عسى ان تكرهوا شيئا وهو خيرا لكم

لن اتركها

باقر: انتي شجاي تحجين

الجزء الثامن

راح انطيج فلوس واخذج للسوك ..نشتري لنرجس ملابس وكل الامور اللي تحتاجنها انتن..وبعد عندي طلب ..

شهد: يدلل العريس..

نظر باقر الى شهد بأنكسار وحزن واضح: مصدكة اني عريس ..المهم اريدج تعزمين كل صديقاتج وتسون هوسة وحفلة وية نرجس غيرن جو الها ..وكل اللي تطلبي حاضر الج ..

شهد: وهذا عرس المدلل افرحنلة ياخياته..تأمر امر

اما نرجس فلاتزال بنفس الافكار والكره لباقر..شعور الكره نحن من نغذيه ونجعل منه كبيرا..

الا اخليك تندم على موافقتك علية ياجاهل..اني اريد اكمل وتالي ماتالي ارتبط بهيج ريفي..