اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#بنت_المنهوبة
الجزء 9
بقلمي السيدة العلوية
من بعد هذا اليوم .. بقينا اني وعمتي شبه منقطعين عن بيت جدي وعماتي وبقيت عند عمتي .. عمتي كان عندها بنات اثنين وولد وكلهم اكبر من عندي .. وكبرنا ومن تفوق دراسي لتفوق اخر ..
احلى يوم بحياتي كان من جبت النتيجة مال صف سادس اعدادي كانت درجاتي عالية ويومها ابن عمتي وعمتي سوولي حفل بالبيت واخذوني واشترولي هدايا
العمة : لو تعرفين شكد رفعتي راسي حبيبة عمتها
نبض : صدك عمة .. فرحتي علمودي
العمة : شعندي غيرج انت الطفلة مالتي
نبض : ربي مايحرمني منج عمة .. عمة عندي سؤال
العمة : كولي حبيبتي .. عجبتج الهدايا !!
نبض : اي عمة كلش حلوات خصوصا هذا القميص .. عمة !!
العمة : كولي ماماتي
نبض : عمة وين امي وابوية ليش اني ماعندي اب وام ؟؟
{كانت اول مرة اشوف الانكسار والحزن بوجه عمتي ودموع غريبة نزلت بلا استئذان كأنما كلماتي جانت هي المفتاح للدموع حتى تنزل بغزارة وبصعوبة بالغة كدرت تنطق عمتي }
نحن عباد لله ولسنا ألهة كي نقطع بعضنا البعض ونقتل بعض بالكلمات .. اذا رأيت احد يخطيء انصح بالخفاء ولاتفضح وادع لهم ولك بداخلك بالهداية ولاتقف شامتا .. كي لاتبتلى . روي عن عيسى بن مريم (عليه السلام) : داويتُ المرضى فشفيتهم بإذن الله ، وأبرأتُ الأكمه والأبرص بإذن الله ، وعالجتُ الموتى فأحييتهم بإذن الله ، وعالجتُ الأحمق فلم أقدر على إصلاحه ، فقيل : يا روح الله وما الأحمق ؟!.. قال : المُعجَب برأيه ونفسه ، الذي يرى الفضل كلّه له لا عليه ، ويوجب الحق كلّه لنفسه ولا يوجب عليها حقّاً ، فذلك الأحمق الذي لا حيلة في مداواته ... جواهر البحار.
دخلت كليتي وعاشرت الصبر واخفيت حزني بداخلي وعمري ماضعفت وقويت نفسي بأيماني ويقيني بربي والتهيت بس بدراستي وحتى بأيام الكلية ابد ماكان عندي مجال اطلع وية بنية لو اكعد بكافتيريا او اكلم شخص .. هواي جنت ارجع والليل يبدأ عندي بكوابيس وألم وجهي الشاحب يوم بعد يوم والناس متوقعة اني مريضة ويجوز اني مريضة بس بيا حال وبيا مرض .. علتي من أمي المافكرت بية وشضل بعد بية ..ومن ابوي الما حسب حسابي !! اه يايمة مرة من المرات رجعت وشفت عمتي فرحانه كلش وجنت بصف رابع كلية وقريب الامتحانات اخر السنة
العمة : ماما نبض تحضري العصر عدنه ضيوف
نبض : حاضر عمة .. هسة بس انزل ارتب البيت واعدلة وبعدها ارتب نفسي للضيوف .. تغديت وكملت وبعدها افتريت وعزلت البيت واني متوقعة راح يجون بنات عمتي وأزواجهم .. بعد ساعات اندك الباب وعمتي راحت فتحت للضيوف طلعو معارف بيت عمتي
العمة : نبض تعالي عمة .. سلمي ع الخطار
نبض : اجيت وسلمت وبعدها كمت مثل كل البيوت اقدم الضيافة وبعدها كعدت واشوف المرية واختها بس تعاين علية وتفحصتني من رأسي لرجلية واني مستغربة وبداخلي اكول هاي شبيهة بس تباوعلي .. بعدين طلعت حجة وكمت لان هم كبار ويسولفن واني جنت تعبانه من الكلية واريد ارتاح
