اجوي كرايبي ونصبو جادر العزه و كلهه تبجي واتصيح بس اني مصدومه واكول لح اكعد من هاذه الكابوس اختي رواء جانت كلش متعلقه بابويه وجانت تبجي وتعيط هيه وامي وجانن يجني نسوان مانعرفهن يموتن روحن يعيطن وبجي ودك لطم يكلهه الامي احنه هم ترملنه وياج مو بس انتو خسرتو احنه ارامل وفقراء من ماتو ازواجنه جان يساعدنه بكلشي وهنا كلهه تتباجه طبعن ابويه جان اله منصب بدوله عالي وجان راتبه زين واحنه حالتته المادي كلش زينه جان يساعد الفقراء والارامل والايتام احنه مندري بهل شي حته كرايبي طماعين جان يساعدهم اني أكرهه كرايبي لانو كلش طماعين وميردون زين الأحد وبابا جان عازلنه عنهم إلا نو احنه بكلشي نختلف عنهم التزامنه بدين لبسنه حياتنه المهم خلصت 3ايام الفاتحه وناس طابه طالع تعبت كلش تعبت ومره على وفات بابا7ايام اجه علي أخذني طبينه البيت سلمت عليهم وصعدت لغرفتي ولحكني علي حظني حيل وناموني عل جرباي وضل حاظني
علي ملاوكه حبيبتي اذا تريدين تبجين ابجي فرغي لبداخلج لتضلين ساكته واوعدج اني من اليوم اصير الج آب وام وكلشي واخليج بنص كلبي
ملاك من سمعته هيجي حجه ردت اضحك بس سكتت يصير اب او ام تهي بهي ضليت ساكته ومجاوبته
تسريع الأحداث
مرت على وفات والدي أربعين يوم ماكوشي جديد غير المشاكل شي الوحيد يطور والخيانه والضرب نزعني الأسود وكلي انتي بعدج عروس شنو تريدين تموتيني لابسه اسود حته حزن على ابويه ماحزنت
اختي رواء ونسوان اخويه ثنين حبلن بنفس شهر ومرت حمايه هم وياهن واني كمت ارجع دكتوره بهاي لفتره علي ميطني مصرف اروح الامي توديني
ومصار عندي تركت دكتوره بعد مارجعت هواي كاللي مابيج شي طلبن تحليل علي بس هوه مقبل يسوي بهاي الفتره امه كامت سمعني عل ورث مالتي هيه وعلي بس اني ماسكتلهم وموصلت الخبر الأهلي علمود ماصير مشاكل مره على زواجي سنه ونص ونفس روتين الممل بس مشاكل وذل علي بل اعراك يله سوه تحليل وطلعت نسبته ضعيفه اخذ علاج وره 3اشهر صار عدي حمل اهنا ضرتي أقصد عمتي ماتت من الغيره وكامت بس تتعارك ويايه وتحرك علي عليه وبهاي الفتره كلهه اني مادري شصار بعلاقت علي ورشا عفتهم مرت على حملي3اشهر بهاي 3اشهر كرهت حته روحي شغل وتعب ومشاكل رحت لدكتوره سوتلي سونار كالتلي طفل ميت بطنج شلون اوصفلكم يمكن كمت لواشوف علي وامه كبالي ميتين ميبرد كلبي حته طفلي اخذو من عدي من المشاكل والضرب رحت الأهلي ميحتاج اكلكم ربع دينار مطاني رحت امي اخذتني للمستشفى وسولي كورتاج وضليت يم امي شهر لايخابر عليه ولايدري عني اي شي اهلي جانت نفسيتهم تعبانه وضعنه المادي بده شويه شويه نفلس لانو اخوتي معرفو يديرون شغل ابويه خابرت اخويه كتله علي بل دوام تكدر توديني للبيت اجه اخذني رحت البيت علي وماحسست اهلي بشي رجعت بس اني حادقده واكرهم كرهه مصاير
سويت مشاكل وخبثت كل أنواع الخباثه سويت حياه علي جحيم
مثل ماسوه حياتي جحيم سويت مشاكله بينه وبين اخوته امه لعبت بيهه طوبه خواته من المشاكل كامن ميجن ومرينه عل حال 3سنين مثل المخابيل بس نتعارك واحد ميتحمل ثاني صح جنت اسوي روحي قويه بس اني بداخلي مكسوره من ينامون لليل كله ابجي حيل تعبت ونفسيتي دمرت يمكن همه الموتو طفله البريئه الفقير البداخلي سووني وحدي حقود وخبيثه اهلي مابينتلهم شي من الي يصار وكل ميسئلوني اكلهم مرتاحه وعلي يحبني واحنه بل حقيقه صايرين توم وجيري😂😂
حبيباتي مادري اذا لح يعجبجن أولا بس هاذه اول قصه انشرهه يعني د اسوي كلشي علمود تصير حلوه ردت ادخل بيهه شي خيال بس بعدين بطلت لانو هيه قصه واقيع وملاك ا لمسكينه اليومهه هاذه هيه تدفع ثمن هاذه زواج تعيس انشالله اذا بعد بارت اوبارتين واخلص هاي القصه
احبجن امووووح😍😍😍
