عسى ان تكرهوا شيئا وهو خيرا لكم

هو لايعرف

شهد:عيني عيني ع العرسان..هاي شنو باقر شجايب

باقر الذي تغيرت ملامح وجهه خجلا: معليج ..روحي امي تريدج.

شهد: ماااا ماااا اروح ..تكول لو اكول لنرجس شطلبت مني

اسرع باقر ليسكت شهد: الخاطري روحي واللي تريدينه يجرالج..

شهد: كلابية!و عطر! وو

باقر:اخذج واشتري كلشي بس اسكتي وروحي هسة..

خرجت شهد ليسرع باقر بأخراج كيس داخله علبة

باقر: تفضلي نرجس ..نرجس ..وبدأ يلوح بيده اليها

نرجس: كانت في عالم اخر(شطلب منها ؟؟ شتقصد شهد ؟! شنو الموضوع !! وهسة شبية شعليه بيه وليش مهتمه )

باقر بصوت عالي:نرجس! نرجس: هاااا هااا

باقر: تفضلي هاي هديتج

نرجس: شكرا

باقر: هذا احدث جهاز نقال ..فتحيه خلي اعلمج عليه

نرجس: ترى مو جاهلة مثلك ومشت..

باقر بقي يعالج الخنجر الذي طعن به من قبل نرجس وكلماتها السامة

كانت الايام تمر عادية وباقر يمثل امام اهله بالسعادة وعندما يجلس بمفرده تطول فترة جلوسه الى عصر يوم من الايام ..كان يجلس بنفس مكانه..لتاتي شهد

شهد: والله بطل ياخوية

باقر مستغرب: ليش يمكن مشارك بمباراة وماادري؟؟

شهد:بطل تلف وتدور ..احجيلي ..داشوفك هواي مهموم..

باقر: مابية شي ..كوه جاي تريدين موضوع تسولفين بيه..

شهد: خوش لعد اروح اكول لابوي نرجس ماتريدك

كانت كلماتها مفاجاة بالنسبة لباقر ليسرع الى اليها..عفية اسكتي ..

شهد: ساكته ياعيون اختك..بس ليش متحملها..خليها تروح بحال سبيلها..