وسام--ذهبت للسوبر ماركت احضرت بعض الاغراض وعدت للمنزل نرجس:يلةسويت الغدةالكل يجي وسام:اني رايح لغرفتي مااشتهي اكل نرجس:خيرك صاير شي؟ وسام:لاماكو شي تعبان من الشغل من تكملون غدة قري يزن وملك شوفي شعدهم تحاضير ونيمي علي نرجس:ماشي روح ارتاح كانت عيونه حمراء واضح بأنه كان يبكي على شهد مازال يتألم،مازال يحبها كما كان يحبها في السابق واكثر،ليته يستطيع ان ينسى هذا الالم والعذاب ويعيش حياته،يجب ان تدخل فتاة الى قلبه وتغير حياته وتعيد اليه ضحكته لايجب ان يبقى يعاني الى الابد يستحق ان يعيش حياته بسعادة.... عند حلول ال10مساء"------ نرجس--ذهبت الى غرفةاخي وطرقت الباب وسام كاعد ارد احجي وياك وسام:اي كاعد دخلي نرجس:شلون صرت بعدك تعبان؟ وسام:لاالحمدالله تحسنت من نمت شوية نرجس:خوش ردت احجي وياك بخصوص موضوع... وسام:شنوة الموضوع كولي نرجس:راح ارجع للعراق اشتريت تذكرةوباجر طيارتي وسام:موجديد عليج هالشي كل شهر ترحين تشوفين عائلتج وترجعين نرجس:عائلتج؟؟همه عائلتك هم وهالمرة احتمال ابقة يمهم وسام:لشوكت يعني تبقين يمهم نرجس:مااعرف احتمال للابد واجي ازوركم بين فترة وفترة وسام:ماشي براحتج ابقي شكد ماتردين اني واحمد نعتني بالاطفال نرجس:وساام وسام:نعم نرجس:تعال وياي انته والاطفال خليهم يشوفون جدهم وبيبيتهم وسام:تعرفين جوابي بخصوص هالموضوع نرجس:لشوكت راح اتضلون هيج وسام ذولةعائلتك وسام:عائلتي التحجين عنهة تبرت مني ومن اطفالي قبل خمس سنوات وانتي تعرفين بهالشي كلش زين مالةداعي تعيدين بالكلام نرجس:جان كلامهم لحظة غضب لان عصيت كلامهم وشردت ويةشهد ماكو اهل يتبرون من ابنائهم جرب احجي وياهم وسام:لاتلوميني لان شردت ويةشهد اني سويت الي شفته صح وهمة لوجانو يحبوني مجان جبروني علةبنت ماريدهة ورفضو البنت الي احبهة.... نرجس:براحتك ماجبرك علةشي تصبح علةخير وسام:وانتي من اهلوو نرجس--خرجت من غرفته وانا غاضبة ساتحدث مع والداي يجب ان يسامحو وسام علي ان انهي هذا الخلاف،وبينما كنت متوجهةلغرفتي سمعت صوت الباب ذهبت وفتحتها كان احمد... احمد:سلام......نرجس:وعليكم السلام احمد:ليش لسةكاعدة موباجر وراج سفر نرجس:متانيتك اريد احجي وياك احمد:اوك بس خل اكل اول لان جوعان شنو سويتي عشة نرجس:كبة احمد:الله كبة نرجس راح اشتاقلهة منو راح يسويلنة اكل بعد ماترحين نرجس:وسام يسويلكم هوةيعرف احمد:اي كوليلي شنو ردتي تحجين نرجس:ارد احجي وياك بخصوص وسام احمد:شبي نرجس:ماعاجبني وضعة احمد:من ياناحية نرجس:كل النواحي،مثلا شوكت اخر مرةشفتة يضحك من كلبة؟ احمد:والله ماادري مااذكر نرجس:شوكت اخر مرةشفته فرحان احمد:نرجس الي تحجين عنه حبيبته توفت قبل كم سنه شلون تردي يفرح ويضحك وهو خسر اعز شخص عندة نرجس:يعني راح يضل هيج للدوم مو احمد:بشنو جاي تفكرين نرجس:لازم تدخل لحياتة وحدةثانية احمد:قصدج يتعرف علةبنيةويرتبط بيهة؟ نرجس:هيج شي احمد:هههههه هالشي مستحيل صديقي واعرفةلو تجيبيلة مهلاقا هم ماراح يرتبط بيهة(*مهلاقا ملكة جمال الكون) نرجس:ميخالف نحاول لازم نطلعة من الحالة الي هوةبيهة تعبت واني اشوفة ضايج ومهموم حتة اطفالة مبتعد عنهم احمد:ماشي نجرب منخسر شي نرجس:يلة اني رايحة انام احمد:كعديني باجر اوصلج للمطار نرجس:ماشي تصبح علةخير احمد:ونتي من اهل الخير في صباح اليوم التالي-- نرجس--استيقضت في الساعة ال6صباحا" جهزت حقيبتي وذهبت للمطبخ لأتناول الفطور احمد:صباح الخير.......نرجس:صباح النور احمد:اذا كملتي خلينه نروح نرجس:ماراح تتريك؟ احمد:من ارجع اتريك وياهم نرجس:اوك امشينه لعد صعدنا بالسيارة وعم الصمت بيننا احمد--بقيت افكر هل اعترف لها بحبي؟ماذا لو لم تكن تبادلني المشاعر سأتألم كثيرا" هل اوقفها في اخر لحظة؟ماذا لو ذهبت ولم تعد؟،وانا لماذا افكر بغباء هكذا لطالما كنت خبيرا بهذه الامور واوقعت العديد من الفتيات في شباكي لكن الامر مختلف مع نرجس اشعر باحساس جميل عندما اكون معها احساس اعيشه لاول مرةلم اعشه مع أي فتاة من قبل --وصلنا الى المطار نرجس--بقيت جالسة انتظره لعله سيخبرني بشيء يفرحني لعله سيوقفني لكنه لم يفعل احمد:ماراح تنزلين؟ نرجس:نازلة(قلتها بغضب) فتحت باب السيارة وكدت ان اخرج... احمد:نرجسس نرجس--نظرت اليه وبدات عيوني تلمع سيقولها والله سيقولها سيقول بانه يحبني ولن يدعني ارحل.......نعم كول احمد:توصلين بالسلامه☺ نرجس--عقدت حاجبي وغضبت ياله من غبي نزلت من السيارة واغلقت الباب بقوة دخلت الى المطار فسمعت صوت احمد وهو يناديني وقفت ونظرت اليه وانا ابتسم يالهي سيقولها الان سيعترف لي بحبه.... احمد:نرجس نرجس:أي أي اني هم احمد:شنو اني هم نرجس:هههه اسفةالحماس كتلني كول اسمعك احمد:نسيتي تاخذين حقيبة السفر مالتج نرجس--اللعنة على هذا الشاب الغبي رفعت يدي وكدت ان اضربه لكني تمالكت نفسي وصرخت بغضب جيبهة شكرا يلة باي احمد--مابها هذه البلهاء على كلا" انا قررت ان ارتبط بأسرع وقت لكي انسى نرجس لااريد ان اتعلق بها واحبها اكثر واضح بانها لاتحبني لانها لو كانت تحبني ماكانت لتقرر ان تبقى في العراق للابد.... عدت للمنزل وكانو وسام والاطفال ينتظروني على مائدة الطعام احمد:صباح الخير وسام:صباح النور وصلت نرجس احمد:اي وصلتهة ليش مارحت وياهة ودعتهة؟ وسام:ماريد لو جنت رايح اودعهةجان جلبت بية ارجع وياهة وتكعد تحجيلي محاضرات عن بر الوالدين يزن:ليش ماكعدوتنه احنه ماودعناهة راح نشتاقلهة احمد:لاحبيبي جانت مستعجلة مارادت تكعدكم بس توصل للعراق تخابركم وتطمنكم عليهة وسام:احمد اريدك تاخذ اجازةاليوم احمد:ليش وسام:الشيف انطانه ساعات عمل اضافية ماراح اكدر اجي الضهر احمد:لعد شلون وسام:اخذ اليوم اجازةواهتم بالاطفال احمد:وباقي الايام؟؟ وسام:افكر اجيب مربية يزن وملك:لابابا منريد مربية وسام:اش موبكيفكم علي:أي اني احب مربية تلعب وياي احمد:وسام انته نسيت كم مربية جبنه قبل واستقالن من ورة التؤام المشيطن يزن وملك؟نسيت لو اذكرك حتة اخروحدة حركو شعرهة وخلتنه نتكفل بمصاريف زراعة الشعر يزن:ههههه تستاهل جانت تشبه الساحرات ملك:اي وصارت جنهة شرشبيل من حركنه شعرهة وسام:احمد انته معليك بس شوفلي مربيةولتهتم بالباقي وانتو التؤام المشيطن سمعوني زين راح اجيبلكم مربية اذا استقالت هالمرة من وراكم راح ابطلكم من المدرسةواكعدكم بالبيت افتهمتو يزن وملك:ماشي بابا 🙁 وسام:يلةاني طالع للشغل تعال علوشي اوديك للحضانه احمد:الله وياكم وسام--اوصلت علي للحضانه وذهبت الى عملي كالعادة كان العمل ممل والشيف يصرخ علينا ولايعجبه شيء لاحظت بان هناك امراة شقراء تحدق الي لم اكترث لها وبعد دقائق اشارت الي وهي تناديني ساندي:عفوا ايها النادل الاشقر جاك:سام هناك امرأة تناديك وسام:لم ارتح لهذه المرأة لم لاتذهب انت جاك:لايمكن انها تناديك انت هيا اذهب... وسام:حسنا"...ذهبت اليها وقلت لها هل تحتاجين الى شيء ياسيدتي ساندي:اريد ان اتحدث معك اذ كنت متفرغ وسام:لست متفرغ الان لدي عمل كما ترين ساندي:حسنا" خذ بطاقتي واتصل بي وقت فراغك لانه علي ان اتحدث معك وسام:ساتصل بكِ باقرب وقت تركتها وعدت لعملي... عند حلول المساء----- وسام--عدت للمنزل وكنت مرهق لاني عملت لساعات طويلة رايت اطفالي يلعبون زال تعبني عندما رايتهم وجلست العب معهم وساعدت التؤام بحل واجباتهم ثم قرات لهم قصة وغطو في نوم عميق،تركتهم وذهبت لاتحدث مع احمد.... وسام:حمود شعجب كاعد بالحديقة بهالوقت مومن عاداتك احمد:حبيت اغير جو وسام:اوك كولي شصار علةسالفةالمربية احمد:اي لكيت وسام:صدك شبسرعة؟ احمد:عندي هواي معارف كدرو يلكولي وحدة بس هالمرة المربية تختلف وسام:بشنو تختلف احمد:المربية عراقية واتصلت بيهة كتلهة تبلش من باجر وسام:اي احسن بنت بلدنه تعرف شلون تتعامل ويانه احمد:اي وسام ردت اكلك شنو رئيك بجورجيا؟ وسام:مدينه حلوة احمد:لك موالمدنية جارتنة جورجيا الي جانت تجيبلنه اكل علمود تتقربلك وسام:شذكرك بيهة احمد:هيج بس ردت اعرف رئيك بيهة وسام:بنية عادية بس ماعجبتني تصرفاتهة هواي تتلوك وتتفيك احمد:يعني مو من نوعك...خلص نشطبهة من القائمه وسام:ياقائمه شدتحجي؟ احمد:هيج ولشي يلةروح نام تصبح علة خير وسام:ونته من اهلوو هذه احمد👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هاي نرجس👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
