سأتحدى اليأس

الجزء السابع

تانى يووم

محمد ظبط خرووجه مع احمد و قرروا يخرجوا مع بعض على موتوسيكل محمد

و هما فى الطريق

مى كلمت احمد

*المكالمه*

احمد :ايوه يا مى

مى :ايييه يا احمد انت فين يا بنى

احمد :انا مع محمد يا مى رايحين مشوار و هنرجع على طول

مى :ماشى يا احمد متأخرش علشان فى مفأجأه عندنا

احمد :مفأجأه اييه

مى :دارين عندنا اعم 😉😉

احمد :يولع محمد انا جيلك دلوقتى 😂😂

مى :وللهى😂

احمد :يلا سلام هروح و اجى على طول

مى :اوك

(احمدبيكلم محمد على الخروجه)

احمد :محمد احنا رايحين فين

محمد :لا مفأجأه مش هقولك

احمد : مفأجأه ايييه يا عم هو اييه حكايه المفأجأت معاكوا
•••••••••••••••••••••••

و هما بيتكلموا فجأه لقوا فيه عربيه قدامهم 😣

محمد معرفش يعمل حاجه و فقد السيطره تماااما
و العربيه دخلت فى الموتوسيكل و عمله حادثه كبييره اووى
احمد مكانش قادر يتحرك خالص و لا يتكلم و فقد الوعى
اما محمد كان زيه برضوا بس كان بيعرف يتكلم و فايق شويه

الناس اتلمت عليهم و مسكوا صاحب العربيه و دخلوه القسم

و فى ناس وقفت مع محمد و احمد و دخلوهم المستشفى و احمد مازال فاقد الوعى

واحد اتصل ب مى لانها اخر مكالمه حصلت

*المكالمه*

مى :ايووه يا احمد...انت تأخرت كده ل..

الراجل:صاحب التليفون ده عمل حادثه فى صلاح سالم و نقلناه مستشفى ال---'

مى و هى مصدوومه :ااااانت بتقول اييييييييه انت اكيد بتهزر

مى استنت (انتظرت) ان تكون دى معجزه و يكوون الراجل بيهزر و هى دموعها مش قادره توقفها

الراجل :انتى شايفه ان دى حاجه يتهزر فيها...عايزين حد ييجى علشان يعرف الدكتور عايز ايييه

مى و هى مش عارفه تتكلم من كتر الدموع :ح..حاضر

مى قالت لأمها و ابوها و دارين كانت قاعده كمان و كلهم راحوا المستشفى بسرعه و قالوا لمامت محمد كماان

الدكتور طلع و الكل اتجمع علييه

ابو احمد :خيير يا دكتور اييه اللى حصل

الدكتور :الحادثه كانت قويه شويه عليهم بس الولد

ده  (و هو بيشاور على محمد) الحمد لله متأثرش

اووى شويه كدمات و جروح سطحيه و ايده

اتكسرت بس شهر بالكتير و الجبس فى ايده و ان

شاء الله هيبقى زى الفل

ابو احمد :الحمد لله...طب و احمد

الدكتور بحزن :للأسف هو فى غيبوبه دلوقتى و حالته صعبه جدا و انا هعمله شويه اشاعات علشان شاكك فى حاجه

ام احمد:اييه هى يا دكتور...ارجوك طمنى على ابنى

الدكتور :ان شاء الله خير يا حاجه متقلقيش...ادعى التحاليل تطلع كويسه

ام احمد :يااااااارب يا دكتور

و بعد ٣ ساعات و هما قاعدين بره...و مى مش قادره تقوم تقف حتى

الدكتور طلع و :اتفضلوا تقدروا تشوفوا محمد دلوقتى و عملتله الجبس تقدروا تشوفوه بس مش اكتر من ٣ لسلامته
دخلت امه و عم على "ابوه احمد"و ام احمد

و اطمنوا علييه و سألوه على اللى حصل 

قال :انا كنت رايح انا و احمد علشان نروح مطعم كل صحابنا كانوا هناك علشان بكره عيد ميلاد احمد

و كنت عايز اعمله مفأجأه و فجأه لقيت عربيه قدامى و معرفتش اتفاداها خااالص لانها كانت واقفه بالعرض و هو خبطنا.....هو احمد فيييين انا همووت و اشوفه هو كويس يا عمو

عم على  :احنا ولله ما شوفناه لحد دلوقتى انا قلقان اووى

محمد:متقلقش يا عمو ان شاء الله هيكون كويس

و الدكتور دخل و قالهم يتفضلوا علشان عايز يكمل علاجه و قالهم انه هيتحجز ٥ ايام علشان يتابع حالته

و خرجوا كلهم و مى مازالت بتعيط و دارين بتحاول تهدى فيها بس مفيش فايده
خرج الدكتور و هو حزين جدا و على وشه الاسف

قال:للأسف انا عملت الاشاعات و احمد.....

نكمل بكره
توقعاتكوا

تفتكروا احمد حصله اييييه 😣🤔!!!!