السندريلا العذراء

2

هزت ليديا راسها و شافت في راجل لي كان كبير شوية تكون عندو 50 عام ... تمشات بخطوات تابتة و تايقة في راسها ... جلست في فوطوي قبالتو ... حطت رجل فوق رجل ...طلعت سايا شوية ... راجل عينيه حوالو فيها ...بدأت كتهدر و تحلون ... اصلا هي هدرتها محلونة و مزيونة ...
ليديا:صوفي اشمن سهرة
صوفيا (مستغربة) عندنا سهرة بحال اي سهرة 😉
ليديا:ديالمن
راجل:احمم ديالي
ليديا:ماسخيتشي نمشي و لكن هانتي كتشوفي (كتهدر وجها في وجه صوفيا و لكن عينيها على راجل) عيانة ماقدراشي نتحرك و مازال ماعندي مانلبس
ياله بغات تهدر صوفيا و هو يسبقها راجل
راجل:احمم غتقلقيني منك
ليديا (دارت شافت فيه ) ماتقدرش على زعلك و لكن كتشوف حالتي مريضة
راجل جبد دفتر شيكات ديالو من جيب دخلاني ديال لافيست كتب فيه شي حاجة و قطع ورقة عطها ليديا في ايدها
راجل:خودي هذ لفلوس سيري ديري مساج و ترخاي باش تزولي تعب و في عشية تكوني عند
شفت ليديا في شيك لقات في 10 مليون ... ماعجبهاش لحال حسات بانها فاشلة ... رجعتو ليه
ليديا (بدلع) لا مانقدرش خلي مرة أخرى
راجل (رجع بجد شيك و كتب مبلغ اخر) مانقدرش ماتحضريش
ليديا (شافت مبلغ و ردات كانت 10 مليون أخرى) مانوعدكش نت و زهرك (دارت شافت في صوفيا) صوفي انا كنتسناك ماتعطليشي عليا
حركت ليها صوفيا راسها ... ناضت ليديا هزات شيكات دياولها و خرجت ... رسمت ابتسامة على وجها ... جلسة ماكملاش حتى 5 دقائق طلعت ليها ب 20 مليون ... طلعت لبيتها ... لبست صباط طالون و بوشيط دارت فيه شيكات و نزلت لتحت كتسنى صوفيا ... حتى جات عندها مبتاسمة
ليديا:أول حاجة غنمشيو بنك نحل كونط من بعد غنمشي نشيري تيلي و من بعد غنمشيو نشريو حوايج
صوفيا:سهرة
ليديا:اكيد غنمشي
بفعل هذ شي لي دارو خرجت ليديا و صوفيا مشاو بنك هو لول حلت ليديا كونط دارت فيه مبلغ و بقات كتسنى حتى عطوها كريدت كارط ... خرجو نيشان لمول شرات آخر ماكاين في تيلي
ليديا:خلصي
صوفيا:و فلوسك
ليديا:انا باقي ماعندي فلوسك ... ياك فلوس لي كنتحاسبو عليهم هما ديال سهرات
خلصت صوفيا بلما تزيد كلمة حيت عرفت أن ليديا أذكى منها ... خرجو من تما و كملو دوران في ليبوتيك خدات اي حاجة تحتاجها و صوفيا تخلص ... كملو مع 8 و حفل مع 10 ...
صوفيا:نمشيو صالون
ليديا:علاش
صوفيا:باش تقادي
ليديا:لا بلاش
مازدتش صوفيا كلمة ... وصلو دار ... دخلت ليديا و تبعوها خدمات بحوايج ... طلعت تسرحت فوق ناموسية ... كتقاد في تيلي حتى كملتو ... دخلت عليها صوفيا لقاتها متكية و كتلعب ... هنا تعصبت صوفيا حيت إلا مامشاتش لهذ سهرة غتخسر ليها ملاين
صوفيا (بعصبية) واش باغا تحمقيني حفل باقي ليه نص ساعة و نت و لا على بالك
ليديا (ببرود)خرجي و سدي باب
صوفيا:معاك كنهدر
ليديا:صوفيا خرجي
خرجت صوفيا معصبة و مفقوسة كتحلف على ليديا ... غير سدت صوفيا باب و نادت ليديا دخلت دوش ... دوشت بخف لبست بينوار بيض ... خرجت نشفت شعرها .... تقابلت مع مرايا كتقاد ,
وقفت ليديا قدام مرايا ... شافت في وجها مزيان ... مايحتاجشي لماكياج ... و لكن حيت سهرة ضروري ديرو ... كتفات بفوندوتان و ايلينر مع ماسكارا ... و عكر بوردو ... جمعت شعرها و خلات زغبات هابطين على وجها ... لبست كسوة زرقة قصيرة بحال ديال أميرات ... بما أنها سندريلا قررات تلعب هذ دور ... كملات طلتها بطالون و بوشيط بويض ... خرجت من بيتها نازلة كتمختر لقات صوفيا كتسنها بابتسامة فرحة و دهشة
صوفيا:تعطلنا دب 11 سهرة بدات قبايلة
ليديا:حتى انا هذ شي لي بغيت ... نت بززتي عليا نمشي أما انا كنت عيانة (ضارت شافت في صوفيا) تفاهمنا
صوفيا:اه تفاهمنا
خرجو في صمت لقاو شيفور كيتسناهم ... ركبو لور ... طريق كانت طولة حيت فيلا لي مديورة فيها سهرة بعيدة كانت بين طنجة و تطوان ... كانت أكبر و أروع من فيلا ديال صوفيا ... ماغنقولش گاع أعين كانو عليها لكن شوية بشوية كولشي نتابه ليها خصوصا أن كولشي سمع بسندريلا رغم أنها هذه اول سهرة ليها ... دخلت ليديا بلما تهتم بحتى واحد من حضور ... رغم ان أما كانو كبار دبلوماسيين مغاربة و أجانب ... وزراء ... رجال اعمال ... برلمانيين ... حفل طبقة برجوازية ... مشات ختارت طبلة بعيدة على كل و كتشوف فيهم كاملين ... وقفت بوحدها بلما تشوف في أي واحد ... جا عندها نادل خدات عصير لي ماشرباتوش ... ماهي حتى 2 دقايق باش وقفت ... جا عندها راجل ديال صباح
راجل:خفت لا متجيش
ليديا:ماكنتشي غنجي لكن صوفي طلباتني و انا مايعز علي نخصر خاطر صوفي
راجل:و خاطري انا
شافت فيه ليديا بملامح ممحية و باردة بلما تجاوب
راجل:ماتعرفناش
ليديا:نت كتعرفني انا لي مكنعرفكشي
راجل:انا حاج إبراهيم بينيس
ليديا:نتينا ماشي شمالي
راجل:لا انا أصلي فاسي
سكتات ليديا بلما تجاوب ... هزات عصير غير حطاتو على دقمها ماشرباتش ... حيت يقدر يكون شي واحد داير فيه شي حاجة
بينيس:علاش وقفتي هنا
ليديا:ماكيعجبونيشي قوت ناس
بينيس:نطلعو لبيت
ليديا (شافت في عينيه نيشان) و لكن انا سندريلا
بينيس:و حلاوتك بوحدها
ليديا:ماغنكونش بحال اي وحدة هنا
بينيس:كفاش
ليديا:كتعرف شهريار
بينيس:اه اكيد
ليديا:هذه ليلة غتكون بحال الف ليلة و ليلة
بينيس(بتساؤل)كفاش
ليديا:ياك شهرزاد كانت كتحكليه حكايات ... اوا نت سندريلا لي غتحكي ليك هذ لحكايات
بينيس:و 😉
ليديا:نت و زهرك 😉
بلما يهدر بينيس جر ليديا و طلعو لبيتو ... جناح ملكي ... جلست ليديا فوق ناموسية ... و مشا بينيس جلس حدها
ليديا:نبداو ...
كانت هذه اول ليلة ليديا مع شي واحد ...لكن ماكانتش بحال اي ليلة كتقديها اي بائعة هوى ... لا هذه ليلة من الف ليلة و ليلة ... ليديا كانت عندها قدرة تقنعك بأي حاجة هي بغات ... و هذ شي لي طرا مع بينيس بحكاياتها قدرت تقنعو أنه مايمارسش معها ... دازت ليلة في حكاية وحدة و بينيس متبع معها ... بوذنيه و عقلو ... ماكانتش كتحي حكايات من خيال ... لا كانو حكايات من واقع ... سلات ليلة مع أذان فجر ... لكن حكاية مازال مسلات و وصلات جزء مهم ... سكتات ليديا
بينيس:كملي اش طرأ من بعد مالقها
ليديا:قلت ليك غنعيشك دور شهريار و انا حد علمي مع أذان لفجر كانت ليلة كتسالي
بينيس:ماغتكمليش
ليديا:ليلة أخرى و نت و حب استطلاع عندك ...
بينيس(بنظرة ماكرة) دب شنو
ليديا(بدلع) دب غتنعس ترتاح و فكر اش طرأ مني لقها و انا غنمشي نعس
بينيس:نعسي هنا
ليديا (وقفت) ماكنرتاحشي في مودع من غير بيتي
ناض بينيس كتب ليها شيك بنفس مبلغ ديال صباح 20 مليون
بينيس:نشوفك في ليل
ليديا:منواعدكشي
باستو ليديا في خدو و خرجت ... لبيت لي دازت من حداه كتسمع أصوات تاوهات و توحيح ... خرجت من فيلا لقات شيفور ديال صوفيا كيتسنها ... ركبت و تكات كتفكر اش غيطرا من بعد واش ديما غيبقى هذ شي ساهل ... اكيد لا ... وصلت بلما تحس هذ لمرة بطريق ... دخلت بيتها ... متاجهة لدوش و كتحيد في حوايجها ... وقفت تحت رشاشة كتغسل و تفكر ... ليديا نقدرو نقولو هي لبنت لوحيدة لي عمرها تسائلة شكون واليدها ... او منين اصلها ... ماكانش كيهمها موضوع ... كيف هما ماهماتهمش واش حية او ميتة ... ناستهم و كملات حياتها ... صبحنا و صياح ملك لله حلت ليديا عينيها على صوفيا مقادة و مأنتكة ... وقفة ليها عند راسها
صوفيا:صباح خير
ليديا:اشنو جابك عندي على صباح
صوفيا:بغيت حقي
ليديا:شحال كيعطيوك بنات
صوفيا:25%
ليديا(ضحكة استهزاء) مع ليديا
صوفيا:عجبك مرحبا ماعجبكش لباب
ليديا:ماعجبنيش و نت تعرفي
صوفيا:15% هذا آخر دي
ليديا:حتى نصرف شيك
خرجت صوفيا مفقوصة ... أما ليديا دخلت دوش ... دوشت و خرجت نشفت شعرها لبست حوايجها و نزلت نفطر ... ليديا من نوع لي ماكيديرش ماكياج ... و حتى فاش كديرو كيكون خفيف ... داز نهارها عادي ... ليلة بحال اي ليلة كاينة سهرة ... غير ليوم سهرة غتكون في دار صوفيا ... تاصل بينيس بليديا
ليديا:الو
بينيس:حبيبة ماتوحشتينيش
ليديا:نت توحشتيني
بينيس:هذ شي علاش تاصلت بك غتجي ليوم
ليديا (بغنج) لا ليوم مامسالياش
بينيس:و انا مانقدرش نجي لحفلة لي غتكون عندكم
ليديا:مرة أخرى و نجي عندك بين ما فكرتي فشني طرا لعايلة
بينيس:غيكون مبلغ مدوبل
ليديا:انا مامسالياشي ليلة
بينيس:لي بغيتي
قطع بينيس و ناضت ليديا توجد راسها ... لفيلا عمرت بنات ... حيت فاش جات هي ما كانت حتى وحدة كاملين بقاو عند كليان ديالهم لي باتو عندو ... من تما مشاو سهرة ديال بينيس ... و ليوم جاو على قبل سهرة جديدة ... كولشي كيخنزر فيها ... حسد و غيرة ... ماشي غير على قبال جناح سندريلا ... حتى طريقة تعامل صوفيا معها و حتى ناس ... كولشي بغيها ... و كولشي كيسول عليها .... حتى سهرة ديال ليوم مديورة على قبال ليديا