مرت 3اشهر على زواجي ماكو شي جديد غير الخيانه والذل والاهانه والضرب علي معاملته يوم عن يوم اتصير اسوء يخوني كبال عيني يخابرهه
كدامي ويفتح الهه كامره ويغازلهه واني بس ابجي
وماعندي أحد احجيله جنه هواي نتعارك ويضربني
ومن يجن خواته واخوته يرزلني كدامهم ويفشلني
كمت ماكعد يمهم اليل كله ابجي ومن اكله ليش هيجي سوي يزيد ويضل يرزل بيه جنت ساكته ومااحجي وفوك هاذه كله امه كرهتني بروحي
نهار كله اشتغل وانضف مثل الخدامه ومراضيه عليه
وكلشي ميعجبهه وتروح تحرك علي عليه ويجي يتعارك ويايه ويكتلني واني ماشكي الأحد بس ربي
واكول ليش ربي اني سويت حته هيجي يصير بيه
علي وامه معاملتهم كلش موزينه ويايه وامه على كلشي تحاسبني واذا اكل اضل بس تحجي واني بهاي الفتره كلش ذبلت كمت غير الوجبتين ماكل وبس انضف وعلي اعايفني و مخلصهه طبه وطلعه ونسه ويه صديقته حته ايات كمت ماحجيلهه استحي صح هيه صديقتي بس استحي احجيلهه على معاملتهم وبيوم من الايام كعدت نضفت وكملت شغلي غسلت بدلت اشتغل واني كلبي نار ماعرف شبيه
ادك عله امي مجاوب يمكن بل 10مرات دكيت يله جاوبت امي دتبجي
مادري شصار بيه كلتلهه شبيج ليش تبجين واحد من اخوتي بي شي
ام ملاك ملاك ادك وماكدر اجاوبهه شفتهه لحت كلت خلي اكللهه فتحت تلفوني وجابتهه ماما ملاك احنه مابينه شي بس اليوم ابوج اجه كلي علاء حمه اختج منتول بل كهرباء ومات واني ابجي واكللهه صح احنه مردنه نطيهه ايا بس علاء ورده احنه نحب لانو ادب واخلاق وملتزم بدين وموت حيل قهرنه
ملاك امي من كالت علاء مات ماعرف شصار بيه انصدمت كمت بس ابجي بل غرفه ليش ياربي ليش زين ميضل بهل دنيه اجتي مرت حمايه وشافتني حيل مقهور حاولت اسكت بس عيوني فضحتني كالت شبيج كتلهه حمه اختي مات راسن عرفت اني أحبه كالت وانتي اتحبي كتله لابابه شحبه بس هوه بعمر الورد شاف من دنيته حته يموت واني كوه مصبره نفسي عافتني وطلعت واني انفجرت من البجي مادري شوكت نمت اجه علي كعدني كلي شبيج
كتله ما بيه شي كتله علي حمه اختي مات اريد اروح الفاتحته كالي ميصير انتي عروس وبعدين شدعوه مقهور خاف تحبي
جاوبته بعصبيه هاي شبيك شنو تحبي شاب راح جوه لتراب ليش مانقهر شنو كلبي حجر الله يصبر اهله على مصيبتهم
علي لاوالله وتحجين بعصبيه شدعوه لتخليني اسبج واسبه قابل اني لموته مومال حترامات
ومرت يومين عل فاتحت علاء وعلي راح للفاتحه بس اني مخلوني اروح ومن يطلع علي من البيت افوت على حسابه واشوف صوره واموت من البجي
ومرت الأيام واني على نفس حطتي اخلص يومي شغل واهاين وبجي ضليت على هل حال ومرت37 يوم وبيوم امي اخبرتني كالتلي ابوج مريض كتلهه شبي كالتلي فلاونزه جان شهر3بارد كالتلي خابري ديسأل عليج كتلهه هسه اخابره ميخالف اني جنت حيل ضايج من أبويه والومه لانو زوجني ومعاملت علي وامه زادت قساوتي عل ابويه وحملته مسؤليه هل شي
بس كلت خلي اخابره يبقى ابويه ورباني وتعب عليه
ابوملاك جنت مريض فلاونزه قويه دكت عليه ملآك
ملاك بتي صغير وحبيبتي احيل اخاف عليه واعبر عن حبي الهه بقساوي بعكس رواء رواء ماكدر اقسي عليهه وكلشي براحتهه ثنينهن احبهن بس ملاك اخاف عليهه دكت عليه فرحت
ابو ملاك الوو
ملاك هلو بابا حبيبي اشلونك
هلو حبيبتي اني بخير انتي اشولنج اعيالج شلونهم
ملاك احنه زينين بس شبيك صوطك اتعبان
ابوملاك لاحبيبتي شويه فلاونزه وداخذ علاج لتخافين
ملاك اها مابيك غير العافيه سلملي عل ماما وجهال
باي
ابو ملاك الله وياج حبيبتي
ملاك سديت تلفون هاذه ابويه صوطه موشي عززه بس لا لح يموت اووووو باع اني شدافكر ابويه مثل الحديد يموتني وميموت وخلص يومي نمت وكعدني علي بل5الفجر ملاك اكعدي كتله شكو بل5 شتريد كلي ابوج متخربط يريد يشوفج كتله شنووو مادري شلون لبست اهدومي وشلون طلعت وصلت البيت اهلي
واني بطريق كلت معقوله ابويه لح يموت لالالا شيموته يجوز ضغطه صاعد وصلت البيت اهلي طبيت لكيت امي اتعيط وتبجي ونسوان كلهن يمهه
عرفت ابويه مات بشهر خسرت اغله ثنين حب حياتي وابويه عفتهن وطبيت الغرفته حضنت اهدومه وابجي اجوي اخوتي واختي يبجون ويعيطون واني مصدومه ماعرف شسوي كلت هاذه حلم هسه اكعد من عده جابو تبوت صار كبالي نهاريت ماعرف ليش هيجي صار ليش تمنيت لواني هم اموت وياهم جانت هل اشهر اتعس اشهر بحياتي زوجت غصبت و نذليت مات جنت احلم بي ومات ابويه وكسرني بموته
قلبوشاتي اتمنه يعجبكم هل بارت واطوني رائيكم بي
احبجن كومات كومات 😍😍😍😍
