Chapter's status: edited.
الوقت عدا بسرعة, ساعة ورا ساعة و محدش حاسس بالوقت, كله اتغدا وتقريبا اتعشوا كمان. اول ساعة قضوها علي الكنبتين كلهم -لأن كنبة واحدة مش هتكفي- نايل فضل قاعد مع جراي لأنه مش بيعض معاه كتير نظرا لأنه مغني مشهور وعنده جولات حول العالم. الباقي فضل مع بعضه, زين مع ميا -كالعاده- بيتكلموا في موضوع أن زين بيبقي شكله أحلي بالدقن وخصوصا لو كانت خفيفة. شارلوت و ليام بيتكلموا في موضوع الأكل لأن مفيش حاجة أهم بالنسبلهم أكتر من الأكل وبعديها بشوية نايل قرر يدخل معاهم في الموضوع هو و آودري وقعدوا يتخنقوا أم مين الي بتعمل أكل أحسن. جرايس مكنتش مستمتعة بالوقت خصوصا أن محدش كان مهتم بالي بتعمله ف لوي قرر أنه يتكلم معاها شويه. آڤآ كانت مش مستمتعة زي جرايس برضوا ف حطت السمعات في ودانها وبدأت تسمع أغاني علي جنب من الكنبة، شوية وهاري جيه جنبها وتشاركوا السماعة واكتشفوا انهم هم الاتنين بيحبوا نفس المغنين وقررت آڤآ أن ده أحسن يوم في حياتها. ساعة ورا ساعة الكلام عن الدقن، الأكل، الأغاني خلص وكلهم سكتوا.
"ايه رئيكوا نلعب سبين ذا بوتل" شارلوت قالت و آڤآ كانت عايزة تضربها لأنها عارفة هم ناوين علي ايه من الصبح.كلهم مفهموش نظرات آڤآ لشارلوت غير ميآ الي فضلت تضحك.
"اه فكره حلوه يا شارلوت" آودري قالت وغمزت لآڤآ و آڤا حست انها عايزة تختفي من علي وجه الكوكب. هي قررت خلاص أنها بتكرهم ومن بكرة هتروح تعيش في بيت لوحدها..ممكن تاخد معاها جرايس عشان هتصعب عليها لو سابتها لوحدها مع الأشرار دول. ميآ فضلت تبص ل آڤا كأنهم بيتكلموا بالعين ومحدش فاهم حاجة. في ثانية كلهم قعدوا في الأرض وعملوا دايرة معادا آڤا الي ترددت.
كلهم سابوا آڤا براحتها، ونايل قام قعد جنبها يشوفها كويسة ولا لا وهي ردت عليه وقالتلوا انها تعبانه شوية ف نايل قرر يعد معاها يرغوا شوية، خمس دقائق بظبط و نايل رجع يلعب معاهم تاني، آڤا حست انه مل منها، وده خلاها تكره نفسها أكتر، 'هو أنا ممله للدرجادي؟' 'ليه كل الناس بيسبوني؟' دي كانت أسئلة من الأسئلة الكتير الي فضلت آڤا تسألها لنفسها. آڤا خدت نفس عميق وقررت تنزل علي الأرض تلعب معاهم لما لقتهم مستمتعين وقررت هي نفسها ليه متستمتعش زيهم؟ لسوء حظها أول ما نزلت لفت الأزازة عليها و آڤا ندمت انها نزلت تلعب من الأول. "خامس سؤال او دير إلي آڤا" آودري قالت وضحكت ضحكة خفيفة لآڤا الي ضحكتلها في المقابل.
شارلوت هتسأل آڤا.
"دير" آڤا قالت وتنهدت، هي عارفة شارلوت هتقولها ايه لكنها مش مستعده واتمنت انها تختفي من علي وجه المجرة تاني.
"دير انك تعوضي علي رجل هاري." آڤا فتحت بوقها أول ما سمعت كلام شارلوت بعدين قفلتوا لما حست أن ممكن حشرات تدخل فيه، آڤا بصت وهي عاجزة لميآ بعدين نايل. شارلوت أكيد بتهظر.
أنت تقرأ
ون دايركشن (بالمصري) *rewriting/hiatus*
Fanfictionميا و شارلوت و جرايس و اودري و آڤا, خمس بنات مصريين هيقابلوا ون دايركشن, هل هينجح الخمس شباب في تحقيق احلام الخمس بنات؟ Warning: mature content, Arabic cussing words, suicidal thoughts, blood scenes and probably drug use. ©laurenjaurr
