بالجمبة قال اصلك م بتعرفي تتكلمي براحة زي البنات تخوفي انتي قال خايفة قال😐👋 اتخلع زيادة 😂قال لي امي كيف يعني كركبة ف دولاب المطبخ اررح نشووف فشنوو اها مشينا كلنااا وانا ياهو قلبي ف يدي دخلنا وم لقينا شي بس سيف فتح باب الدولاب ف كبابي مكسرة نصهاااا 😱 الليلة وووب انا كلام غلبني وبقيت بجععر بس
امي قالت اصلو م بنقعد ف البيت دا ولاااا ثانية 👌☝️ وانا ببكي وبقول ليها اااي م بنقعد 😭😭 سيف قال كدي لمن ابوي يجي نشوف ح يقول شنوو
وبعليييا ح ننتظر ابوي لمن يجي كرررر 😭 سيف عاين ف وشيي بي استغراب كدا ومشى قلت لي امي دا مالو بعاين لي كدا وانا ببكي طبعا 😭 قالت لي ف بكاك العوير دا وتشفطفي ف نخرتك فظيعة 😒 ف اللحظة دي حسيت بالمعنى الحقيقي بي قصف الجبهات 🌚✌️بس قلبي حجرر💪 اتعودت ع التعامل القاسي دا 😂
#المووووووهم قامت امي قالت لي ارح معاي المطبخ نتم الغداء
قلت ليها انتي جااادة 😨 بعد الحصل دا 😱 قالت لي اااااي ..
اجييي اسي المرة دي م كان خايفة 😯 حددي موقفك ي امييي يلا دخلنا جوة وشغالة معاها واعاين فوق وتحت ويمين شمال كان ف شي كدي ولا كدي افتح حلقي طوالي وخايفة خووووف م عااااادي تمينا الغدا بي سلام والحمد لله
ابوي جااا 😍 بس من جا داخل كدا خلعناهو ليك انا وامي 😂👋 كررر عليهو موية م شربها ولاحظو بنحكي الاتنين سوا ✌️🌚 ومافي وحدة عايزة تدي فرصة للتانية وابوي مطير عيونو 😳 والله م فاهم ولا شييي هو ..وخاف مننا زاتو 😮
المهم سكتنا وقال لينا دا شنوو هوو 😒 واحدة تحكي عشان افهم
امي طبعا حكت ليهو😑 م مشكلة.. اصلا مافي زول شغال بي 😐 زي م قلت ليكم اتعودتا 🌚✌️
طبعا ابوي قال ستين يمين م بنطلع من البيت دا اها 💪 وكان مسكون بنطفشو بالقراءن والصلاة وسيد البيت غشانا وانا م بخلي (طبعا ابوي صععب لمن يقوم ) انا بقيف منو بعيييد عشان لو خمشني ولا كفتني برووح فيها باخد حزري ي انتو 😌👌 وم حنقدر نقول شي ابوي قرر خلاص وكلمتو وحدة ولازم تتسمع
#يتبع
