عٌشٍقِتّ غٌيِّرهِأّ

بارت7

وبعد دقائق وصلني مسج من احمد قرأت العنوان وذهبنا اليه ،دخلنا الى المطعم وكنت احمل علي
انه مطعم فاخر جدا" وراقي الطاولات مرتبة وانيقة والنادلات انيقات ورشيقات جلسنا على احدى الطاولات وكنا ننظر يمينا" وشمالا" بحث" عن وسام  فجاء الينا نادل واعطانا القائمه
سارة:عفوا" نحن نبحث عن نادل هنا جئنا لرؤيته
جاك:ماهو اسمه؟
سارة:وسام
جاك:عفوا" نحن ليس لدينا نادل يحمل هذا الاسم
سارة:اووه حسنا" لابد اننا اخطانا العنوان
امشينه علوش اجينه للمطعم الخطأ
علي:بس احمد ميخطأ بالعنوان
سارة:انته ماجيت لهنا قبل .           
علي:لأ
سارة:امشينه لعد نطلع واخابر احمد
وبينما كنا على وشك الخروج سمعت صوت وسام
وسام:سارة؟!!
التفت اليه وركض علي وحضنه
وسام:شنو هاي المفاجأة ليش مكتولي
سارة:علوش حب يفاجئك
علي:اي بابا حبيت اشوف شغلك
وسام:فديته لعلوش يلة تعالو رجعو خلي اجيبلكم اكل
جلسنا على الطاولة واحضر وسام الطعام وجلس معنا
وسام:شلونه الاكل
سارة:طيب كلش
علي:بابا انته مغير اسمك ؟
وسام:لاحبيبي ليش هالسؤال
علي:لان سألنه هذه النادل عنك وكال ماكو واحد بهيج اسم
وسام:ههههه الناس الي اشتغل وياهم كتلهم يصيحولي سام لان صعبة عليهم يلفظون وسام
علي:هااا يعني صار عندك اسمين
وسام:ههههه اي هيج
جاك:سام هيا انهض قبل ان ياتي الشيف
وسام:حسنا" انا قادم
يلة جماعة عن اذنكم عندي شغل أي شي تحتاجو طلبوني
سارة:ماشي سيد سام
وسام--نظرت اليها وفتحت عيناي
سارة:العفو اقصد وسام
وسام:ماشي
سارة--يالهي اسم سام يليق به كثيرا" وكأن هذا الاسم خلق لأجله  كان علي ياكل وانا كنت اراقب وسام كيف يحمل الاطباق ويبتسم للزبائن ويتكلم باحترام
وكيف يمسح عرق جبينه بمنديل ويخبأه في جيبه وكيف تتطاير خصلات شعره الذهبية   وضعت يدي على خدي وانا انظر اليه واراقب كل حركاته وكل تصرفاته وكأني ذهبت لعالم اخر لاارى اي شيء سواه انا حقا" معجبة بهذا الشاب
علي:سارة يلة خلصت خلينه نكوم
سارة ساااااارة
سارة--
كان علي يناديني وانا كنت سارحه بعالمي ف وعيت على نفسي .. هااا علوشي
علي:وين شردتي يلة خلينه نكوم
سارة:هاا اوووك يلة امشي
في الساعة ال12 ضهرا"--
سارة:كنت طوال الطريق افكر بالتؤام وكيف سأجعلهم يسامحوني ماذا علي ان افعل؟، ايعقل ان يكون التعامل مع الاطفال صعبا" لهذه الدرجه
صعدو بالسيارة وكالعادة لاينظرون ألي ولايكلموني
وعندما اتكلم معهم وافتح حديث ما يتجاهلونني
مرت 3ايام ونحن على نفس الحال لم يتغير الوضع بيني وبين التؤام مازالو غاضبين مني جلبت لهم انواع الالعاب واخذتهم للحدائق واشتريت لهم العديد من الشكولا والحلوى ومع ذلك مازالو غاضبين مني فقررت ان اتكلم مع احمد لأعرف ماذا يحبون اكثر
سارة:احمد فارغ اكدر احجي وياك؟
احمد:تفضلي ماعدي شي
سارة:اريدك تساعدني بموضوع
احمد:شنو كولي
سارة:التؤام ضايجين مني واريد اصالحهم
احمد:ههههه همةاصلا" ضايجين منج من اول ماجيتي
سارة:ليش شنو سويتلهم؟
احمد:موبس انتي كل مربية نجيبهة يشردوهة ماعرف ليش ميحبون المربيات اكثر وحدة طولت ويانه شهر وحركو شعرهة وشردت
سارة:حركو شعرهة😨
احمد:لتخافين ميكررون هالشي وسام حذرهم
سارة:الحمدالله
احمد:أي شلون تردين اساعدج
سارة:اريدك تكلي شنو اكثر شغلة يحبهة التؤام؟
احمد:اممممم خليني افكر
يحبون الحلويات والشكولاتة
سارة:ايي شتريتلهم وماكو نتيجة
احمد:وديتهم للمتنزهات والالعاب؟
سارة:وديتهم
احمد:اوك لعد بقة شي واحد اذا سويتي اضمنلج راح يصالحون وياج
سارة:شنوة؟
احمد:سويلهم حفلة مبيت وي اصدقاءهم
سارة:هااا صدك والله ليش مخطر هالشي ابالي بس خاف وسام يرفض
احمد:معليج بي اني اقنعة اهم شي حاجيهم
كوليلهم اليلة هاي خل يعزمون كل اصدقاءهم من المدرسة ويسون حفلة مبيت وصدكيني راح يصالحوج ويحبوج
سارة:ماشي هسة اكللهم شكرا حمودي نقذتني
احمد:تدللين ولو
سارة--
ذهبت الى غرفتهم وطرقت الباب
يزن:اذا احمد ادخل وذا سارة روحي
سارة-
فتحت الباب ودخلت
ممكن احجي وياكم بموضوع
ملك:لأ
سارة--
عندي الكم مفاجأة
يزن:ملينه من مفاجأتج كلهة قديمه وموحلوة
سارة--
بس هالمرة راح تعجبكم
ملك:شنو كولي
سارة:راح نسوي حفلة مبيت
يزن:مافهمت؟
سارة:اليوم بليل نسوي حفلة مبيت خابرو اصدقاءكم من المدرسة وعزموهم كلهم
ملك:منو كال بابا يقبل؟
سارة:لاتخافون احمد يقنعة اليوم خذ اجازة وهويحاجي
ملك:يعني راح نحتفل للصبح؟؟
سارة:هههه اي
بداؤ بالقفز والضحك
يزن:ياااييي ييييي مامصدك خل اجهز العابي ورشاشاتي
ملك:واني اجهز لعباتي
سارة:واني احضرلكم الفشار والحلوى
ملك:ماشييي
سارة--
شعرت بسعادة وسرور عندما رايتهم فرحيين يالله واخيرا" سيسامحونني ويزيح هذا العبئ من على قلبي
ذهبت الى المطبخ واعددت الكثر من الطعام للاطفال والحلوى والكيك والعصائر الطبيعية
عند حلول  ال7مساء" امتلئ البيت بالاطفال الكنديين حتى انني تركت الباب مفتوحا" لاني سئمت من فتحه كل دقيقة جاءو اهاليهم معهم واوصوني بهم كثيرا وقالو بانهم سيقلونهم من هنا في الساعة ال10
كنت انظر اليهم وهم يلعبون رأيت التؤام وعلوش وكم هم فرحيين  فرحت في داخلي  انه شعور جميل عندما تجعل احدهم سعيد ...
احمد:اولاااد وسام يتاخر لان عندة طلبيات ف اخذو راحتكم
يزن وملك:ييييييااااااييييي يسسسس وبداؤ يقفزن
احمد:سارة اني راح اطلع اذا صار شي اتصلي سارة:اوك
نورا:ماذا قال هذا الشاب؟
يزن:قال بان ابي سيتاخر لنأخذ راحتنا
بدا الجميع بالقفز واللعب وكانو يلعبون بالوسادات ويقذفونها وبدأو برمي الطعام على بعضهم افتعلو فوضى كبيرة غضبت كثيرا من تصرفهم فصرخت
هذا يكفي لاتفقدو عقولكم العبو بهدوء
لكن للاسف لااحد ينصت الي واستمرو بلعبهم المتوحش وخربو المنزل فصرخت مرة اخرى وقذفني احدهم بالحلوى وهرب
سارة:تعال ايها الابله كيف تقذفني في حلواي 
اردت ان امسك به لكني تزحلقت وسقطت كان هناك عصير مرمي على الارض
يالهي بدأت افقد السيطرة عليهم علي ان افعل شيء نهضت بصعوبة وكنت احمل هاتفي لأتصل بأحمد فجاءتني ملك ورفيقاتها
ملك:سرووو تردين نسامحج؟
سارة:ليش انتو لسة ماسامحتوني؟
ملك:لا بس اذا نفذتي الي نطلبة منج راح نسامحج
سارة:اوك شنو طلبكم
نضرت ملك الى رفيقاتها بنظرة شريرة
ملك:تعالي ويانه للغرفة
سارة--
اخذوني للغرفة وغلقو الباب  فتحت احدى رفيقات ملك حقيبتها واخرجت صندوق كبير
ملك:لاتتحركين أي حركه ولاتسوين أي شي ألا لمن نخلص
سارة:ماشي😓
ركن وسام سيارته بالكراج ونزل منها راى باب المنزل مفتوح وهناك اصوات قهقهة تخرج منه
دخل الى المنزل ووقف مصدوما" من المنظر الذي رأه
كان المنزل في حالة يرثى لها الطعام بكل مكان والوسائد متسخه وهناك اطفال يقفزون ويلعبون ويصرخون
فصرخ وسام بعصبية
كاااااااااااااااافيييييي
ارتج المنزل من الصوت ووقف جميع الاطفال وجمدو في مكانهم
وسام:يزن ملك شديصير هنا فهمونييي؟
خرجت ملك من الغرفة وتوجهت مع يزن الى ابيهما
يزن:بابا😓😓
وسام:شنووو؟؟
فخرجت سارة من الغرفة وهي تركض ووقفت امام وسام
سارة:وسام الله عليك اسمعني الاطفال مالهم دخل اني الي خططت لهاي الحفلة
نظر وسام الى سارة التي كانت تضع شرائط المدرسة الابتدائيةعلى شعرها  وترتدي ملابس الاطفال وخدودها حمراء وفمها مليء باحمر الشفاه كان شكلها مضحكا" جدا"
وبينما كانت تبرر الموقف لوسام
انفجر وسام ضاحكا" ويأشر باصبعه على ملابسها
سارة--
وقفت جامدة توقعت ان يصرخ ويوبخني او يطردني لكنه ضحك يالله ايعقل ان تكون ضحكة احدهم جميلة لهذه الدرجه
وسام:هههههههههههههههههه خرب هاي شلابسة
وبينما كان وسام يضحك رمى احدهم كعكة على وجهه
سارة--وضعت يدي على فمي وضحكت
وسام--
مسحت وجهي وغضبت كيف تجرء وتضحك علي هذه كانت هناك كعكة على الطاولة حملتها ورميتها على وجه سارة فبدا الاطفال يضحكون ويقذفون الكعك على بعضهم
......فغضب وسام اكثر وصرخ عليهم فتوقف الجميع عما كان يفعله اخذت الهاتف واتصلت بعائلاتهم وطلبت منهم ان يأتو بسرعة
وبعد عدةساعات جاءو اهاليهم وخرجو جميع الاطفال ف قلت ليزن وملك وعلي ان يذهبو لغرفهم انا ساتحدث مع وسام
استحممت وغيرت ملابسي وذهبت لغرفة وسام كان يجلس والغضب واضح عليه
سارة:ممكن ادخل. وسام:تفضلي
سارة:وسام شوف حبو الاطفال يغيرون جو وكتلهم نسوي حفلة واحمد كال اني اتصل بي واخبره بس اعتقد نسه
وسام:المفروض تاخذين أذني قبل لسوين أي شي
سارة:حقك اني اعتذر بس احمد كال راح اخبره وبعدين انته ليش ضايج هلكد الاطفال تونسو وفرحو
وسام:خوش والفوضى الي سببوهة بالبيت منو راح يرتبهة حته خدامه ماعدنه
سارة:اذا مشكلتك هية الفوضى الي صارت خلص وليهمك اليوم اسهر وارتبهة
وسام:ماشي روحي رتبيهة
سارة--نضرت اليه ورفعت حاجبي كم هو لئيم واحمق
خرجت من غرفته  وكنت غاضبه واتكلم مع نفسي
يعني شكو بيهة اذا سوينه حفلة وين المشكلة سيد وسام معقولة ماكو اب يفرح لمن يشوف اولادة فرحو؟؟
اوف اوف خلص اني هم غلطت المفروض اخبره قبل لااسوي الحفلة ولهذه السبب راح اتحمل نتيجه غلطي وانضف هالفوضى
اتصلت بوالدتي واخبرتها بأني سأتاخر رفعت بنطالي الى فوق ركبتي ورفعت شعري لكي انضف براحتي
وفي هذه الاثناء دخل احمد الى المنزل
ورأى الفوضى تعم المكان
احمد:هاي شصاير هنا؟
سارة:لاتحجي وياي أي كلمه اني ضايجه منك بسببك ترزلت من وسام
احمد:ليش؟ اهووو خرب نسيت اكلة والله علةبالي ونسيت
سارة:مواني اعتمدت عليك
احمد:اسف بس والله نسيت خلص هسة راح احجي ويا
سارة:اففف ماشي
احمد--دخلت الى غرفه وسام فرايته جالس على جهاز الحاسوب ويبدو عليه الغضب
احمد:احم احم
وسام:احمد روح لغرفتك مالي مزاج للسوالف
احمد:ردت اعتذر منك بخصوص الحفلة سارة كالتلي اخبرك بس اني نسيت
وسام:اوك مصار شي انسه
احمد:اكدر احجي وياك بموضوع ثاني؟
وسام:كتلك مالي مزاج
احمد:انته دومك ماعندك مزاج  وماكو وقت نقضي سوة علمود احجي وياك بخصوص هالموضوع بس بليل نلتقي وتجي تعبان تريد تنام شوكت احجي لعد
وسام:اوك احجي شنو الموضوع؟
احمد:اول شي خل ابشرك اني ارتبطت
وسام:شعجب واني اكول احمد عقل وعاف هالسوالف تالي رجعت لسوالفك القديمه
احمد:هية لزكت وماكدرت ارفض
وسام:الزبدة؟
احمد:صديقة حبيبتي الجديدة من معارفنا القديمين احزر منية؟وسام:منو؟
احمد:راح تنصدم من اكلك. وسام:كول موشلعته لكلبي
احمد:طيبة وسام:طيبة منو؟؟؟؟
احمد:لك طيبة دلوعة المنطقة الي جانت تيجنا للمحل ولازكه بيك وسام:اهووووووو شجابهة هاي لخاطر الله
احمد:لا والحلو تشتغل وياي بنفس الشركه
وسام:هاااا .احمد:وسام هاي اشارة
وسام:اشارة لشنو؟
احمد:اشارة ان طيبة هية عشقك الثانيي
وسام:خوماكو شي شنو صرت منجم
احمد:صدكني هالشي موصدفة يعني ليش ضهرت بعد هالوقت؟ وليش هية اكيد القدر يريد يجمعكم مرةثانية
وسام:دقيقة دقيقة انته مو جنت تكرهة؟ ومتطيقهة شنو الي خلاك  تمدح بيهة هسة
احمد:اييي جنت بس هسة هيةتغيرت كلشي تغير بيهة وصارت ناضجه ومثقفة وحلوة هم
وسام:ارتبط بيهة انته لعد واحتمال هاي اشارة ألك مويكولون بداية الكره يتحول لحب انته جنت تكرهة وكمت تحبهة
احمد:وسام شدتخربط اني اريدك تعيش حياتك وترجع ترتبط انته مو اول  ولااخر واحد ماتت حبيبته لخاطر جهالك همة هم يردون ام وهم لاتنسة وصية شهد
وسام:لاتخليني اندم لان حجيتلك عالوصية واني مجاي اتقبل فكرة الارتباط ماكو بكلبي غير شهد ومستحيل تجي وحدة ثانية تدخل لحياتي
احمد:ماشي براحتك بس صدكني شهد ماراح ترتاح بكبرهة ألة من تنفذ وصيتهة
وسام--
اختنقت من كلام احمد شعرت باني بحاجه للقليل من الهواء فخرجت للحديقة جلست على الارجوحة وتذكرت شهد فبكيت
سارة--اصبحت الساعة ال12 ولم انتهي بعد ،مازال هناك العديد من الوسائد المتسخه اخذتها للمطبخ وغسلتها وخرجت للحديقة لأعرضها للهواء فرأيت وسام يجلس على الارجوحة ويحتضن نفسه وكان يرتجف من البرد خفت من ان يمرض ف دخلت الى غرفته وجلبت له جاكيت ووضعته عليه وجلست الى جانبه فور ان رأني ادار وجهه ومسح عينيه
ماهذا هل كان يبكي؟؟؟
كنت ارى رجالا" يبكون في الافلام واضحك عليهم لم يسبق وان رايت رجل يبكي من قبل ولااعرف كيف اتصرف وماذا اقول  نظرت اليه وعم الصمت بيننا
سارة:وسام حاب تكول شي او تفضفض؟
وسام--نظرت اليها وكانت عيوني حمراء  من البكاء لم استطع ان اتكلم عجز لساني عن النطق
سارة:شوف اكو نوع من الناس من يحزنون او يتعرضون لخيبات امل يحتاجون احد يفضفضولة ويحجون الي بكلبهم
حتة يرتاحون حتلو يحجون لشخص غريب بمجرد مايحجون الي بداخلهم هواي يرتاحون والنوع الثاني يحبون يبقون وحدهم بهيج حالات ويواسون نفسهم بنفسهم ف اذا انتة من النوع الاول ف اني مستعدة اسمعك
ادار وجهه عني ولم يتكلم شعرت بانه يريد  البقاء بمفرده نهضت وكنت على وشك الذهاب ف امسك يدي ونظر الى عيني
وسام:شايفة من يدخل شخص بحياتج ويملك عقلج وقلبج ويخليج تشتاقين الة بكل لحظة وتعدين الساعات والدقايق حتة تشوفي او تسمعين صوته ،ومن تشوفي تحسين ان انتي رحتي لعالم ثاني تتمنين يتوقف الزمن وتبقين تتمعنين بي وتشبعين من شوفته ،ومن تحجين ويا تحسين كأن انتي محاجية وية بشر من قبل وهذا اول بشر تحجين ويا لان كل الكلمات تتطاير من تشوفين عيونه تتلعثمين تتوترين خايفة يكون حديثج ممل ويمل من عندج خايفة مايعجبة حديثج تحاولين دائما" تكونين شخص مثالي كدامه حته ينعجب بيج ويحبج اكثر ومستعدة تضحين بكلشي لخاطر تشوفين ابتسامتة شايفة هذه الشعور الي حته الكلمات عجزت توصفة لحظة تكونين ويا وعيونكم متفارق بعض وفجأة هذه الشخص الي جان مصدر سعادتج الي جان مخليج تحبين الحياة وعايشة علمودة فجاة يختفي
يروح ،وين؟ مااعرف طيب ليش راح وحدة؟ ليش مااخذني ويا؟ ليش علقني بي؟ ليش اخذ كلبي وروحي وعقلي ويا من راح؟ من ماتت شهد حسيت بفراغ جبير داخلي صارت بية صدمه ل سته شهور  جنت احس بروحي مجرد جثة تاكل وتنام وبس ماحس بشي ماكو شعور داخلي تجاه أي شي لو لا وجود اطفالي جان انتحرت منزمان ولحكتهة بس لخاطرهم قررت اصير قوي وماتنازل عن حياتي لخاطرهم
 ماردتهم يتيتمون يكفي ان همة عاشو بدون ام ماردتهم بعيشون بدون اب
مرت خمس سنوات والفراغ الي بداخلي بعدة موجود ماكاعد احس بطعم الحياة مجاي احس غير بالالم (واشار الى قلبه)
حييل يوجع كوليلي شسوي حته يروح هالفراغ؟ حته ارجع مثل قبل ؟ كليوم جاي يزود كليوم جاي اتعذب اكثر ...
سارة--وضعت يدي على فمي وبكيت وكان هو يتكلم ويبكي لم استطع التحمل فحضنته قلبي تقطع عليه لااعرف كيف اواسيه ماذا اقول له؟ وجدت ان العناق في هذه اللحظة هو افضل حل ....
وسام--
قامت بحضني فلم ابعدها  كنت بحاجة الى العناق ارتحت كثيرا" عندما افضيت لها مابداخلي
بقينا دقائق على هذا الحال
سارة--شعرت به وهو يرتجف فابتعدت عنه ومسحت دموعي.كوم ادخل جوة الجو بدة يبرد اكثر
وسام:ماشي
سارة--ذهبت الى الحمام وغسلت وجهي
يالهي لو بحثت في العالم كله لما وجدت مثل هذا الرجل ابدا"كنت عتقد ان الحب ينتهي بعد الزواج او بعد ان يموت احد الطرفين او يبتعد
لكن الان ادركت ان الحب الحقيقي لايفنى ولايزول ابدا" بل يبقى ويتجدد كل يوم
حزنت كثيرا" على حالته انه شاب جيد لايستحق ماحصل به شعرت بالحزن والغيرة بنفس الوقت تمنيت لو اجد احد يحبني هكذا ....
خرجت من الحمام  فرايته يقف ينتضرني
وسام:شكرا" سارة هواي ارتاحيت من حجيتلج
سارة:خلص لاتشكرمي اعتبرني صديقتك ولاتخاف الكلام يبقة بيناتنه ماراح اكول لاحد
وسام:ماشي .. تكدرين ترجعين للبيت تاخر الوقت باجر كملي تنضيف
سارة:ماشي تصبح علة خير. وسام:وانتي من اهلو
سارة--
عدت الى المنزل وكنت جائعة نظرت الى الثلاجه كانت مليئه بالفطائر  بقيت ااكل ففكرت ان اخذ لوسام والاطفال القليل من الفطائر سيحبونها كثيرا" وضعتهن بالعلبة ووضعتها بالثلاجه ذهبت الى غرفة والدتي كانت نائمه قبلتها ونمت الى جانبهااغمضت عيني ف تذكرت ماحصل الليلة وكيف عانقته ولم يبعدني وكيف كان يبكي تذكرت كلامه كم سرد لي قصة عشقه بصورة جميلة كيف تكلم كاابطال السينما الرومانسيين  اقسم انه لو سجلت كلامه واعطيته لاحد المخرجين ووضعه في فلم فسيحصل على جائزة الاوسكار لافضل نص حزين.. حضنت وسادتي ونمت....
وسام--تمددت على سريري وحضنت ملابس شهد كالعادة بعدها تذكرت سارة شعرت بارتياح كبير عندما افضيت لها انها فعلا" فتاة جيدة ...   في صباح اليوم التالي--
استيقضت في الساعة ال7صباحا" وايقضت الجميع واعددت لهم الفطور وجلسنا نتناول الطعام.احمد:شو ممبدل مراح تروح للمطعم اليوم؟ وسام:طلبت اجازة لان تعبونه بالايام الراحت.احمد:ماشي لعد انته ارتاح بلبيت وخلي سارة هم ترتاح لان امس تعبت بالتنضيف اني اودي التؤام للمدرسة       
  وسام:اوك
يزن:بابا انته معصب من عدنه؟
وسام:لاحبيبي ليش اعصب؟
يزن:من حفلة امس😓
وسام:لأ ممعصب
ملك:بس سمعناك تصرخ علة سارة
وسام:موكايللكم لتتصنتون علةححي الكبار؟؟
يزن وملك:😓😓 هااا
احمد:خلص وسام لاتحقق وياهم يلة كومو نروح للمدرسة
في هذه الاثناء طرقت الباب
فتحها احمد كانت سارة
سارة:صباح الخير
الجميع:صباح النور
سارة:يووو خلصتو ريوك واني جبتلكم فطائر كلت نتريك بيهة
احمد:الله فطائر عراقية انطيني اكلهن بالشركة
سارة:ههههه هاك
وسام:خليهن بالجنطه مال التؤام ياكلوهن باستراحه المدرسة
سارة:ماشي
يزن:سارة ممكن نحجي وياج بموضوع
سارة:شنو كولو
ملك:موهنا تعالي بالحديقة..
يزن:سرو امس الحفلة جانت كلش حلوة هواي تونسنة بيهة منزمان ماتونسنه هيج
ملك:وبابا طلع حركته بيج وصرخ عليج بسببنه
يزن:لهذه السبب قررنه نسامحج
سارة:صدك؟؟؟؟ 
يزن وملك: أييي
سارة--حضنتهم بقوة
والله فرحتوني
يزن:خلص هدينه تأخرنه عالمدرسة
سارة:ههههه ماشي يلة امشي اوديكم
ملك:لا احمد يودينه اليوم
سارة:اففف تذكرت لازم اكمل التنضيف يلة روحو.واخيرا" سامحوني الان اشعر براحه كبيرة لكن لحظة تذكرت كلامي مع وسام وهو عندما يسامحوني الاطفال سوف اذهب
شعرت بالحزن اعتدت عليهم كثيرا" كيف سأتركهم هففف سأتكلم مع وسام بعد ان انهي التنضيف
خرج التؤام واحمد من المنزل وبقيت انا ووسام
سارة:علوش لسة نايم؟؟
وسام:اي. سارة:انته مراح تروح للشغل؟
وسام:خذت اجازة
سارة:ماشي اني راح اكمل التنضيف
وسام:اوك اذا احتاجيتي شي اني بغرفتي
سارة:اوك...... اخذت الممسحه ودلو الماء وبدأت انضف كانت هناك بقع طعام وكيك على السقف حاولت الوصول اليه بالممسحه لكني لم استطع لاني كنت قصيرة
فجلبت الكرسي وصعدت ولم استطع الوصول ايضا"  وضعت العديد من الوسادات وصعدت...
وسام--
شعرت بالعطش فخرجت من غرفتي ورايت سارة كانت تصعد على كرسي وتحاول الوصول الى البقعة التي على السقف اقتربت منها وضحكت
لهدرجة انتي قزمه
سارة:اشش لاتلهيني راح اوصل
وسام:وشلون راح تنزلين بلة
سارة:ماعرف خلي انضفهة وافكر بالنزول بعدين
وسام:ماشي راح اضل واكف لعد خاف تحتاجيني من تردين اتنزلين
سارة:لك خلص روح ماحتاجك اكدر انزل وحدي    
وسام:اوك براحتج
اخرجت العصير من الثلاجه وكنت انظر اليها انها قصيرة ونحيفة للغاية  كانت تبدو كالفأرة 😂😂 ذهبت الى غرفتي وجلست اشاهد التلفاز
سارة--واخيرا" وصلت الى البقعة ومسحتها رميت الممسحه على الارض
وادرت وجهي لانزل فرأيت ان المسافة بيني وبين الارض بعيدة جدا"😨 يالهي انا اخشى المرتفعات كيف سأنزل؟بدات اتصبب عرقا" توترت كثيرا" اذا قفزت فستنكر احد ضلوعي كم انا حمقاء لماذا طردت وسام فصرخت
وسااااااام
وسام--
سمعت صوتها وهي تصرخ فركضت اليها خفت من ان تكون قد وقعت
فرأيتها تقف وترتجف وتتصبب عرقا" فضحكت عليها
سارة:لك لاتضحك تعال ساعدني
وسام:اتذكر قبل شوية وحدة رفضت مساعدتي وكالت ماحتاجك اني انزل!
سارة:ماعبالي المسافة بعيدة هلكد خلص تعال ساعدني حباب والله خايفة
وسام--اقتربت منها.خلص لتخافين انطيني ايدج ونزلي علكيف
سارة--
امسكت بيده وغمضت عيني
ماكدر ماكدر خايفة
وسام:لاتخافين اني راح اكمشج مراح اخليج تتأذين
سارة--فعلت ماقاله وسام جلست على الوسائد ونزلت ببطئ فسقطت على وسام وامسكني
فتحت عيني كان وجهي قريب من وجهه ويداه تمسك ضهري ويداي على رقبته
سارة--
تكلمت بصوت منخفض
نزلني
وسام:اسف خو ماتأذيتي
سارة:لأ
علي:صباح الخير
وسام وسارة:صباح النور
علي:شبيكم جنتو تصيحون فززتوني
وسام:ماكو شي حبيبي تعال اسويلك ريوك
علي:ماشي
سارة--
انهيت التنضيف وجلست انتضر الوقت المناسب للتحدث مع وسام رايت علي يخرج من غرفته ف استغليت الفرصة وذهبت اليه
طرقت الباب
وسام:تفضل
سارة:اكدر ادخل احجي وياك؟
وسام:اي دخلي
سارة:وسام الاطفال سامحوني
وسام:مافهمت؟
سارة:تتذكر من ضوجت الاطفال وحجيت
عالمرحومه بدون قصد وهمة ضاجو وانته كلت ماكدر ابقيج وياهم اكثر لان جرحتيهم
وطلبت منك فرصة بس اخليهم يسامحوني واروح
وسام:أي.     
سارة:همة سامحوني
وسام:يعني راح تروحين؟
سارة:أي.
وسام:ماشي دقيقة
اخرجت كيس يحتوي على مال واعطيتها اياه
ارجوج لاترفضين انتي تعبتي هواي ويانه وساعدتينه وهاي الفلوس تستحقيهة واعذريني اذا ضوجتج يوم
سارة:ماشي انته هم اعذرني اذا ضوجتك واتعذرلي من الاطفال ماكدر اودعهم
ماحب لحظات الوداع وكللهم ان هية راح تجي تزوركم .
وسام:ماشي
نظرت اليها كانت على وشك البكاء حزنت كثيرا" لذهابها لااعرف لم؟ لم يسبق وان حزنت على ذهاب مربية من قبل
سارة--
تركته وخرجت هذه اقصر فترة اعمل بها كمربية لم يمض شهر بعد لقد احببت الاطفال كثيرا" ووسام سأشتاق اليه..
ركبت سيارة اجرة وطلبت منه ان ينزلني على مسافة قريبة من منزلنا كنت اود ان استنشق قليلا من الهواءوبينما كنت امشي شعرت بأن هناك سيارة خلفي  نظرت اليها  انها سيارة وسام؟؟؟؟ نزل وسام منها وكان علوش يجلس وينظر الينا
وسام:سارررة
سارة:هااااا ليكون نسيت شي عدكم؟
وسام:لأ سارة رجعي
سارة:شنو؟ ليش؟
وسام:انتي اول مربية يحبوهة الاطفال ويتعودون عليهة ماريدج تعوفيهم راح يتأذون وماراح الكة مربية مثلج ارجوج رجعي
سارة:بس انته كلت.....
وسام:خلص انسي الي كلتة
سارة:ماشي
وسام:ارتاحي اليوم وباجر تعالي
سارة:اوك باي....
شعرت بان وجهي سينشق من الابتسامه فرحت كثيرا" لكن لااعلم ان كنت فرحت لاني سأبقى مع الاطفال ام مع وسام؟؟ المهم اني سأبقى الى جانبهم.....
سارة--عدت الى المنزل وكنت ارقص واغني واهز رقبتي
سميحة:خير انشاء الله جاييج خطابة؟
سارة:تعالي اركصي وياي شاركيني فرحي
واخذت يد امي ورقصت معها وكانت تضحك علي
سميحة:كوليلي شصاير شنو ورة هاي السعادة؟
سارة:لكيت فارس احلاميييي
سميحة:اشقر مو
سارة:أييييي أيييي
سميحة:اعتقد هاي سادس مرة تجلبين بواحد اشقر
سارة:لأ هالمرة يختلف.
سميحة:بشنو يختلف بلة؟
سارة:هالمرة ابن بلدي شخص قوي ورزن وعندة غيرة عراقية
يختلف عن ذولة الكنديين المايعين
الي كل همهم جنس وعلاقات عابرة
سميحة:يعني هالمرة راح ترتبطين بعلاقة جدية؟
سارة:لا ميكدر يرتبط بية
سميحة:ليش
سارة--
اخذت نفسا" عميق وجلست على الكرسي
لان كلبة وي وحدة ثانية
سميحة:هاي شنو؟ وشلون تحبين واحد مرتبط؟
سارة:يا أمي مامرتبط
سميحة:اوف دوختيني احجيلي الموضوع من البداية خل افهم
سارة:الشاب يعشق زوجته الي هية متوفية وميكدر ينساهة ولايرتبط بغيرهة
سميحة:شدراج ميكدر؟
سارة:لان بقة 5سنين مخلص لحبه رغم ماهية ميته بس ماخانهة ولادخلت لحياته أي بنية
سميحة:احتمال مالكه الشخص المناسب
سارة:او احتمال رافض فكرة الارتباط
سميحة:وين تعرفتي علة هالشاب؟
سارة:اني المربية مال اولادة
سميحة-- فتحت عيني ونظرت اليها بدهشة
ياااا وعندة اولاد هم؟؟؟؟وشلون حبيتي؟
سارة:ماعرف لسة اذا كان حب او اعجاب بس من اكون جنبه احس بشعور حلو
ماودي يخلص هالشعور ودي يجيني كل لحظة
سميحة:هذه الشعور يجيج كلما تكونين وي شاب اشقر
سارة:لأ صدكيني هالمرة يختلف وبعدين كل الشباب الي واعدتهم وطلعت وياهم جانت علاقتي وياهم بحدود الصداقةوبس محسيت بشي تجاه أي شخص منهم هالشعور احسة لاول مرة تجاه شخص
سميحة:يمكن يكون اعجاب لتخافين بمرور الوقت يزول
سارة:ماشي حروح اغير ملابسي سويلي اكل....سميحة:ماشي حبيبتي
احمد--
كنت اجلس بالمكتب وافكر علي ان اجمع بين وسام وطيبة انا لااؤمن بالصدف وأثق تماما" بأن القدر يعطينا اشارة لنجمع بين وسام وطيبة اريد ان يعيش صديقي حياته وتدخل الى حياته فتاة اخرى اوووف اين انتي يانرجس لوكنت موجودة الان لكان كل شيء سهل وماكنت قلقت وفكرت بخصوص هذا الموضوع وبعد التفكير الطويل قررت الذهاب الى سوزن والتكلم معها...
احمد:حبيبتي هل انتي متفرغة؟
سوزن:نعم حبيبي هل تحتاج شيء؟
احمد:علي ان اتحدث معكِ بشأن موضوع هام
سوزن: ماهو قل
احمد:اريدكِ ان تساعديني لأجمع بين وسام وطيبة
سوزن:ماذا؟
احمد:انا اعرف بأن طيبة معجبة بوسام كثيرا" وكما تعرفين بأن زوجه وسام متوفية منذ خمس سنوات وهو يعيش في كأبه مازال متأثرا" على موتها يحتاج الى شخص ينسيه حزنه يحتاج الى مرأة تقف معه وتحبه وتسانده لايمكن ان يبقى اعزبا" طوال حياته
سوزن:معك حق وطيبة عزباء ايضا"لكن كيف سنجمعهم؟
احمد:دعي هذا الامر علي لقد فكرت بخطة
وبدأ يحكي لها عن الخطة.....
في صباح اليوم التالي---
سارة--
استيقضت من النوم وكنت متحمسة لرؤية وسام والاطفال ارتديت ملابسي بسرعة حتى انني لم انتبه لأي شيء ارتديت كنت اريد ان الحق بوسام قبل ان يخرج الى عمله
وسام--
استيقضت من النوم على صوت المنبه نهضت استحممت وايقضت الاطفال اعددت الفطور
  وجلست على المائدة فرأيت احمد وكان يرتدي ملابس العمل
وسام:هاي شنو كاعد قبلي
احمد:اي ومستعجل    وسام:تعال اتريك
احمد:بالطريق اكل بس ردت اكلك ع شغلة قبل لاروح
وسام:شنو كول...
احمد:اليوم بليل تعال من وكت     
  وسام:ليش خير؟
احمد:عزمت حبيبتي عالعشة وردت اعرفهة بيك         
وسام:هاااااا تعرفهة بية؟
احمد:اي شبيك مستغرب كالتلي ارد اتعرف علةاصدقاءك وكتلهة ماعندي بس صديق واحد
وسام:اوك جيبهة هلة بيهة بس شوف اذا جنت مدبر شي ورة هاللقاء ....
احمد:لايمعود شمدبر قابل مجرد نتعشة سوة وتتعرفون ع بعض هاهية. 
وسام:اوك
احمد:يلة اني طالع ..
وسام:ماشي الله وياك
سارة--
بينما كنت  في السيارة توقفت فجأة
سارة:مالامر ياعم لم توقفت هذه
الرجل:لاتناديني عم لم يضهر الشيب في شعري بعد....سارة:اخبرني لم توقفت
الرجل:نفذ الوقود
سارة:لابد انك تمزح
اعطيته اجره ونزلت من السيارة استأجرت سيارة اخرى وكان الطريق مزدحما"
وسام:اوووف وين صارت سارة عبرت الثمانية وبلشت ساعات شغلي
يزن:بابا تاخرنه عالمدرسة منكدر ننتضر سارة لازم توصلنه
وسام:اوك امشو
سارة--وصلت الى منزلهم طرقت الباب لكن لم يفتحها لي احد ولم ارى سيارتهم بالكراج عرفت بأنهم غادرو بحثت عن هاتفي لاتصل بوسام لكني لم اعثر عليه اللعنه لقد نسيته في منزلي غضبت كثيرا من امس وانا اعد الساعات والدقائق لأرى وسام وانظرو ألام حصل لم يكن امامي سوى خيار واحد وهو العودة الى المنزل....
بحلول الساعة ال12 ضهرا"
سارة--
ذهبت الى مدرسة التؤام وعندما رأيتهم ركضت اليهم وحضنتهم
اخخخ ولكم استاقيتلكم واشتاقيت لخباثاتكم
يزن: سارة وخري اليسمعج يكول سنه مشايفتنه موامس جنه سوة؟
سارة:شسوي شتاقيتلكم موبيدي يلة تعالو نروح للبيت الجو بدة يبرد
اتصلت بوسام واخبرته بأني اقلت التؤام للمنزل فقال بأن علي بالحضانه ف ذهبت واحضرته