#مشكلة_عشق
للكاتبة كاثرين
الجزء السادس
لا تحكم على الاشخاص بسرعة
اسمع منهم قبل ان تحكم عليهم
..........................
علي جنت مخلي الفون ع اذني و اسمع سامر الي اتصل بي لان ضايج و حجالي الي صار
ضجت كلش و كلت واني اشوف ابو فاطمة يدخل :-
لا تضوج يمي الموضوع اغلق يله نحجي بعدين سلام
غلقت و باوعت ع ابو فاطمة الي دخل و كعد
:- نعم تفضل شنو الموضوع
علي :- تعرف شصار وي فاطمة
ناضم :- شبيها 😒
علي :- هههه الضاهر بنتك متهمك😏
ناضم :- اعتقادك هذا ... بنتي كل شي بحياتي
علي :- ههههه زين دريت هي دخلت المستشفى بسبب واحد حقير من ربعك
ناضم وكف و كال بعصبية :- شنووووو
ع
لي :- هه ليش عصبي مو بسبب اعمالك بنتك راح تتاذه و كل احنه نعرف
ناضم :- لك انت منوو ؟ و شنو تعرف عني ؟
علي :- اتركك مني و خلي سؤالك ع بنتك و الي ضربها😒
ناضم :- كول منو هو حتى اشرب من دمه
علي غمزله :- اعصابك ناضم
ناضم و هو عصبي و تقدم و لزم علي من قميصه و جره :- كووووول انت منو ؟
علي :- اول شي انتبه لبنتك لان حياتها بخطر😒
ناضم ابتعد عنه و كال :- احجي شنو تعرف
علي :- بنتك تعرضت لضربه ع راسها من قبل شخص ملثم و الحمد لله اني شفتها و اخذتها للمستشفى و سامر جان واكف و شاف الي ضربها و ركض وراه و لزمه و سلمه للشرطة هناك اعترف انو انت طارده من شغله و هو محترك قلبه و رايد يقتل بنتك😒
ناضم :- اكيد هذا عادل
علي :- هه منو هذا ضحيه جديدة
ناضم :- لك هذا جان يجيبلي مشاكل و ميشتغل زين و طردته بس متصورت يوصل لبنتي اني اشكرك
علي :- و سامر ؟😏
ناضم :- و شبيه سامر
علي :- خليه يزوج امل انت تريد تخلص من مسؤليتها زوجها لسامر احسن مما تزوجها ل امجد الي راح يعذبها لان يحب زوجته
ناضم :- و منو هذا سامر حتى ازوجه اختي انت مخبل عاقل و شدخلك انت اصلا من باجر كلكم اطلعون من بيتي مو صوجكم صوجي اني الي خليت الغربه ب بيتي بس انتم زوودتوها
علي :- ههههه ترا اني ابن جنان مو غرييب😉😏
ناضم :- شنووو😳😳😳😳
فجاة سمعو صراخ فاطمة و ركضووو
................................
فاطمة . جان اصعب موقف بحياتي عرفت كل شي
بس اريد اعرف ليش هيج سوو وياي ليش مكالولي
تعصبت حيل و ضليت اكسر بالاغراض و اصرخ بصوت عالي جنت فاقدة ماعرف شنو اسوي
مثل المخبلة فقددت ....
فجاة سمعو صوتي علي و بابا و اجو يركضون
(علي تتخبلت من سمعت صوتها كلت اكيد صار بيها شي ركضت و ابوها وراي يركض حتى اجيت اوكع ولا شفت طريقي دخلت و اشوفها تكسر بالاغراض و تصيح :- لا مستخيل انتي امييي
جانت الام كاعده ع كاع و تبجي
ناضم :- شكووو ؟
فاطمة :- عرفت كل شي عرفت
علي تقدم لها و كال :- فاطمة اهدي مو هيج ينحل الموضوع
فاطمة و هي تصرخ بوجهه :- لعد شلووون ينحل شلون هااا ترجعوني صغيره و اجيبولي امي
كولولي امي وينها
ناضم :- بنتي حبيبتي تعالي الي اني احجيلج كل شي بس اهدي شوي اني ضميت عليج لان جنان جانت هي امج صدكي ربتج من انتي صغيره و انتي عمرج 3 ايام
فاطمة كعدت ع كاع و تبجي حيل و صاحت :- ليشش مكلتو امي ماتت ع اقل ادعيلها اترحم ع روحها اقرالها قران انتم تحسون بالي جاي احسه ولكم هاااي امي و اني ابد مشايفه شكلها ولا قاريتلها الفاتحة ولا داعيتلها
جنان :- صدكيني منسيتها يومية اترحم ع روحها اني و مكلت لج لان هي قبل لا تموت هيج طلبت مني صدكيني
علي تقدم منها و لزم ايدها و وكفها :- كومي تعالي
باوع ع ناضم و كال :- خلوها وحدها هي ترتاح و ترجع تتفاهمون😒
.........................
فاطمة اخذني و كعدنه بالحديقة جان الجو بارد و المكان كلش حلو بس ختنكت مع انو الهوة عالي بس اني مختنكة كعد كبالي و باوعت عليه و تلاكن عيونه
علي :- هههه شبيج تباوعين بعيوني☺
فاطمة ارتبكت و دارت وجهها :- لا هيج ماكو شي بس ردت اطلب منك طلب
علي :- طلبي🤔
فاطمة و دموعها موكفن :- احجيلي شلون ماتت امي انت شفتها ؟
علي :- امج جانت حيل حلوة ههه انتي تشبهيها
نزلت راسها و ضلت تبجي بصوت عالي و هي تكول :- ياريتني شفتهاااا
علي :- راح اشوفج صورتها بس تسمعين مني و تروحين تبوسين راس امي و متضوجينها بهذا الموضوع و ينسد للابد
فاطمة :- علي و الله صعبة اتقبل هذا الوضع
علي :- هههه شنو يعني راح تكرهين امج الي ربتج ترة امج الي جابتج ضلت وياج بس 3 ايام مشفتي حنانها امي سوتلج كل شي و هي جانت ب اصعب ايام عمرها و بعدين بسبب ابوج اخذوني منها
فاطمة :- احجيلي كل شيء فدوة
علي :- راح احجيلج بس اول شي تصدكين كل الي اكوله ثاني شي تكومين هسة و تبوسين راس امي ترة هي تحبج حتى اكثر مني😢
فاطمة :- اوك بس انت تغار مو هههه
علي :- لااا ابد ههههه بس قبل اول ماجيتي يم امي حيل تخبلت و ضجت
فاطمة :- اوعدني راح تحجيلي كل شي بدون مجذب عليه
علي :- وداعت امي احجيلج و هسة اخذج نكعد بمكان هادئ و نحجي
فاطمة :- اوك
.....................
ناضم :- ابنج راح يحرض بنتي علي
جنان :- كله من جوة راسك لا تجيب سيرة ابني ع لسانك و بعدين شلون عرفت هو ابني
ناضم :- ههههه هو كال بس شو لسانج صاير طويل صرتي مثل بنتج
جنان و هي تتقدم منه و تخلي عينها بعينه :- اي بنتي غصباً ع اليرضه و الميرضه
لزمها من ايدها و جراها اله و نزل راسه صار بمستواها و كالها :- لا صايره كلش متحترمين
جنان :- احرك الدنية لاجل بنتي حتى انت متهمني كل شي صار بسببك
ناضم :- لا لا مو بسببي بسببج انتي ..باوعتله صفح و هي مراضيه ع كلامه ف ابتسم هو و كمل كلامه :- اي انتي خليتيني انجن بحبج و مشفت طريقي
دارت وجهها منه و هي ضايجة
:- يله كافي زعل اني متأكد بنيتنه مراح تزعل منه
فجاة دخلت فاطمة و علي .. و ابتعدت جنان عن ناضم بسرعة ...
.......................
علي دخلنه و شفتهم و حيل ضجت جان ناضم لازم امي و حاضنها و هي لازمه صدره درت وجهي لان حسيت راح اركض و اشبعه كتل .. شبيك علي هو زوجها .. باوعت ع فاطمة اشوفها مبتسمه و هي تشوفهم سوة اي حقها غير امها و ابوها ..
فاطمة تقدمت من امها و امها بجت بسرعة و كالت لها :- بنيتي سامحيني بس فدوة لا تكولين اني مو امج اني امج سهرت و تعبت حتى اكبرج و اوصلج لاعلى المستويات حاربت ابوج علمود دراستج و خليتج تكملين و اني الي قنعته ادخلين كلية
فاطمة حضنت امها و ضلت تبوس براسها و كالت :- صدكيني احبج و انتي امي مستحيل اضوج منج بس جنت بحالة عصبية و صيحت وعد هاي اخر مرة هيج اصيح سامحيني 😢
الام :- يمه اريدج تنسين هذا الموضوع و الله اموت لو ينعاد لان انتي بنتي
فاطمة :- بس لازم اعرف ليش ضميتو عليه .. و باوعت ع ابوها
علي تقدم منها و كال :- هههه هاي مهمتي اني راح احجيلج كل شي .. و باوع ع ناضم و كمل كلامه :- من بعد اذنك راح اخذها شوي نغغير جو😒
ناضم و هو ضايج من علي بس ميكدر يرفض :- و اتصل ب احمد يجي وياكم هم ميصير وحدكم خاف احد يشوفكم 😒
علي :- افكر يله فاطمة روحي جهزي روحج
فاطمة و هي فرحانه :- ثوواني😍
ناضم تقدم من علي و كال بصوت ناصي :- اذا كلت لها ع ابوك متشوف خير😒 .. و راح لغرفته و سد الباب حيل .. ابتسم علي و هو يشوف عصبية ناضم
و هز راسه بمعنى لا و كال :- لا لا يا ناضم بنتك راح تعرف بكل شي ههههه و راح تكرهك مثل محرمتني من امي الا احرمك من بنتك ..
..................
فاطمة فرررحت حيل و اخيرا حسيت ب اهتمام علي يمكن يحبني هم😍 لا لا شنو يحبني هو يتعاطف وياي و حتى يمكن يحسبني اخت بس😔 و هم عنده حبيبه😢💔
اووف هسة شنو اني هيج افكر خلي اكمل و اتونس بهاي اللحظات😍
لبست قميص سمائي طويل و بنطرون رصاصي و شال رصاصي كلشش حلوة طلعت ردت اخلي مكياج بس تذكرت انو اني ولا ذره مكياج عندي😂تستغربون اكيد بس ابوي اخر مرة شافني مخليه بالبيت وعصب علي و حرمني من المكياج و بعد مخلاني اشتري ابد 😁 يعني و اذا خليت😣
اووف يله خلي انزل اصلا جمالي طبيعي اووو لحظة وين الحذاء السمائي اووف وين خليته ضليت ادور عليه و ماكو اخر شي سمعت الباب يندك
علي :- الووو وينج ترة تاخرتي تدرين لو لا ؟
فاطمة :- هذااااا اي هذااااا يله جاية
فتحت الباب شوي و طلعت بس راسي و كلت :- بابا وين ؟
علي مستغرب و رافع حاجبه :- دخل لغرفته
فاطمة طلعت و كالت و هي مستعجلة :- يله بسرعة ليشوووفني😣
علي :- شنو ؟!
فاطمة :- هذا الي لابسته ميعجب بابا😑
علي :- ليش😏
فاطمة :- لان القميص فوك الركبه مو كلش طويل و بابا يكول لبسي بنطرون بس القميص كون نازل من الركبة 😁😅
علي :- اي صحيح بس لو تلبسي عباية احسن🤔
فاطمة بعصبية :- يله يله خليني ع حجي بابا احسلي و نزلت تمشي بسرعة
علي و هو ينزل وراها :- لازم تلبسين عباية و الله🤔
فاطمة :- اووو كول يا الله هو اني ويني و وين العباية مستحيل
علي :- ترة ستر للمرة العباية
فاطمة :- كافي بداعت ماما و بعدين الستر مو بالعباية😑
طلعو و هم بعدهم يتناقشون ركب علي السيارة
و هي هم ركبت و رد عليها :- يابة منو كال الستر مو بالعباية يعني بهذا لبسج تنسترين😒
فاطمة :- اهوو و شبيه لبسي😑
علي :- لبسج مو نضامي😂
فاطمة :- هههههه عليييي لا تقلد ع بابا😑
علي :- لا و الله يعني هذا لبسج كل مفاتنج مبينه
و غمز لها😉
فاطمة بارتباك :- عيب عليك هيج تحجي شنو هاييي
علي :- اني مركزت ترة بس الغريب يركز😒لذا كلت لج لبسي عباية منا و رايح لبسي عباية احسن😑
فاطمة :- ديله عاد انت شكو😏
علي :- دنجبي شنو شكو و الله يا الله لا تخليني ادفنج بمكانج
فاطمة :- بسيارتك😂؟؟؟
علي :- اني عصبي و انتي تضحكي و القران ترة ارجع😠
فاطمة :- لا بداعتي امشي امشي وين نرجع
ضلو يتعاركون لحد موصلو لمطعم و كعدو بيه
علي :- ديله ست فاطمة شنو تريدي
فاطمة :- اريد اشرب شي بارد
علي :- حاضر
فاطمة :- مممممممم علي😍
علي :- خشمه اقصد روحه😜
فاطمة :- بعدددد تحششش😄
علي :- هههه شعبالج اي كولي شبيج
فاطمة :- و الله مستغربه منك شوي
علي :- ليش شبي اني😏
فاطمة :- اليوم هواي حجيت شعجب انت دائما ضاربه ع صامت ههههه😂😂😂
علي :- 😒و انتي تتمنين احجي وياج كلمة مو😏
فاطمة :- اجاوزك ب سيارتي الجارجر الي اشوفها ب حلمي كل مانام😣
علي :- ههههه ديلة عيني
بعد سكوت دام ساعتين (جذب عركهم الي ضل ساعتين😂)
فاطمة :- اكول كااافي شكد تعارك انت تغار مني😑
علي :- تهي بهي اغار هسة لو طولج بيه خير😂
فاطمة حاولت تغير موضوع الطول لان تعرف معدها رد :- علي كافي صدك انت ليش تريد تغير الموضوع😔
علي :- ههههه عفوا اني لو انتي
فاطمة :- جديات علي احجيلي اريد اعرف كل شي اريد اثق بيك لان اعرف بابا و ماما راح يكذبو مثل مكذبو بموضوع امي😢😔
علي :- هههه لا ماعتقد يكذبو بس موضوع واحد
فاطمة :- بشنو احجيلي فدوة اريد اعرف لا تخلوني هيج 😥😥😥
علي :- تصدكيني بكل شي ؟؟؟؟
فاطمة :- اي و الله اني اثق بيك
علي :- ابوج قتل ابوي
فاطمة :- شنووووووووو لاااا مستحيل شنو دا تحجي بابا مستحيل يقتل
علي :- كلتي انتي تثقين بي و تصدكيني😒
فاطمة باوعت بوجهه و هي خايفة و قلقانه و بداخلها تكول :- بابا قاتل لااا مستحيل شلون يقتل لا مصدك لازم مصدك بيه
باباا لااااااااااااااااا مستحيل بابا يقتل مستتتحيلللل
.
.
.
.
.
ستوووووووب اعتذر ع التاخير بسبب الضروف الدراسية و الانترنيتيه ( مخلص اشتراكنه😁😂)
و دمتووو سالمين 😍
