Mapuia te in chu ka han thleng a, ka duh aiin ka hma mah mah lehnghal a, a phur fal thlak ka inti a, ka zak ru deuh hle na a Mapuia nen chuan kan titi bawrh bawrh a, kan hlim hle a.
Reivak lovah chuan kan thian dangte pawh an lo thlengkhawm ve lehzel a, chutah ka beisei miah loh, section dang (a thiamthei ho awmkhawm deuh bik na) a awm thin Eddie-a chu an rawn hruai ve hlawl mai le! Eddie-a ka star thin zia kha awwww....
Eddie-a khan ka star tih kha a inhre ve tho maithei a, hrelo maithei bawk. Tumkhat phei chu amah ka lo thlir nasat lutuk avangin ka sana senno, ka nu in a damlaia min leisak ka tihbo phah nghe nghe anih kha, a rawn hawi phei khan tlanchhe kher lo tur ka ni asin le.
Chutih lai tak chuan Estheri chuan min rawn nghawk dawt a, "I tha maw?" min rawn ti a, ka mumang ram atang chuan ka harh hawk mai a. Choka ah chuan Estheri nen deuh chauh chuan eirawng kan bawl dun a, a bialpa che thing thei deuh pa chanchin te min hrilh a, ka hlimpui phian a. Midang ho chu lehlamah an inkawm a, Eddie-a te thianho phei chu vawikhat pawh kan va pawh lo, anni pawh chuan min rawn be lem hlei lova.
Kan thianpa Ropuia chuan, "Chhante, ka rawn kir leh ang aw, hei, Eddie-a hi ka va thlah lawk ange" a rawn ti a, Eheu! a haw daih dawn tihna em ni? ka ui lutuk chuan chhan lawk ngaihna pawh ka hre lova. Estheri zawk chuan, "Aw, a ei ve dawn nange? hei kan peih tep alawm, haw bik lovang, ei ve rawh se" a rawn ti ta hlauh mai a.
YOU ARE READING
The pink watch - Sana Senno
Подростковая литератураMizo thawnthu tawi, Ekzam zawh hunawl hnawhkhah nana ka ziah ani e. (Also this is the first wattpad story written in Mizo language)
