نور:- خير شمس شكو شبيهم بيت عمتي
.... شمس بس تبجي ومتجاوب
.. ولج شمس حاجيني شبيهة عمتي
.... داخلين عصابه على بيت عمتج وكاتليهة لان جانت وحدهة بلبيت
نور :- حطيت ايدي على حلكي وصرخت حيل لااااا لان اني حيل احب عمتي بس ماحب حازم
ركضت للبيت ابجي واصيح مفزززوعة وخايفة بابا بابا
طلعو اهلي مخترعين
ابو نور .... خير ياستار شبيج بابا
.... ابجي واحجي بابا عمتي نوال انقتلت
... شللللون ؟
... طلع بابا يركض ومصدوم كوتله انتضرني اجي وياك بس البس حجابي رحا للغرفه اريد البس حجابي شفت نور حيل تبجي بحركه استغربت لان هيه متعرف عمتي كولش ليش هيج داتبجي سالتهة بكل عين قوية ومليانة كره ليش هيج داتبجين لو مامشغولين انتي وحازم بتدميري وكاعد يم امة جان هسة هي بخير
.... كلامهة جان سجينه وتكطع بكلبي بس بنفس الوقت صح حطيت ايدي ع وجهي وبجيت حيل وحجيت حازم بلمستشفى داخل بغيبوبه من سامع بوفاة امه ضارب راسه بلحايط ومتاذي
.... تفاجئت وصارت عندي ردة فعل عكسه مدري ليش استخطيت حازم رغم الي راد يسوي بيه وحسيت بي انسان عنده مشاعر مو انسان حقير بلا مشاعر ولاشعور بس حقه لان الام متتعوض وخاصتا عمتي جانت كولش طيبه وفقيره رحت حضنت شمس وكمنه نبجي ثنينه لان عرفتهة شكد تحب حازم وراهة صاحولنه وطلعنة واخذت شمس وياي وصلنه هناك وكملو كول الاجراءات ورحنه
للمستشفى علمود نطمن على حازم وصلنه وقبل لا ندخل وصلت للباب مال الغرفة اتذكرت الي راد يسوي بيه واجيت اخنكه بس شفته هو اصلا انسان عاجز وضعيف ومتمدد بلسرير لاحول ولاقوة بوقتهة حسيت الله اخذ حقي منه من شفت حازم ابو البنات الي جانت الكاع متشيله بهيج وضع ولاحركة ولانفس صدوك انكسر كلبي عليه
حازم :- هنا بلشت شويه شويه اصحى بس عقلي مشوش ونضري متشوش
نور ... ضلينه اني واهلي وشمس بلمستشفى صار الفجر سمعت صوت الاذان رفعت ايدي ليفوك وتوجعت لربي وغمضت عيني ومااحس غير واحد لازم اديه ويترجاني
.... كمت ابجي واحجي وية نور دخيلج لاتدعين علي الله اخذ حقج وزايد حبابه نور لاتدعين علي الله يخليج جريت اديه حيل ونفضتهن من ادين شمس وكوتلهة مونور الي تدعي ع انسان هو بامس حاجه للدعاء ولاي شخص يوكف جنبه ورجعت ورفعت اديه ودعيت الله يسامحه ويكومه بلسلامه
... ابتسمت وكلت امين و بست نور من راسهة وشبكت نور حيل وكولت امين يارب الله يخليج الية
حازم... بهذي الاثناء نزلت دمعتي من سمعت وشفت كولشي وشفت طيبه كلب نور وشفت حب شمس اليه وحسيت الله عاقبني باكثر شي احبه امي
نور... شفت حازم صاحي راسا بعدت شمس وكوتلهة كعد حازم شمس طلعت من الغرفه وكامت تبجي لان الموقف صعب عليهة من تذكر كلامه وشلون هددهة واني هم طلعت صحت الدكتور وطبينه اني وشمس ويه الدكتور ها دكتور طمنه
الدكتور... لاماكو شي عدت سلامات مثل ماتوقعت هو دخل بغيبوبه بسبب نزيف داخلي بسيط بلدماغ بس كدرنه نسيط عليه لاكن خليناه هنا حتى خاف تصيرلة مضاعفات بس الحمد لله استقرت حالته و رجع لوعيه
شمس ونور ... الحمد لله وطلعنه وره الطبيب حازم صاح
.... شمس نور
شمس ونور.... ثنينهن ماخذات بخاطرهن وضايجات جاوبن هااا
حازم:- لاتروحن اريد احاجيجن
شمس:- ساكته
نور:- اوك احجي
حازم... والله وروح امي الي راح احجي من كلبي حتلو متصدكون وهو يبجي ودموعه تصب اني فرحان لان شفتجن سوه وماتفرقتن واني احس الله عاقبني باحلى واعز شي بدنيتي هي امي واخذهة مني واني صح زعلان على فراك امي بس تعلمت هواي من موتهة وحسيت الله انتقم مني ولو ما صاير هالموقف اليوم يجوز مجان اكتشفت الانسان الي بداخلي وضليت خبيث وداخلي شيطان بس الحمد لله اكتشفت طيبه كلبج نوره يااحلى بنت خال واكتشفت احلى وارق كلب بلدنيا كولهة شموسه وعرفت شكد تحبني واني هسه اريد ادفن امي وهي راضيه عني سامحوني بنات
شمس ... نغزني كلبي علية ورجعت احن لحبة ولسوالفة و شفت كلامه بي وجع وجع قوي وتانيب ضمير وشفت حازم القوي مكسور ويبجي مثل الطفل ويعتذر حجيت وكولت مسامحتك والله يرحم امك راحت لمكان امن
نور.... سامحتك ان شاء الله تعلمت وفهمت تره اصعب شي لمن تطعن شرف بنية وتشوه سمعتهة
حازم.... اذا بعد هذا كولة وماتعلمت ف مستحيل اكون انسان اطمني تعلمت والدرس اجاني مثل ضربة على راسي وجان درس حيل صعب وقوي علعموم اشكركم ولشكر ثقتكم
وراهة طلعت من المستشفى وكملنه الفاتحه وره فتره خطبت شمس واعترفتلهة بحبي الهة من اول ماحبيته وفهمتهة كولشي صار وهي مجانت تدري بي بس طبعا لاتخلو من اسئلتهة الغيوره لان جانت تضن احب نور واني هم جنت اضن احب نور بس اتضحلي الي جان بداخلي ع نور مجرد انو اريد اكسر خشمهة لان الحب ماعرفتة الة ويه شمستي
نور دخلت جامعه وحبت ولد اسمه زيد وتزوجو واني وشمس تزوجنه وصارو عدنه توأم زيد ونور وصرنه عائله زيد ونور و عائلة حازم وشمس كولش اصدقاء وعائلة وحده تقريبا وجانت كمية الحب تشع من قلوبهم ومن بيوتهم ....
في النهاية
اياك ثم اياك تتقرب لشرف بنية بريئه وتدنس سمعتهة & واذا انت انسان ملوث وحقير ولاتتقرب لبنية صافية وتكسر كلبهة لان كما تدين تدان
أنت تقرأ
مـــــٱكـٱن ذنـــبي💔
Nouvellesهناك من يفعل الخطا بقصد وهناك من يفعله دون قصد اما انا في الخطا ماكان ذنبي للكاتبة ايلول
