نور .... كعدت بصباح يوم جديد كولي نشاط وحيويه بلرغم ماجان عدنه امتحانات نصف السنه بس مااعرف كعدت نشيطة ومرتاحة الحمد لله تربعت ع الجرباية وفتحت اديه قلصت جسمي وكمت صليت وقريت قرأن شويه حتى اتوفق بأمتحاناتي ورجعت اراجع للامتحان لحدما صار وقت الامتحان وطلعت للمدرسه اشو اني وصلت للمدرسه وصار وفت الجد توترت كولش حسيت دقت ساعة الصفر مامن مفررر بعد رحت لكيت شمس بلمدرسة
هلاو شوشه صباحوو قريتي زين لوهيج
شمس .... ها ءءءاي طبعا ( اني مجنت ويه نور جنت افكر بهذا صاحب الرقم وشلون كلامه حلو ومدري ليش كلامه خله كلبي يدك زايد لان بعمري محد كايلي هيج كلام ومحد مهتم بيه هالكد ومن فكرت بي نسيت حتى قلق الامتحانات )
طبعا بعد ما دزيت البارحه مسج وسالته منو جاوبني
...اني واحد يحبج ويموت عليج ومشتاقلج بس انتي محاسه بي
شمس ... بصدمة واستغراب شديد عفوا يجوز غلطان باسم ااسخص بلعنوان اني لااحب احد ولااحد يحبني
..... يجوز انتي متحبين احد بس اكو هواي يحبونج واني اولهم اموت عليج
.... ضحكت بيني وبين نفسي ،،، لاغلطان وحتلو تحبني اني ماحب احد
مجهول :- لا اذا تعرفين شكد احبج راح تحبيني وتكولين شمسويه بي اني لج شوشه اموت بيج اعشق خطواتج
شمس :- اريد انام عندي امتحان باجر باي
مجهول :- باي عشقي
شمس :- تفاجئت من هذا المسج المجهول وكولت معقوله اكو احد يحبني لالالاا ماكو هذا مخربط بلرقم وباجر يعتذر
مجهول :- بعدما جمعت كول المعلومات الخاصه بشمس قررت اكوللهة اني احبهة واريدهة وعن طريقهة انتقم من نور لان نور متثق غير بشمس (طبعا عرفتو المجهول طلع حازم )
شمس :- كعدت الصبح جان الكه مسج من نفس الرقم الي حاجاني بليل فتحت المسج جان مكتوب صباح الحب يااحلى ورده يله كومي بدلي ولتصيرين كسوله وراج امتحان وتريكي زين وديري بالج ع نفسج
نور :- اوووف متوتره اليوم اول يوم امتحانات نصف السنه شاسوي 😔 يله اروح للمدرسه والله كريم
نور :- رحت للمدرسه ولكيت شمس هناك كنا حييييييل متوترين بسبب الامتحانات ولج شمس قريتي زين لو هيج شمس شمس شمس
شمس :- ها ها اي طبعا ( اني مجنت ويه نور جنت افكر بهذا صاحب الرقم وشلون كلامه حلو ومدري ليش كلامه خله كلبي يدك زايد لان بعمري محد كايلي هيج كلام ومحد مهتم بيه هالكد ومن فكرت بي نسيت حتى قلق الامتحانات )
نور :- يله شمس خلي نراجع قبل لاندخل للامتحان
شمس :- اوك يله
نور :- امتحنه وطلعنه وجاوبنه زين الحمد لله بس وضع شوشه مجان عاجبني قررت اخذهة حتى نتريك وهناك اخليهة تحجي كولشي
اكولج شوشه شنو رأيج نروح للكافتريا وناكل لزمت بطني وفتحت عيوني وكوتلهة لان راح اموت من الجوع هههههه
.... ابتسمت ابتسامة عريضه اوك يله امشي نتريك
اول مكالتلي ريوك اذكرت كلامه الحلو وشلون مهتم تلقائيا ابتسمت يجوز اي وحده ثانية بمكاني متحس هيج احاسيس لان اكو من يحسسهة بلحب وتسمع احلى من هيج كلام بس اني ماعندي غير امي صح تحبني وتسمعني كلام حلو ومهتمة بيه لاخر درجه لاكن تبقى العواطف تختلف من شخص لاخر والبنت مهما كانت تحتاج هذا الكلام من رجل يحسسهة بحبة واهتمامة وخوفة وع هذا الاساس اني هالكد مهتمة وافكر بكلامة يعني مومبالغة بلمشاعر ولامامصدكة واحد هيج يحاجيني ههههه
.... ضربتهة ع راسهة بطرف ايدي ولج مخبله داكولج نتريك ممسولفتلج نكته يله امشي
شمس:- لزمت راسي وباوعتلهة وجهي معقوج ههههههه اوك يله اني هم جوعانه
... وصلنه واخذنه لفات همبركر العشق وكعدنه اكلنه و بعدما خلصنه الريوك جتفت اديه كوتلهة يله سولفي
.... باستغراب ههههه شبيج ولج حلمانه شسولف
ياايتها الغشيمة اليوم من الصبح مو ع بعضج تصفنين هواي وتبتسمين هواي تره حافظتج ع الغيب خاف متدرين خير شكو سولفي يله
... تنهدت اوك نوشه اول وتالي تعرفين اني ماضم عليج شي
.... خييير
.... شوفي البارحه جنت ادرس وتعبت وردت اروح انام قبل لاانام حاجاني رقم غريب ويكولي اني احبج ويعرفني ويعرف كولشي عني ومهتم بين ويكولي كلام حلو لج نوشه بعمري مسامعه هيج كلام ولاحاسه هيج اهتمام يوووومه فدوه
نور :- هييييييي اوكفي خلي افتهم وحده وحده وحضرتج فرحانه ومبين عليج واكعه ومحد مسمي عليج انتي شمدريج منو زين منين جاب رقمج وليش محجالج من زمان وليش وليش وليش
... بوزت بوجهة يووووو نوشه شمدريني ورجعت سبلت عيوني وحجيت بصوت هادئ بس والله كلامه عسل
... رجعت لحركتهة المشهوره ضربتني بطرف اديهة ع راسي
اششش لازم نعرف هذا منو
... طلعت اصبعي السبابه حطيته كدام وجهة وضليت اهدد بيهة سمعي ولج من الصبح لسه مرتين ضربتيني ع راسي وهذا راح يسببلي خلل بلدماغ يعني اذا رسبت بسببج
... ههههه عابتلج يله كومي نروح للبيت ورانة كومه دراسة
بعدما رجعت ضليت افكر بكلام شمس وهذا منو ومدري ليش مارتاحيت وكلبي مامطمن لان شمس ماعدهة احد غير امهة ورقمهة بس عندي ومحد يعرفهة ولاتعرف احد
.... صفنت افكر بكلام نوشه وخفت وكولت لازم احضره قطع صفنتي صوت مسج ركضت للجهاز فتحته مساء العسل حبيبتي شلونج بلامتحان اليوم اكيد حبيبتي شطوره وجاوبت هنااا اني رجع كلبي يدك بسرعه وحسيت احساس حلو كانما يدري بيه شنو جنت اسوي ودز المسج بلوقت المناسب ابتسمت ايااا ملعون انتبهت حتى اصحي نفسي من هالافكار والاحاسيس. بس اني مقرره انهي الموضوع عفته مجاوبته ارتبكت شأسوي خابرت نوشه
...حجيت بسرعة جبيره الوووو نوشه لحكي هذا دز مسج
... ولج ثوله شبيج مرتبكة وتتسابقين ع النفس ع كيفج اهدئي واخذي نفس عميق روحي حاجي وسالي انت منو وشرايد مني ومنين جبت الرقم ومن هالاسئلة والتفاصيل
شمس :- اوك اوك رايحه اخذت نفس عميق شهيق وزفير يله شمس جاوبي ياالله
"" مساء النور انت منو ومنين تعرفني ومنين جبت رقمي""
حازم ... اني
.
.
.
.
.
.
.
.
.
.
يتبع
أنت تقرأ
مـــــٱكـٱن ذنـــبي💔
Короткий рассказهناك من يفعل الخطا بقصد وهناك من يفعله دون قصد اما انا في الخطا ماكان ذنبي للكاتبة ايلول
