اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#بنت_المنهوبة
الجزء 8
بقلمي السيدة العلوية
رجعوني لاهل والدي بحزن وبألم .. قرر والدي ووالدتي مصيري بيوم قررو يهربون ويتسببون بهالكارثة ..عمي ماكدر يتحمل يشوفني وكل مايشوفني يضل يتعصب وضليت مثل الطوبة يومية واحد شامرني عند احد من عماتي ولاوحدة حنت لو رق قلبها علية .. اني شنو ذنبي ,, هاي التكول بنت الحرام ؟؟ وهاي التكول امها موشريفة وذيج الي تضربني واني طفلة لان اني سبب انه اخوها انقتل ... بس وحدة ربي سخرها الي جانت متزوجة بغير محافظة واجت هي وزوجها واخذوني يمهم ويوم عن يوم اكبر .. والقلب ينزف الم .. ركن من عمري انثلم ولايوم هدأت ولايوم شفت رحمة .. عمري يزيد واني اكبر مرة من المرات كان عمري 5 سنوات اجتمعو بيت جدي علمود السنوية مال جدي .. دخلت اني وعمتي وجانت تلزم بيدي
الاخت الكبرى : هلة بأم مراد شلونج خية
ام مراد {العمة }: هلة خية ,, شلونج لعد وين البنات
والتمت العائلة وبقو مشغولين وانا متخوفة وملتصقة بعمتي
العمة : ماماتي نبض روحي لعبي وية الاطفال
نبض : اي عمة
رحت مثل كل طفل بريء وبس ردت اقترب وبقوا الاطفال يصيحون علية
{هي هي .. امها موشريفة هي هي } وضلو يمشون وراي ويصفكون واني اركض وابجي ومااعرف شكو وليش ودخلت مفزوعة لعمتي وابجي
الاخرى : اي اكيدن اخونا ستر على امها وهم تبلو على اخونا وكتلو
هم صار يوم وكبرت سنين بلحظة وحدة ؟؟ هم صار وحسيت نفسك الشيب ترس شعرك وانت بعدك طفل .. مواقف تخلينا نكبر قبل الاوان كأنما طاقة من الضوء فتحت امامك وتوضحت لديك الرؤية .. عمري 5 سنوات صح كان لكن الموقف وان مافهمته بكل كلماته لكن ضل يهزني وضل عايش وياي الى الان او يجوز الى ان استقر بقبري
خ
فارس : والله أسف
نبض : خلي نفسك في مكاني .. وتخيل شيصير بيك .. لماتشوف عمرك ينهدم يومية .. ومن تحاول تتقوى وتكون قوي وماتبين اي وجع واي انكسار وبلحظة وحدة تنهدم .. شتريد انسى يافارس .. ألم من يوم ولادتي لحد هسة .. اني موبيدي والله اللي صار ,, تتوقع اني ماريد اسامحك ؟؟ ورجعت للبكاء بقوة ولحظة واسمع عمتي تكول
