عسى ان تكرهوا شيئا وهو خيرا لكم

هدوء

.

الجزء الثالث

الصباح قد حل.. مبتعدا عن الجميع ..يحمل سجادة الصلاة والمسبحة

بدأ صلاته ..يسبح ويهلل الله عزوجل..

(مالي كلما تعبأت وتهيأت للصلاة عرضت لي بلية ازاحتني عن الاتصال بك)

ربي انت حسبي ووكيلي وكفيلي ..اختر لي ولاتخيرني..

اكمل صلاته وعاد ليكسر نعاسه قليلا..ليستيقظ على رنين الهاتف..

باقر: هلة قسومي ..شلونك؟؟

قاسم:اي اي اخذني بهالكلام واني اصدك بيك.. راح اجيك عدنا ابو بيت يريد يطبك سراميك..

باقر:هلة بيك تعال..

بعد ساعة ...

قاسم: باقر شكو ..ليش مدلغم ؟؟

باقر: لازم ماتدري ..

قاسم:علمود بنت عمك؟؟

باقر: اذا طلبت منك ايد اختك تقبل؟؟

قاسم: واجيبها بعباتها الك..بس لازم اشوف رأيها الاول

باقر: رحم الله والديك..يعني اكيد كل بنية الها حق الاختيار..شمعنة نرجس ابوي مصمم الا اتزوجها ومو مهم شتكول هي..

قاسم: ترى انته مكبر السالفة ..انته مابيك عيوب حتى هيج قلق

باقر: ولك هاي يتيمة ..ومابية حيل الله يعاقبني بسببها..

قاسم: اليسمعك يكول راح تكعدها بكتلة وتمسيها بكتله ..هواي جاي تضغط على روحك بعد اخوك هونها وتهون