#مشكلة_عشق
للكاتبة كاثرين
الجزء العاشر و الاخير
( قراءة ممتعه )
- هنالك دائماً من يتهمني بالفراق 🎵💭'
- وهم لايعلمون بانني سـَ افارق الحياة 🥀
علي و اني كاعد و ابجي ماعرف شلون بجيت و ليش فجاة تخيلت فاطمة ماتت راحت من ايدي صرخت باعلى صوتي :- لااا مستحيل و ركضت لغرفتها دخلت و اني حيل معصب اريد اضربها ع الي سوته اريد ارزلها اريد اكولها اني احتاجها اني بدونها ولا شي اريد اكولها اني احبها و مستعد اخطبها بس لاااا مراح اكول هذا الكلام اريد اعاقبها اريد اموتها ليش هيج سوت تريد تحرمني من روحي اي روحي هي صارت كل دنيتي دخلت و صرخت
:- فاااااطمة
فاطمة ضلت ترجف و معرفت شنو تكول و اني مهتميت و كملت كلامي :- احجيلي هذا الي سويتيه علمود شنو هاااا ؟
كلها باوعت عليه و متفاجئين
فاطمة و هي خايفه و بلكوة تطلع الكلمة منها :- ان..ي اعت...
علي قاطعت كلامها و صرخت بوجها :- لتعتذرين بس كوليلي انتي تعرفين لو متي وين تولين هااا
فاطمة :- شنو😳
علي :- لج تريدين تخسرين اخرتج
فاطمة بسرعة :- لا اكيد
علي :- لعد هذا الي سويتيه شنو هاااا انتحرتي و الانتحار حرامممم يعتبر قتل نفس كبل للنار شنو يعني مريتي بعذاب مريتي ب ايام صعبة شنو اصعب من عذاب القبر لو اكثر من عذاب النار هاا خلي ب بالج الي دا تتعذبين بي و الي شايلته بقلبج و كل الي دا يصير وياج لا تقارنيه بعذاب النار
فاطمة نزلت راسها و كالت :- و الله بلا وعي سويت هيج مفكرت ابد اني اعتذر ندمانه
علي :- اولاً اعتذارج ممقبول خوش ثاني شي مفكرتي بالناس الي تحبج معقولة انتي هيج مفكرتي ولا جان عندج وعي تتذكري امي الي فضلتج علي الي تركت ابنها حتى تربيج انتي
جنان نزلت راسها و ضلت تبجي و هي تحاول ميشوفها احد
فاطمة :- سامحني علي و الله مو....
علي قاطعها و كال :- الحمد لله ع سلامتج بس طول عمري مراح اسامحج ع الي سويتيه مع السلامة
و طلع و هو ضايج
( فاطمة صح جنت خايفه و مرتبكه و ضجت هواي لان مسامحني بس بنفس الوكت فرحانه و طايره من الفرح لان علي يخاف علي و احس يحبني اييي😍
الدكتور اجه شافني و كال تكدرين اطلعين و انطاني نصائج هواي و حذرني انتحر مرة ثانية و اني خجلانه منهم و من الدكتور لان هسة شيكولون اول مرجعت للبيت بابا بده يرزل و كال للكل ماريد احد يعرف بنتي انتحرت لا تصير سمعتها مو حلوة ووو كلام بابا ميخلص عفته و صعدت اريد انام ارتاح من كل همي صار فترة منايمة زين كل شي تمام و راسي فارغ الحمد لله بعد ماكو اي مشكلة
رحت اخذت دوش و لبست تراكي مال نوم و صعدت لغرفتي كمزت ع جربايتي و حضنت دبدوبي الباندا الي بطولي و كلت له :- اشتقت لك يا عزيزي دبدوب
غمضت عيني و .....
صرخت باعلى صوتي :-
اوووووووو ياربي ليش هيج 😣
من شفت علي الى الان و اني بس اغمض اشوفه كدامي و افكر بيه و مانام زين ابد😔
ياااربي اجعله من نصيبي بحق علي
بحب علي لفاطمة بحب محمد لخديجة
🙏🙏🙏🙏🙏🙏🙏🙏🙏🙏🙏🙏
ضليت افكر طول الليل و ابجي اوف يعني ميخلص هذا العذاب الي بحياتي شوكت افرح و احقق حلمي
حلمي علي اجمل حلم بحياتي😍
يله حلم الجارجر صار حقيقة حلم علي ميصير حقيقة😂😂😃😃
خلي انام
ماكدر
فدوة اروحلجن عويناتي نامن
اووف فدوة اروحلك عقلي لتفكر ب علي
فدوة اروحلك قلبي خلييني ارتاح شوي
كاااااافي خرب تخبلت ضليت احجي وي عيوني و قلبي و عقلي خرب حظي😑
بعد دقائق من التفكير بعلي ياااربي شلون اصالحه وووووو سرقني النوم 😍
.................................
علي ضليت كاعد الليل كله افكر بيها
ياربي معقولة هيج تسوي بروحها تريد تحرمني منها
ااااوف لو بس تعرف العذاب الي تعذبته جان مسوت هيج لو تعرف شكد احبها لو تعرف شكد جنت اراقبها لو تعرف شلون تعذبت بحبها من سافرت ل بغداد شكد حاولت انساها مكدرت
جنت احجي وي روحي بهذا الكلام و دخل سامر
تفاجئت و كلت :- لك شعجب هنا ليشوفك ناضم و يحرك الاخضر و اليابس
سامر كعد و خله رجل ع رجل و كال :- و الله خابصينه ب ناضم و هو كدام بنته جنه طفل😂
علي :- هسة كول شلون اجيت
سامر وكف :- تريد اكوم اطلع يعني 😒
علي :- ههههه لا لك بس احس اكو شي صاير😉
سامر :- اييي هذه الاربعاء خطبتي😎
علي بصدمة :- شنوووو احلف ؟ لا تشاقه
سامر :- شبيك ممصدك لعد شعبالك اترك حبي امل لغيري غير احرك الدنية علمودها😒😌
علي :- هههه عمي مبروك بس مبقه شي ترة بس يومين 😳
سامر :- مستعجل و الجمعة الجاية عرسي😍
علي :- خرررب ولك انت شكد مستعجل
سامر :- اني معندي شي بس خطية امل😂
علي :- و فاطمة راح تتعب وياها هم🤔😢
سامر :- شعليك ب فاطمة ها لك😉
علي :- دنجب و تعال نتصل بالكل😍
سامر :- ايي😍
..................
فاطمة ضليت يومين مشايفه علي ولا هو شايفني لان هو ملتهي وي سامر يحضرون للخطبة و اني وي امل نحضر و كل منطلع يطلع ويانه احمد
احمد ضل ميتركني ابد دوم وياي
صحيح ضجت بس حسيت تعامله وياي حلو
و عجبني هذا الشي😍
المهم بيوم الخطبة لبست فستان سمائي فاتح طالعات كل ادي منه و جان ضيك من الخصر
و لبست كلادة بيها خرز فضي ناعم ضيكة ع رقبة هدية سامر من نجحت من السادس تقصدت البسها
لان امل غارت من شافته انطاني هاي الهدية😂
و لبست كعب بلون الكلادة هم فضي
و رفعت شعري و سويته (ذيل لحصان مثل متكولون مو صح😂😂😂)
شعري طويل وصل لخصري حاول ارفعه اكثر ماكو ضل واصل لخصري و اني رافعته😑
و نزلت لماما
:- هااا ماما شنو رأيج بس ناقصني مكياج عفية خلي اكول لهذه المرة الي اجت تعدل امل تعدل وجهي
الام :- بله اسكتي معايزة مشاكل لو شافج ابوج هيج يكلب الدنية بعدين تعالي مطلعين الا تلبسين عباية
صرررخت بصوت عالي :- شنووووووو لا مستحيل😣😣😣😣
الام :- لا و الله تريد تطلع هيج😳😒
فاطمة :- اوك موافقه بس بشرط😏
الام :- يمممه منج و من شروطج الله يستر بس
فاطمة :- اخلي مكياج و البس بوشي و عباية😍
الام :- اوك بس اني معلي اذا ابوج شافج اكول اني مدخلني هي اجت وراي و مراح احميج من الضرب
فاطمة :- لا ضرب ولا قسمة خلي اروح الحك باي😂
خلصنه و رحنه لقاعة الاحتفال و جانت كلش حلوة
امل جانت تخبببل بدلتها وردي مائل للبرتقالي (تفاحي صح😂)
و مكياجها خفيف و كووولش حلووو هي حلوة حيل و بالمكياج طلعت احلى لحظة تذكرت اني وصلت للقاعة و نزعت العباية و البوشي بس مشفت روحي بالمكياج خررب ركضت للمراية الي جانت بالحمامات و شفت وجهي اووو ماي كاد اني مو اني😍😂
طلعت من الحمام و رجعت و لان نسيت عبايتي و البوشي لحظة وين خليتهم نسيت فجاة
سمعت صوت المسيقى و ركضت و ضليت اركص💃
و اني فرحانه حييل
........................
علي جانت اكو غرفة فوك بدل بيها سامي و اني لان اني وياه سوينه كل التحضيرات للحفلة ف نزلت و جان الدرج بصف حمامات البنات
فجاة طلعت بنية و اني نازل شفتها
اوووويلي لابسه سمائي و هي بيضة
ركزت ع وجهها تشبه فاطمة
معقوووولة هذه فاطمة
هيج جسمها بارز
و مخليه مكياج
لااا فاطمة متلبس هيج
ولا تخلي مكياج
ناضم يكسرها تكسر😳
الله و اكبر هذه هي
اييييي هي😱
اووويلي طالعه تخبل ردت اروح لها فجاة سمعت صوت المسيقى و ركضت
الثولة مشافتني
طالعه صاكة😍
اويلي
تقدمت اريد اشوفها فتحت بابا القاعة و باوعت عليها جانت تركص بالنص و ركصها يخبل
خبلتني هالقزمة
عجيبه كل هاي البنات و ماشوف بس هالقزمة
و الله حتى ماكدر اباوع ع غيرها
معقولة مسويتلي سحر بنت ناضم😂😍
