#مشكلة_عشق
للكاتبة كاثرين
الجزء الثامن
كلما اهرب مبتعدة عنك
اجد نفسي امامك
........................
علي طلعت و شفتها كاتله روحها من البجي
و تصرخ و تشهك عرف انو ابوها مضوجها او يمكن
تبجي ع امها
علي :- كافي يله كومي
جان بيدي بطل مي انطيته الها و كلت لها :- غسلي وجههج اريد اكلج شي
وكفت و صبيت مي بديها و غسلت و هي مستحيه كالت :- اسفة
علي :- اممم ع شنو😜
فاطمة و هي منزله راسها :- لان شفتني بهاي الحالة
علي :- ههه اني الي اسف كطعت دموعج
فاطمة رفعت حاجبها :- شنووو عبالي دا تواسيني و خايف علي😢😒
علي رفع كتفه :- شدخلي😜☻
فاطمة و هي تمسح المي من وجهها :- اي صح باي
و رادت تروح لزمها من ايدها و جرها رجعها لمكانها
نصدمت هي و جرت ايدها منه و نزلت راسها و كالت :- بله احترم نفسك لا عبالك اني مثل الي تعرفهن يقبلن هيج تلزمهن
علي ضاج و خزرها :- لج طلعتيني ابو بنات
فاطمة :- لتلزمني مرة لاخ فاهم
علي :- اووو تريدين تعاركين انتي
وكف و رفع اديه مثل المقاتلين و كمل كلامه :- يله اني مستعد
ابتسمت هي و كالت :- عابت باع خشمه
علي :- خشمي يخبل😌
فاطمة :- امممم هع ديله عاد لتنغر
علي :- ترة حقي انغر 😎🤗
فاطمة :- تهي بهي حروح انام
علي :- مو كلت لج متنامين
فاطمة :- لا و الله ؟😒
علي :- اي و الله طلعن و تقرب منها و نزل راسه حتى يوصل لمستواها (قزمة بعد 😂 كاتي دسكتي ع اساس طويلة انتي😒 ديله كملي😑)
تقرب منها و همس باحرف متقطعه :- ال ن ت ا ئ ج
فتحت عيونها و خلت ايدها ع حلكها و كالت بسرعة :- شنوووووو 😳
علي رجع وكف عدل و باوع ع التلفون مالته و خلاه ع ميز و كعد ع كرسي و كال :- النتائج😏
فاطمة من الخوف ضلت ترجف :-
احلف😣
علي :- و الامير
فاطمة :- الامير😳
علي :- اييي الامير علي *ع*😒
فاطمة بخجل :- هااا😁 اي ووووينهن شوفني 😣
علي :- بعد المحافظات مو كلهم طالعين هسة دا ينزلون بيهن لا تخافي هههههه
فاطمة بعصبية :- علي ترة الموضوع حيل يخوف ليش تضحك و بعدين لا سامح الله اذا معدلي مو زين بابا يبطلني و اكعد بالبيت مثل امل😑
علي :- اذا متأكدة من نفسج ليش تخافين
فاطمة :- متأكدة و مجاوبة زين بس خايفة لان حظوظ البكلوريا و اني معندي حظ😔
علي لزم تلفونه و اتصل ع سامر بدون متحس فاطمة و خلاه بيده :- اممم امل شبيها 🤔
فاطمة :- بطلها بابا خطية لان معدلها مو زين
علي :- شكد معدلها
فاطمة :- اووو ناسية بس يمكن ب 60
علي :- صار هواي ؟
فاطمة :- الي وياها تخرجو من الكلية يمكن هسةةة عوفك من امل شوف النتائج فدوة
علي :- كلت لج بعدها اريد اعرف عن امل ليش محبوسة😁
فاطمة :- لان جانت تحب واحد من قرايب ماما
علي :- امييي ؟؟؟
فاطمة :- اي لعد متعرف؟
علي :- لا كملي
فاطمة :- المهم جان يحب فلوسها مو يحبها و خطبها و بابا رفض ينطيها
علي :- شنو يقرب لامي
فاطمة :- اخوها يمكن المهم ابوي رفض و بيوم من الايام التقت امل بيه و هو كالها خلينه نشرد
و يحجون ب هذا موضوع و سامعهم بابا و لازمها كاتلها و حابسها و اخو ماما شارد
علي :- هاااا و هي قابله تشرد ؟
فاطمة :- ههههه من كل عقلك هي حتى معندها موبايل تتراسل وياه
علي :- زين و هسة ضلت علاقتهم مستمره لو نسته ؟
فاطمة :- كرهته من زماان و ناسيته
علي :- محد بحياتها هسة ؟
فاطمة :- لا بس ليش تسأل 😳
علي :- لا هيج بس حبيت اعرف زين تقبل بسا..
قطعت كلامه و هي تسحب الموبايل من ايده
و كالت :- هسة خل نشو...
صفنت بالجهاز و جان الاتصال مستمر و الاسم سامر
باوعت عليه و هي ضايجة و كالت :-
شكرا الك دا تستغلني و اني خايفة و قلقانه ع نتائج
و كامت و راحت زعلانه
........................
فاطمة اختنكت حيل حسيت استغلني او يضحك علي مادري المهم كرهت هالتصرف منه
كعدت بغرفتي اتكلب ع الجرباية اريد انام ماكدر
باوعت من الشباك كان كاعد و يباوع بجهازه تنفست بصعوبة و ضليت اباوع عليه اريد امنع نفسي منه بس اكو شيء بداخلي يجذبني اله قلبي ماكدر اسيطر ع دكاته احس مسموعه احس بوجع بقلبي يموتني و اني بعيده عنه اريد اروح يمه ابقه طول العمر وياه بس مستحيل هذا الشي اني مو اله و هو ميفكر بيه ولا يحبني عنده غيري يحب غيرررري
لازم انساه و افكر ب اي شي و اشغل روحي و ابتعد
عن تفكيري بيه
......................
علي زعلت و راحت ههههه ترة حقها تصرفي مو حلو بس هذا سامر يحب امل و حيل متاذي لان عرفها تحب غيره اريد اعرف عن امل بلكي اكدر اساعده و اخيرا ساعدته و امل متحب احد
من راحت اني حجيت وي سامر
:- هااا هسة عرفت هي متحب ؟
سامر :- و الله ارتاحيت
علي :- حبيبي هي من نصيبك صدكني
سامر :- لك انت اخ مو صديق بس فكرتك انو اشرد اني وياها ترة مصير لان البنت متقبل مية بالمية😔
علي :- ههههه منو كال تشرد وياها ع فكره اليوم عرسها😏
سامر بعصبية :- دا تساعدني لو تستهزء بي
علي :- لا حبيبي اليوم عرسك انت صدك حضرت كل شي بس اسبح و طيح وصخك لان عيب من البنية تشوفك وصخ و متريدك😂
سامر :- راح اسكت و اجاوزك ع كولت فاطمة ب سيارتي الجارجر الي مشوفها بس بالحلم😂
علي :- ديله ولي لتلزم عندي شغل باي
سامر :- تهي شرد من سمع اسمها خاف نسمع دكات قلبه😉
علي :- لك يا اسمها يا قلب يا دكات ولي لا انطي حظر لرقمك هع
سامر :- ديله ولي لا تلزك😏
علي :- اني طلعت لزكة هسة😳
سامر :- هههه ايييي اكولك ولي و لازم ترد
علي :- هههه باي
سامر :- باي
سد الموبايل و ضليت ابحث (تعرفون النتائج الف رابط ينشروه كلهم جذب😂)
الحمد لله و اخيراااا نشروهن اهووو شلون مشكلة شنو اسم مدرستها😳😳
وكفت لازم شعري و اشد بيه و اكول :- خررب حظي مكالت لي يا مدرسه
باوعت ع شباك غرفتها و ردت اشمر حجارة بس شفتها الحمد لله صحت بصوت عالي :-
فاااااطمة
جانت تباوع علي و دارت وجهها
صحت بصوت اعلى و اني ضايج :- لج فاطمة شنو اسم مدرستج
عدلت وكفتها و باوعت علي و كالت :- ليش😳
علي :- اريد اوكف بركنها و اصجم بنات😑 ولج اريد اسم مدرستج حتى اطلع اسمج😑
صرخت بصوت عالي :- النابغه
علي رفعت حاجبي ب استهزاء :- اكوول لسانج شطوله هههه
فاطمة :- شنووو😳
علي درت وجهي و رحت ع موبايل و دورت اسمها و اخيرااا لكيته و 😳 مو معقووول
باوعت عليها و هي تباوع منتظره كالت :- هااا ؟😣
علي :- كمال ب 6😢
فاطمة :- تهي بهي لجذب😑
علي :- تعالي نزلي
فاطمة :- توسل بي يله😌
علي بصوت ناصي :- اشتعل ناضم
و رفع صوته و كال :- مبروووك😊
فاطمة :- شكرا شكد معدلي😍
علي :- مو زين☺
فاطمة :- اهوووو ديله شكد
علي :- 52😂
فاطمة فتحت عيونها :- ياااااااييييي و ركضت تنزل
فاطمة ركضت عليه و اني متفاجئ و فرحان و اكول ب بالي :- راح تجي الي
فجاة فاتت من يمي
باوعت و شفت احمد و هي ركضت عليه و حضنته
جان احمد واكف وراي و كاتبلها لوحة جبيرة :- مبرووووك ال 97
جان هذا الشعور حيل ياذيني عيوني متصدك الي دا تشوفه احمد و فاطمة
معقولة هيج عادي عند فاطمة تحضن ابن عمها
او يمكن تعتبره اخ بس
حتى لو اخ يبقه ابن عمها
ليش تحضنه
الي دا يصير بداخلي ياااااذييي حيل
بنت ناضم شسوت بيه
لاول مرة احس هيج ليش اضوج عليها مو هي هذه بنت ناضم عدوي الي اخذ امي
ليش اني دا اتعاطف وياها
ليش دا احس بقلبي يتقطع و جسمي يرجف و اعصابي فارت و اريد اهجم ع احمد و اكتله ليششش هيج دا يصير وياي
.........................
احمد جنت طالع بشغل ومن رجعت عرفت فاطمة و علي طالعين سوة ماعرف شنو السبب و حتى عمي جان عادي و ممعصب ضجت حيلللل
و رحت نمت ع فراشي و اني افكر بيهم و محتار بعلاقتهم معقولة يحبها
اجه عمي و شافني هيج و كال لازم تنخطبون بسرعة
قبل لا تدخل للكلية اني طرت من الفرح و مصدكت
رحت ابحث عن النتائج لان عمي عرف النتائج اليوم و كالي ابحث عنهم
و الحمد لله طلعت نتيجتها و معدل عالي
رحت طلعت لكيتها واكفه ع شباك و علي يحجي وياها من الحديقة عرفت انو يريد اسم مدرستها همزين اني اعرفه لان عمي كالي قبل شوي
اخذت لوحة و كتبت عليها مبروك ال97
و وكفت ورة علي و هي نزلت تركض و حضنتني حسيت علي ضاج و اني حيل فرحت لان حسيت انتصرت ع علي و ضوجته
فاطمة الي مراح تصير لغيري سواء بأرادتها او غصب عنها هي اليييي و نشوف يا علي تاليتها وياك يا خاين تحب اي احبها
..........................
فاطمة عرفت معدلي 97 فرحت هواي و سويت حفلة جبيرررة و رحت جبت امل و توسلت ب بابا و كلت له اريد امل هديتي و هو وافق بسرعة الحمد لله و جنت فرررحانه حيل
فجاةةةة سمعت اغنية
( احبه ❤ و من حبي اله😍
كل يوم اسوي مشكلة🙊✌😂
بس المح الشارع خله🙈😉
اصعد ع حايط هله💃💪
عدنه حرامي يصيحون🏃🔊
مو بيدي قلبي يعشكه ❤🙈
ما ودي لحظة افاركه❤💑
بالروحه و الجيه الحكه🏃❤
و تلتم عليه المنطقة🙊✌
شعندك هنا يمجنون 😂😁)
باوعت و اشوف سامر صاعد ع سياج و علي مشغل الاغنية و يضحكون
سامر :- شلوووونكم شباب فااااطمة مبروووك خيتي يوم تخرجج من الكلية و تصيرين احلى دكتورة
فاطمة و هي تصيح بصوت عالي :- ههههه لك اني اريد هندسة✌
باوع ع امل و غمزلها و نكز من السياج و تقدم مني و كال :- يعني ويانه ب بغداد
اني فهمت انو قصده ع امل ضحكت و كلت :- ان شاء الله وياكم ثنينه
صديقاتهم كلهم ضلن يحجن و متخبلات ع سامر
و امل وجهها صار جنه طماطة و ابوي حيل عصب و اني اضحك عليهم
ناضم :- لك سامر شنو هالتصرف
سامر :- خلي نفرررح فاطمة و بعدين حاسبني عمي لووو لحظةة اخوي✌😉
ناضم بعصبية :- ولك شتقصد
سامر :- اسأل علي 😂😉باي و راح وكف يم فاطمة و امل و اخذ قطعة من الكيك و كال :- فاطمة ارحمينه شوي بحفلتج هاي يعني كيك العالم كله جايبته راح نموت😍❤
امل نزلت راسها و اجت تبجي من الخجل😂🙈
و سامر شافها و كمل كلامه :- اول حفلة اشوف بيها طماطة😍❤😂
فاطمة :- لك سامر كافي لتزحف البنت راح تموت من الخجل و بعدين شنو هذا الحضور 😂
سامر :- شلونه✌☻
فاطمة :- يخبل حتى امل كالت😍😂
سامر باوع ع امل و كال :- صدووووك☺😉
امل و هي منزله راسها و بلكوة تطلع الكلمة منها :- اي كولش حلو ☺
سامر :- تدرين عبالي خرسة😂☻
امل :- لا عيني لساني بطولك و اطول😑
سامر :- اكول فاطمة ع منو طالعه لسان😳
فاطمة :- اي لعد بدون لسان ميعيش البشر يعيني لا عبالك ساكته ✌☻
سامر متفاجئ و خله ايده ع شعره و ضل يباوع عليهن و كال :- الله و اكبر😳😳
..............................................
ناضم محترك قلبه راح لعلي و كال :- شنووو هذا تصرف صديقك ميستحي كدام صديقات بنتي
علي :- ههههه صديقات بنتك هواي نعجبن بفكره سامر😉
ناضم بعصبية :- تصرف جهال مابي اخلاق و شنو قصده يكولي اخوي
علي :- اي غير خطيب اختك😉
ناضم و هو يلزم علي من قميصه :- لكككك و الله و الله اشنقك شنو يزوج اختي
علي :- تريدها تشرد وياه ؟ عادي ترة
ناضم و هو يبعد ايده :- هه مستحيل يصير هيج
علي :- لعد تعال وراي خلي نشوف امل و سامر وين
ناضم :- شقصدك ؟
............................
فاطمة قررنه اني و علي نجمع سامر و امل لان ابوي رفض و يريد يزوجهم اول خطوة سويناها هي انطينه ل امجد مبلغ جبير و سفرناه لغير منطقه لفترة يعني شرد من بابا هو و عائلته☻✌
بعدين فكرنه بخطة
من شفت علي و بابا واكفين علي غمزلي و انطاني الاشاره يعني نبدي😉
اني ابتعدت عن سامر و امل و غمزت لسامر
سامر :- امل تعالي اشوفج شغله
امل :- لاااا ماريد خليني هنا
سامر :- عليج الله تعالي شبيج بس اشوفج شغله يله بسرعة اني رايح
امل بتردد و خوف باوعت يمين و يسار و راحت وراه و هي ترجفف و تخاف يصير مثل مصار قبل و يشوفها اخوها و يضلمها
سامر :- امل اني احبج
امل :- ادري شنو هسة تريد بسرعة لا يجي اخوي و الله اخاف منه اخاف يشك بينه
سامر :- احنه مسوينه شي غلط
امل :- اعرف بس اخوي راح يشك كبل اذا شافنه
سامر :- تعالي نشرد و نزوج
امل :- ههههه صدك تحجي انت مخبل تعرف ليش نحبست ب بيت طول هاي السنوات تعرررف ع شنو لو لاااا
سامر :- احجيلي ع شنو
امل :- جان اخو جنان زوجة ناضم يلحكني مثلك هسة الى ان حبيته جنت صغيره و قنعني بكم كلمه و خطبني و رفض اخوي و اني عادي مضجت بس بيوم من الايام طلعت اشوف صديقتي و نسيت اكول ل اخوي و شافني اخو جنان و ضل يسولف اني احاول اشرد منه بس هو ضل يغلط ع اخوي لان رفض و كال تعالي نشرد ولزم ايدي اني خفت حيل و حاولت اكوله لا ماريد اشرد بس فجاة اخوي طلع و شافنه ضربني و اجيت اموت بيده و ذاك الحقير شرد و من يومها اني محبوسة ب ذاك البيت و هسة انت جاي تكولي خلي نشرد اني مستحيل اسوي هيج لو اتعذب باليوم الف مرة مو عيب من الناس شنو يكولون اخت ناضم شردت وي واحد
و نزلن دموعها و ضلت تبجي و كملت كلامها :-
هذا اخوي الي اخذني بحضنه من تيتمت ب اصعب ايام حياتي من فقدت اغلى ما املك من فقدت امي لكيته هو يمي هو سندي صارلي اخ و ام و اب
مستحيل انزل راسه لو بس يحن علي و يباوع بوجهي و احجيله و يعرف اني بريئة و الله منزلت راسه ابد كل همي هو
...........................
جان ناضم يسمع و دموعه نزلن و هو يذكرها من جانت صغيره من يلعب وياها من يخليها بحضنه
مسح دموعة و كال :- علي شعبالك تضحك علي بهاي المسرحية 😑😒
و صاح بصوت عالي :- امللل تعالي
امل سمعت صوت اخوها و هي كمزت و ضلت تررررجف :- يمممه سامر اخوي صاحني
راحت بسرعة اله و باوعت بعيونه و هو باوع بعيونها و كالت :- خوية و الله اني.....
قاطع كلامها و كال :- امولة فاطمة وحدها بالحفلة روحي اوكفي يمها
( امل كالي امولة و اني طرررت من الفرح اخوي سندي حبيبي رجع حبه الي دا اشوفه بعيونه و اني اباوع و صافنه بعيونه اشوووف حنانه و طيبته ياربي هيج تفرجها عليه و يسامحني ماريد اي شي مستعده اضل اخدمه طول عمري بس كون اضل يمه
😍😍😍😍😍😍😍)
راحت امل و باوع ناضم ل علي و كال :- ههههه تدري انت شيطان
علي :- اي من زمان ادري
مشه علي و هو ضايج لان يدري ب نفسه خسر الي سواه و كال بقلبه :- استغفر الله هسة هي هاي خطة يا علي استغفر الله شنو من عقل عندي
باوع علي ع فاطمة الي جانت فرحانه و هي تحجي وي صديقاتها ابتسم و كال :- لازم اخليها تنصدم
تقدم منها و كال :- فاطمة ممكن تجين شوي
فاطمة :- شكو و هي تتقدم منه
علي :- تفضلي 😏
فاطمة :- يييييييااااربييي شنووووو هاييي
معقولةةةةةة
البنات كلهم باوعو ع فاطمة و نصدمو
يمته يفهمني الاريده 🤦🏻♀️
شكد اريده بلا حچي ❤️
.
.
.
ستوووب
نلتقي باجر باذن الله بجزء جديد😉
دمتم سالمين
