The pink watch - Sana Senno

3. Nunhlui

Zan alo nih chuan ka dan pangngai in ka diary chu ka han ziak leh dawn a, Eddie-a kha ka mitthla ah a cham tlat si a, ziah pawh ka ziak hleithei lo a, ka thova, thilhlui kan dahkhawmna hmun atang chuan ka diary hlui hi-sikula kan kal laia ka ziah thin chu ka va zawngchhuak a, ka chhiar ta a.

"Dear Diary, vawiin chu ni tha tak a ni. zingkar atangin ka mood pawh a fuh a, chawhma lamah test paper an sem a, Pahnihna ka nia, mahse ka hlim tho. Chawhnu lam phei chu a nuam lehzual, a chhan I hria em? Dear Diary, kan sport a, sport hi ngaina ngai reng reng lo mah ila, ka hmelthate-a inkhelh ve avang chuan a tawp thleng nisa ah ka thu. Ka bula thu hmeichhe pahnih te khan an lo star ve lehnghal a, ka dawhtheihna in a tlinlo tep ani. Tunah hian a notebook ka kawl mek a, ka pe ngam ange maw chu"

Diary hlui ka chhiar zawh chuan ka thiannu Siamtei chu ka va phone a, chaweikhawmna a alo kalloh chhan te zawh pahin, Eddie-a chanchin te kan sawipui leh hram a, ka hlim hle a ni.