نور :- كعدت واني مطفيه اريد اعرف الصبح من الضهر ماادري على كدما تعبانة ومزاجي متعكر فتحت عيني بلكوه واني متكسلة ماريد اكوم احس نفسي ماريد اداوم بس سرعان ما شرد ذهني وصرت احجي ويه نفسي .... لانور كومي اتغبي اليوم باجر ترتاحين انتي سادس ميصير تضيعين دروسج نفضت راسي بحركه لا اراديه يمين ويسار وصحت 1 2 3 ونهضت هاي الطريقه استخدمهة من اني مابيه حيل اجبر نفسي حتى اكوم طلعت لكيتهم متجمعين ع الطاوله ومجهزين الريوك
حاولت اتغاضة عن التعب وابتسمت
...صباح الخير
الجميع :- صباح الانوار
... ماما اساعدج بشي
... لا ماعندي شي بس جيبي صينيه الجاي
... اخذت الصينيه وحطيته ع الميز وكعدت اتريك وجان اسمع صوت ماما بأذني
....نور ماما فكرتي زين بكلام عمتج وطلبهة
رجعت لحالة الضوجه واختفت ابتسامتي لافكرت ولاراح افكر والموضوع اليوم ينسد لاتجيبولي طاري اففففف عفت الاكل وكمت
الاب ... سأل بتعجب شبيهة نوره ؟؟ .!!
ام نور ... مادري بس الضاهر موضوع خطوبتهة بهيج وقت مضوجهة
نور ....رحت لغرفتي بدلت ملابسي اريد اروح للمدرسة من طلعت شفت ماما مندمجة وية بابا بلسوالف وفجأءة قطعت كلامهة وباوعتلي بنضره حاده عرفت بيهة ضاجت من تصرفي بس مبقالي وقت للمدرسه مااكدر احاجيهة خليهة من ارجع سلمت عليهم وطلعت
... وصلت للمدرسه لكيت شوشه موجوده من بعيد لاكن صايره مقابيل الباب اول مدخلت صارت بوجهي وجهتلي نضره مال واحد عامل عملة
ابتسمت اويلي اذا عرفتيلج شغله بعد شيخلصني من لسانهة
صباح الخير
شمس :- هلا والله صباحو مرت حازم ههههههع
.... ولج شمس اموتج اذا جبتي طاريه رفضته وانتهة كولشي
....ههههه اوك عيني مرت حازم العفو نوشه 😂
.... بغضب ونفاذ صبر شمس كافي
وخلص اليوم شلون ماجان
طلعت من المدرسه جان الكه هذا البومه كدامي حازم المهم طلعنه اني وشمس للشارع حتى ناخذ تكسي حازم ضل يمشي ورانه بس احنه ماعبرنا وضلينه نمشي وصلنه للشارع واخذنه تكسي ورجعنه للبيت قررت مااحجي شي لاهلي لان اني اعرف حازم وسوالفه وكولت يومين ويمل ويروح لغير مكان
حازم ... ضربت الحايط بقبضة ايدي هين يانوره امشي وماتعبريني منو مفكره نفسج اله ادفعهج الثمن غالي واعرفهج قيمتهج شنو رجعت للبيت واني الشيطان متربع براسي من وراهة
نور ؛؛ وصلت البيت ادور على ماما اريد اعتذر على موقف الصبح لاكن لكيتهة بلمطبخ تحظر الغدة لان سمعتني من اجيت قررت احاجيهة وره الغده ...
دخلت للغرفه بيهة بس ندى ...سلام
ندى .. سلامات يله بدلي وتعالي حتى نتغده ماما بلشت تجهز بلغده
... اي شفتهة بلمطبخ هسه بس ابدل واغسل واجي سبقيني انتي
...حجيت واني اتمسكن وحاطة ايدي على بطني تمام طالعه قبلج بس استعجلي لان ميته من الجوع
... امشي ام بطن هسه جاية
رحت تغديت وكملت وغسلت المواعين طلعت من المطبخ اريد احاجي ماما ماكو ملكيتهة رحت للغرفه طبيت تفاجئت بوجودهة بلغرفه تسولف ويه ندى
...ماما جنت ادور عليج
.. اني كملت غده واجيت هنا انتظرج اريد افتهم فلمج شنو
...خير ماما فلم شنو
...مااعرف بس من حاجيتج ذاك اليوم ع حازم ردة فعلج كولش ماعجبتني
...ماما اول شي اني اسفه لان عصبت بس والله ماحبة لهذا حازم وبلبدايه جنت ماخذه الموضوع بشقه وضحك بس من شفت انو الكل منتظر مني خبر والانظار علية تخربطت ومااعرف شنو اسوي ف كمت اعصب واصيح تلقائيا والله بدون قصد
..زين هسه انتي فكرتي لولا
...نور بتملل ميحتاح افكر ماما اني مستحيل اقبل بحازم
ندى ...نور فكري زين تره حازم يحبج ورايدج واجاج من الباب هو صح ابو بنات بس تره اغلب الرجال هيج ومن يتزوجون يبطلون هالسوالف مال الشباب والمراهقة
... ندى اذا عندج استعداد تاخذين هيج واحد اني مامستعده لان ابو طبع اسال عن سلامتة
.... هههههههههعاي لايمه اني شعلية هو رايدج الج لاريده ولاريد مثلة
.... لعد خلص ماما خابريهم وكوليلهم تريد تكمل دراسه وممفكره بلزواج
((((((((())))))))))))))
حازم ... رجعت من الشغل تعبان اريد بس اوصل البيت اسبح واتغده وانام فتحت الباب ع كيف و بتعب جان اسمع امي
... خو تجي هنا يمنه وتكمل دراسة
... اني عبالي وحده من بنات خالتي تجي يمنه لان امي متعوده ادز عليهن لان تبقه وحدهة بلبيت لان اني ارجع العصر اتغده واسبح وانام والعصريه اطلع ويه ربعي ماارجع لنص الليل هي خطيه تجيب يمهة وحده من البنات تسليهة
بس انصدمت من سمعتهة تكول
... والله حرامات لان حازم رايدهة وشاريهة يله الله يسهل الهة ان شاء الله تبقه بتنه وعزيزه علينه
.... لحظه لحظه يعني امي دتحاجي مرة خالي يعني شنو نور رفضت ضربت الحايط بقبضه ايدي وطلعت واني النار تطلع من عيوني من كدما ضجت وعصبت علساس اروحلهة اكسر راسهة شلون ترفض حازم للحظه انتبهت لنفسي وكفت
اوكف حازم وين رايح اكيد اهلهة هناك شلون تحاجيهة خوماتسوي مشكلة كدام خالك لا ارجع وروحلهة باجر للمدرسه
طبعا والدتي مشافتني من رجعت اول مره لان جنت تعبان فتحت الباب ع كيف وبدون هوسه هذا دائما وضعي من اطلع للشغل ههههه يعني هذا الوضع ميصير غير مرة بلسنه لان نادرا ما اطلع اشتغل
طبيت سبحت وطلعت مددت بلغرفه واني فاير على هاي نور واسولف
ام حازم .... سمعت صوت الدوش عرفت حويزم اجه رحت حميت الغده وصبيته وحضرته ورحت اصيحلة
دخلت وفتحت الباب لكيت حازم يسولف بس شفت مابيده تليفون
....ها يمه تسولف ويه روحك
.... بارتباك لايوم دا اغني وادندن
.... اهاااا يدندن خير ان شاء الله يله تعال تعشه
....:- يله جاي
(((((
شمس :-جنت كاعده اقره الامتحان باجر ومندمجة كولش ويه الكتاب وبعد مقريت وراجعت تعبت وردت انام حطيت راسي ع المخده بتعب دراسي شديد وجان اسمع صوت مسج ...
يبووو منو هذا دز مسج بهالوقت خاف من شركات الاتصال
خاف نور اووووف يانورر باجر الصبح احنه بلمدرسه شكو ختولي مااجاوبه
بس لا خاف اكو شي مهم خلي اشوف
هذا كوله الحجي واني مغمظه عين ومفتحه عين واجر بلحجاية جررر من كد النعاس وبعد مافتحت المسج جان اطفر واحس عيوني طلعن لكدام
الرساله من رقم غريب
"هلاو شوشايه شلونج شخبارج مشتاقين "
المشكلة رقمي مامنطيته لاحد بس كمت ارجف اخاف من الارقام الغريبه لان يصير بيها مصايب واني مناقصه انتبهت لنفسي بعد حالة الصدمة
و
رديت منو
.
.
.
.
.
.
.
.
.
يتبع
أنت تقرأ
مـــــٱكـٱن ذنـــبي💔
Short Storyهناك من يفعل الخطا بقصد وهناك من يفعله دون قصد اما انا في الخطا ماكان ذنبي للكاتبة ايلول
