اليوم 23/1/2014 كعدت صبح غسلت وبدلت واجه علي أخذني لصالون اني واختي واخته جانت تنتضرنه يم صالون قبل لندخل لصالولن علي كلي ملاك لا تخلين اهواي مكياج انتي بليه مكياج حلو وتخبلين واني تلعب نفسي من عده كتله ميخالف راح اكولهه واني بكلبي اكوله يابه دطير يريدني ما احط مكياج هواني غير اخرب وتكهرب عل مكياج
وطبينه لصالون سوتلي مكياجي وبعدين تسريحه لاساعه ولاسعتين هيه تلبخ بيه ليكول تصبغ بغرفه 😂😂😂خلصنه لبخ وتسريحه لبست بدلتي لجويتي وطكيت صور واني اتخبل من صوره اجه علي واخذني طببنه البيت وراح هوه يكمل الحنه مالته اوال مطبيت شتغلت الهلاهل والبوس وجكليت فشخني ليكول حصو مو جكليت وجان يجي ابويه شافني كال هاي شنو الكمر جنت ضامه بيتي علي لح ياخذه مني وحظني وكام يبجي وكام يشهك بكل علو حسه وعماتي وامي يهدن بي حته يسكت بس اني ضايجه منه لانو ماريد علي وبعدين بدت الحنه ودك وركص اجوي اهل علي وحنون وركصن ركص مصاير كل هاذه واني سالفه مويمي وخلصت الحنه نزعت البدله وإلى نوم😴😴😴
علي كعدت صبح اليوم الحنه مالتي مقبلت أحد يشوف ملاك كتلهم اني اوديهه واجيبهه ورحت وديت ونبهت عليهه متخلي مكياج طوخ تلعب نفسي منه هيه بيضه وخدودهه ورديات وشفايف مليانه ورديه متحتاج مكياج من الله ممتمكيجه وذبيتهه ورحت زينت وضليت اكمل شغلاتي وخابرتني نور كالت خلصنه تعال اخذنه رحت رغم انو أهمه ملبسيهه كاب بس من صعدت كدرت اخذ نضره😉😉 لايامحمد هاي شنو لجمال باجر لح يصير الي شتعلو اهلك ياعلي شلح يصبرك شكد شايف بنات ومصادق وطاب وطالع وياهن حته احله منهه بهواي بس من اشوفهه هيه غير بريئه مثل الورده البيضه وطفله وره ماوصلتهه رحت للبيت غسلت وبدلت وبدت الحنه ركصت ركص مصاير اني وشله تعبانه لحد ماخلصت الحنه متت من التعب راسن نمت كعدت صبح غسلت وتريكت ورحت لملاك وديتهه لصالون ورجعت اكمل شغلي ولبست القاط خابروني ورحت
ملاك كعدت صبح اويلي ميته من تعب بيه نوم شهر ماكعد غسلت وبدلت واجه علي اخذني اني ورواء رحنه لصالون وره ماكملنه خابرنه علي إجه اخذني وكالي خلي نرواح للستوديو رحنه طبت مصوره وبدت تاخذني صور بس اني استحي شافتني مرتبكه وكالت الاختي ولاخته طلعن بره حته يأخذون راحتهم وكلساع تكلي سوي هيجي وسوي بوسه ومنا ومنا هاذه رادهه من الله وكعلي بوس بوس كبال المصوره المهم وره ماخلصنه جانت آخر القطه بس شفت بس يباوع متخربط احواله شفته مركز باووعت عاااااا هاذه صدري مبين شتعلو المهم طلعنه وقبل لنوصل كلي ملاك خلي نذب اختج ونطلع كبل كتله يله نزلهه هنا قابل متندل البيت هيه
رواء لايحقيره هاي بعده مطبيتي البيته وبعتيني 😂😂😂
وكلنه كمنه نضحك وصلن للبيت وشتغلت الهلاهل وره ساعتين اجوي همه اجوي اباوع ابويه ماكو كتلهه رواء وين بابا كالت بابا طلع من الصبح يبجي ميكدر يطلعج عمامي واخوتي هنا ومن ديطلعوني كله تتباجه ليكول جنازه مو عرس بس شلون زفه تخبل لوما عروس جان ركصت بنص شارع وصلنه للبيت جانت دمتطر كالي شكد ماكله بجدري كتله يبووووو كومه نص عمري خلصته اكل بجدر😂😂😂 بس هوه جان مستعجل صليف وزفونه للغرفه
وبعدين ولاقبلين بعد ما بيه حيل اكتب يله بليل هم انزللكم بارت وكلجن شسوو😉😉
شنو توقاعتكم بين ملاك عجبهه الوضع انتو شتكولون راح تحبه لا
😍😍
