The pink watch - Sana Senno

5. Hun harsa

Zanah chuan chhun lama Eddie-a ka hmuh bawk chuan ka ngaihtuahna a luah leh ta hle a, ka diary bawk chuan a tuar leh ta a. Ka bialpa ve lah chuan min rawn phone zai reng a rel thei silo. A tawp ah chuan keiman ka va phone a,

"Enge ni ta? Bawihte"

"Zanin chu ka khua a har tlat aaa.."

"Chuan?"

"A chhan pawh ka hre lo"

"E, min ngai anih chu.. Mu tawh rawh Bawihte, naktuk thawh I hai ang".... kan inhnem lo ve asin awww!

Phone ka dah hnu chuan bathlar ah te ka thu a, zan boruak thiang tak kara arsi de sep sep te chu ka thlir a, kan chhung kim lai ka ngai hle mai. Ka nu leh pa kianga ka awm lai kha chuan Krismas rawn inher chhuak tur te hi ka huphurh ngailo asin le!

Nitin mai hian ka rian khua hi a sei telh telh a, amaherawhchu Krismas te a hnai tawh a, ka dawr pawh ka lun chho tan a, a zia phian mai. Mama erawh chu rawn len chu sawi loh, phone pawn min rawn be ngai reng reng lo mai a, vawikhat, minute khat lek pawh min lo call sela chu ka dam leh vek ni mai tur! kei chu min hriat kha.

Mama lakah ka lung a awi thei thlawt tawh lo ani ber, thil tamtak ka rilru ah a rawn lut a, ngaihdam min dil lai tur awmang te ka suangtuah a. Tichuan ka rilru ka siam fel ta a, ani em em tawh love tih rilru pu in Mama chu ka va phone leh ta a, inhmuh puiah ka sawm ta a.