اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#بنت_المنهوبة
الجزء 6
بقلمي السيدة العلوية
جبر: بساع جميلة تحضري الصبح نطلع منا قبل لايكعدون
جميلة : ليش جبر شصار ..
جبر: عمي ماقبل ويكول نرجع لاهلنا
جميلة : وهسة شلون
جبر: الصبح نطلع وأأجر مكان والله كريم
فعلا وية الفجر طلعنا من بيت كرايبي واول شي اخذتها عقدنا.. وبعدها أأجرت مكان بس نستقر وبعدين نثبت بمكان
فعلا صار وأجرت بيت صغير وصارت جميلة مرتي ودورت ولكيت شغل عامل ومشت حياتنا ..تمشي الايام وصارت جميلة حامل وسنتين واحنه مختفين عن اهلنا وصارت عدنه بنية وعايش وتقريبا نسيت السالفة وبيوم من الايام مااعرف شلون عثروا علينا ..
,, عائلة جبر,,
الاب : اصبح مشلول
الام : موجودة
بقت بس اخت وتزوجت لابن عمها
الاخ: متزوج وشال لغير منطقة
,, عائلة جميلة..
الاب : مات
الام : مثل المجنونة
الاخت : تزوجت
الاخ: موجود يعتني بألأم ويفكر بالانتقام
الاخ : ماهدأت ولاهدأ اعصابي .. شلون بية وشأكول وشلون لو طال العمر .. وانتضر الاخبار توصلني تبرد غليلي وناري .. دنكت راسي وحطيته بالتراب .اختي والطفلة الجنت مدللها هيج تردلي التربية .. بقيت بس شبح ماالي حس ولااكدر ارفع عيني ,, وولد عمومتي ماتركوني الا ان جبنا واندلينا عنوان جميلة .. هي حكمت على نفسها .. موبيدي بعد .. رحنا وكتلناها هي وجبر وغسلنا عارنا .. بس العار ينغسل بس بالدم لو شنو ؟؟ جان عدها طفلة ماكدرنا نسويلها شيء اخذناها تتربى عدنة واضحك على روحي شتتربى وهي امها هيج ضيعتنا .. اخذناها
ابن العم : خوية جيب الطفلة اخليها عد مرتي
الاخ : اي بعد اخوك ماريد اشوفها كلما اشوفها اموت بحسرتي
ابن العم : ارفع راسك ,, غسلنا عارنا بالدم ولاتخاف واليحجي بعد انحط جيلة براسه {طلقة }
