كنت طوال الطريق العب مع الاطفال شعرت بأنهم بداو يحبوني .....
حل المساء وبدأ الجو يبرد اكثر يالهي انتهى موسم الصيف وبدأ عذاب الشتاء والبرد سمعت صوت الباب نهضت وفتحته فرأيت وسام كان يدعك يديه وينفخ عليهما من البرد ودخل بسرعة وقال
وسام:شغلي المدفأة جمدت
سارة:ماشي وراح اسويلك كهوة حته تدفة اكثر.وسام:ماشي سوي بين ماشوف الاطفال
ذهبت الى غرفة التؤام وعانقتهم وبدات اساعدهم بحل واجبهم المدرسي وقلت لهم ان ينامو مبكرا" لانه سيأتينا ضيوف بعدها ذهبت
الى غرفة علي عانقته وقبلته كانت حرارته مرتفعة قلقت عليه كثيرا فناديت سارة
وسام:سارة تعاي بسرعة ...(بقلم انستازيا)
سارة:ها شصاير
وسام:علي حرارته مرتفعة
سارة:هوة من اول ماخذته من الحضانه جان مالة خلك الضاهر هناك شارب شي بارد
علي:بابا ماريد اروح لدكتور
وسام:خلص حبيبي لاتخاف مناخذك لدكتور راح نطيك ادوية وتتحسن
سارة:راح اسويلة كمادات واجي
وسام:لاتتاخرين...
سارة--جلبت الكمادات ووضعتها على جبينه وبعد دقائق مددت يدي لأحملها ومد وسام يده فتلامست يدينا نظرت اليه وابعدت يدي بخجل
في هذه الاثناء اتصل احمد
وسام:الوو حموش جيب وياك دوة من الصيدلية علي مريض
احمد:عندة العافية هسة دقايق واروح للصيدلة ردت اكلك جهزت كلشي ترة مابقةشي وتجي سوزن
وسام:اوووو خرب نسيت تكدر تأجلهة لان علوش مريض ماكدر اعوفة
احمد:وسام لاتفشلني رجاء"شنو اجلهة شكول للبنية عيب من عدهة خلي سارة تبقة وتهتم بعلوش
وسام:ماشي اني ارتبهة حاول لتتأخر
احمد:ماشي فدوة لكلبك
سارة:اذا عدك شي روح اني اهتم بعلوش
وسام:عادي تبقين كم ساعة اضافية؟
سارة:اي عادي روح اي شي يصير اصيحك
وسام:ماشي شكرا"
اتصلت بالمطعم واوصيت على بعض الاكلات وقمت باعداد المائدة وتزينيها وجلست انتضرهم.....
احمد--ارسلت مسج الى سوزن واخبرتها ان تبدأ بالخطة
سوزن-- كنت انتظر تيبو لتقلني لبيت احمد
وبعد عدة دقائق وصلت ف ذهبت وصعدت بسيارتها
طيبة:اوو ماكل هذه الزينه وغمزت لها
سوزن:لاتحرجيني ارجوكِ ولنسرع لقد تأخرت
طيبة:حسنا" لكنك لم تخبريني بمن ستلتقين؟
سوزن:بصديق احمد
طيبة:وسااااام؟؟؟؟؟
سوزن:نعم هو هل تريدين القدوم معي؟
طيبة:لايمكن هكذا بدون دعوتي سيكون عيب
سوزن:معك حق سندبر لكم لقاء في المرة القادمه
طيبة: تمام....بقيت افكر بوسام كيف اصبح شكله ياترى؟ هل اصبح وسيما" طويلا" لطالما كنت مغرمه به، طوال فترة مراهقتي وانا احلم به لم اكن اتوقع انني ساراه بعد هذه المدة
لقد جعتله يضيع مني بالماضي لن ادعه يضيع مني مرة اخرى انها فرصة واشارة لأجتمع به مجددا"
سارة--كان علوش في حضني وكنت اسرد له حكاية نظرت اليه فوجدته نائم افف واخيرا" لقد تكسرت عضامي من الجلوس هنا وضعته على السرير ونهضت ذهبت لأبحث عن وسام فوجدته جالس على المائدة وكانت مرتبة بصورة جميلة وعليها طعام شهي
سارة:واااو شنو جايين ضيوف
وسام:حبيبة احمد وحب اتعرف عليهة بأعتبار اني عائلتة الوحيدة هنا
سارة:حلووو لعد اني اطلع وعلوش نام
وسام:ممكن تضلين شوية خاف يكعد علوش وماكدر اخذ راحتي وية الجماعة .. سارة:ماشي
وبهذه الاثناء طرقت الباب نهض وسام وفتحها كان احمد ويحمل كيس ادوية وبعد دقائق طرقت الباب مرة اخرى وكانت حبيبة احمد القت التحية عليناوجلسو على المائدة كنت متوجهة الى غرفة علوش لكن احمد ناداني
احمد:سرو تعالي ويانه
سارة:لا شلون يصير هذه عشاء خاص بينكم
احمد:مابيهةشي تعالي حتة تتعرفين علة سوزن انتي هم صرتي جزء من هاي العائلة
سارة:ماشي شكرا".. جلبت كرسي وجلست امام وسام كنت متعمدة ان اجلس امامه لكي اراقبه واشبع منه
طيبة--اوصلت سوزن الى المنزل وبمسافة الطريق رأيت حقيبتها في مكانها يالها من حمقاء كيف تنسى حقيبتها لابد انها ستحتاجها علي ان ارجع ....
سارة--كانو ياكلون ويتكلمون بينما انا كنت شاردة بعالمي الخاص كنت شارده به ،وسام انظر اليه بين الحين والاخر لكي لاينتبه لي
انظر الى عينيه تارة والى شفتيه تارة اخرى كيف يأكل كيف يمسك الملعقة كيف يبتسم يالهي هذا الشخص بدأ يسلب مني قلبي رويدا" رويدا"
وسام:اجل سوزن حدثينا عن نفسك قليلا"
سوزن:انا ولدت هنا لدي ام واب انهما على قيد الحياة والحمد لله ولدي اخ واحد اكبر مني انه متزوج بأمرأة فرنسية ويسكن باريس ولديه اربع اولاد اعيش بمفردي في المنزل والدي انتقلا لمنزل اخر كرست حياتي للدراسة وكنت مجتهدة تعرفت على صديقتي تيبو في الجامعة ومازلنا صديقات الى الان
وبعد انتهاء الجامعة قررنا ان نعمل في نفس الشركه وهذا ماحصل ...هل تريد معرفة شيء اخر؟
وسام:لماذا لستي متزوجةالى الان؟
نظر الي احمد وكان غاضب
وسام لاتحرج البنيةبهيج اسئلة
سوزن:لم اعثر على الشخص المناسب بعد
وسام:جيد
بهذه الاثناء طرقت الباب
سارة:اني افتحهة خليكم.فتحت الباب فرأيت فتاة ذو شعر احمر كيرلي قصيروتملك عيون
ناعسة وبشرة حنطية وكانت طويلة جدا ونحيفة وترتدي جاكيت بني وبنطال اسود بقيت انظر اليها باستغراب لأني لااعرفها ولم اراها هنا من قبل
طيبة:هل هذا بيت وسام؟
سارة:نعم انه هو من حضرتك؟
طيبة:جئت من اجل صديقتي سوزن لقد نسيت حقيبتها
سوزن:انه صوت تيبوو سأعود
اووو تيبو اهذه انتي
طيبة:نعم انها انا لقد نسيتي حقيبتكِ ياحمقاء
سوزن: اه نعم اليوم تركيزي مشتت شكرا لك
طيبة:لاعليك هيا الى اللقاء
سوزن:لاتذهبي الى اين في هذا الوقت والبرد هيا ادخلي لقد بدأنا العشاء للتو انضمي الينا
طيبة:لايمكن لقد تحدثنا بهذا الامر لاتحرجيني
جاء احمد ونظر اليها
طيبة اهلا وسهلا تفضلي ويانه
طيبة:لاماكدر اعذرني غير مرة
سارة--نظرت اليهم باستغراب انها عراقية؟و لما كل هذا الاصرار لانضمامها الينا؟
سوزن:هيا ارجوك لاترفضيني
طيبة:تمام😓
دخلت الى المنزل فرأيت وسام يالهي كم كبر
واصبح وسيما" وهو ما ان رأني وقف على قدميه ونظر ألي بأستغراب
كم تمنيت ان اذهب واحضنه لأني مشتاقةاليه لكني تمالكت نفسي وذهبت اليه ومددت يدي لاصافحه
مرحبا"
وسام:مددت يدي اليها وصافحتها مراحب طيبة مو
طيبة:هههه اي الحمد الله بعدك متذكرني
وسام:أي سولفلي احمد عنج كالي تصير صديقة حبيبتي وانتي موهواي متغيرة بس شعرج طيبة:هههههه ماشي
سارة-ماهذا هل يعرفان بعضهما؟؟؟؟؟
احمد:تفضلي طيبة لاضلين واكفة
جلست طيبة في مكان سارة
سارة--نظرت اليها ورفعت حاجبي
عفوا" هذا مكاني
طيبة:اعتذر وارادت النهوض....
احمد:ماكومشكلة سارة جيبي غير كرسي
سارة--غضبت من تصرف احمد جلبت كرسي اخر ووضعته بجانب وسام وجلست بقى وسام ينظر الي باستغراب
طيبة:ماكتولي منو هاي السمرة القزومه واشارت الى سارة هاي شهد صح؟
كان وسام يشرب الماء فشرق وبدأ يسعل
احمد: 😓لأ هاي المربية ،شهد متوفية قبل خمس سنوات
طيبة:اوو اني اسفة (وفرحت بداخلي كثيرا")
وسام:لاعادي اي احجيلنه عنج طيبة شنو الي خلاج تجين ل كندا
طيبة:اجيت لهنا علمود الدراسة اني تخرجت من جامعة بغداد وقررت اكمل ماستر بالخارج وخطرت ابالي كندا والحمد الله سافرت وكملت وشتغلت وسكنت هنا انته شنو الي جابك هنا؟وسام:سالفةطويلة
طيبة:احجي نسمعك
سارة:اي احجيهة اني هم حابة اعرف
وسام: ماشي
بعد ماتوفت زوجتي ورةسته اشهر احمد قرر ان نسافر علمود اغير جو وترتاح نفسيتي لان حيل ادمرت وقتها
جنة مقررين نبقة شهرين استأجرنه هذه البيت كان ملك لوحدة اربعينية مصريةحيل حبتنه وحبت الاطفال مرو هالشهرين بسرعة بس رتاحت نفسيتي وقتها ردنا نرجع للعراق بس المرة الويانه حيل تمرضت ماكدرنه نتركهةوهيةوحيدة بقينه نداريهةالي عرفنا عنهة ان زوجهة زنكين اجو لهنا قبل 3سنوات علمود سياحه بس زوجها انعجب بوحدة كندية واتزوجهة واشترةهذه البيت لزوجته وهيةطلبت الطلاق ومجان عدهم جهال
وعاشت وحيدة ..الا ان تعرفت علينة واعتبرتنه عائلتهة المهم مرت اشهر وصحة هاي المرةتدهورت و اتوفت وقبل لتتوفة سجلت البيت بأسمي؟ وكاتبةبوصيتهة ان مالي احد بهالدنية غيركم انتو عوضتوني عن كلشي المهم ماكدرنه نرجع للعراق بعد تعودنه علة هالاجواء والاطفال تعودو احمد كام يشتغل بشركه لان هو عدة شهادة جامعية وابو عدة هواي واسطات ومعارف بالخارج كدر يشتغل بسهولة اما اني مكدرت اشتغل بقيت اهتم بالاطفال بعدها اتصلت بنرجس الي هيةاختي الاصغر مني كتلهة تجي تسكن ويانه
لان كدرنه نحصل علةاقامه المهم كوة قنعتهة وسحبتهة لان جنت اواجه صعوبة بتربية الاطفال ماكدرت ادبرهم وحدي لازم اكو مرة تهتم بيهم وجنت اخاف ومااثق بالمربيات
من اجت نرجس خففت عني حمل الاطفال بدو يحبوهة ويتعلقون بيهة واني بديت ادور ع شغل بالبداية اشتغلت موصل بيتزا وبعدهةاشتغلت نادل بالمطعم والحمد الله استقريت هنا هذه كل الي صار
طيبة:وقررت تسكن هنا نهائي؟
وسام:أي طيبة:زين واهلك؟
وسام:نرجس تروح كل شهر تشوفهم وتضل عدهم اما اني ..
طيبة:اعتذر هواي ادخلت بخصوصياتك
وسام:لاعادي
احمد:يلة كملو الاكل برد
سارة--كنت انظر لأحمد وسوزن لا اشعر انهم يحبون بعضهم كانت مشاعرهم جافة وباردة تجاه بعضهم حتى انهم لاينظرون الى بعضهم بنظرات اعجاب او حب! ايعقل انهم يخفوها؟ ام انهم يخدعون بعضهم ام ان المشاعر بين المحبين تضهر فقط في الافلام؟حسنا" ماشأني بهم .الامر الذي كان يزعجني في هذا الوقت هو وجود طيبة كانت تنظر الى وسام كثيرا تكاد ان تاكله بعينيها مما اغضبني الامر وازعجني
انهينا الطعام وطلب مني وسام ان اغادر لكني رفضت بحجة علي واني اريد الاهتمام به قد يستيقض لكني في الواقع كنت اريد ان اراقبه وامنعه من التقرب لهذه الشمطاء ذو الشعر الاحمر...
طيبة:اشكركم عالاكل جان كلش طيب وكلش استمتعت وياكم
سوزن:شكرا لكم على كل شيء
وسام:ماكو داعي للشكر ننتضر زيارتكم مرةثانية
طيبة:انشاءالله
احمد:تعالو اوصلكم للباب....
أنت تقرأ
عٌشٍقِتّ غٌيِّرهِأّ
Romanceنوع الرواية:رومانسي نبذة مختصرة:الرجل الارمل وسام الذي يقع في حب مربية اولاده لكنه يتصرف بكبرياء ويرفض لانه يظن انه لايستطيع ان يحب غير زوجته
