سمعت ماء مطلوق عرفتو كيدوش ... مشات على طراف صبعها حتى مخدة ديالو رشا فيها من واحد ريحة ديالها قليل فين كديرها ... رشت في بيت شوية ... خرجت كتسلت دخلت لبيتها خباتها ... دوشت و لبست بيجامة خفيفة ... جمعت شعرها سفنجة بانو برسينغ لي دايرة في وذنها و نزلت لقات بسمة كتسناهم لعشا ... نزل جاد كيدور في عينيه ... جلس في رأس ديال طبلة كياكل و يشوف فيهم
جاد:احممم بسمة دخلتي عند بيت دب
بسمة:انا لا مادخلتش عندك ... علاش
جاد:خرجت من دوش و شميت ريحة ديال عيلات
بسمة:لا ناشئ انا غتكون شي وحدة من خدمات
جاد:يقدر ياله بونوي
طلع جاد لبيتو .... بقات غير بسمة و ليديا
بسمة (بشوية) واش نت حمقة علاش رشيتي ريحتك في بيتو
ليديا:سكتي اصلا ماشي ريحتي
بسمة:شغلك هذاك
ميقت فيها ليديا و طلعت بيتها نعست مرتاحة ... بحال ديما ... فاقت صباح قدات روتينها يومي ... نزلت تفطر كان غير جاد
ليديا:صباح خير
جاد:صياح نور ... فطري انا برة نوصلك
ليديا:اوكي
فطرت بزربة و مشات تبعتو ... قبل ماتخرج زادت رشت من ريحتها ... ياش ماتخليهش يشك فيها ... خرجت لقاتو كيتسنى في لوطو ديالو ركبت حدها و ساگ بلما يهضر ... حلت حلقة ديالها و طيحتها بلعاني باش تشوفها حبيبتو و دابز معها ... حيت ضروري ماغتكون عندو ... وصلها قدام شركة
جاد:مع 12 غنصيفط لم شيفور
ليديا:اوكي
طلعت كتغني و فرحانة بإنجاز لي دارت ... وصلت 12 لقات شيفور وصل ... مشات معاه لدار لقاتهم كاملين كاينين
ليديا:سلام
كل:و عليكم سلام
ليديا:ماما مابانتش لكم واحد حلقة ديالي
حاجة:كيدايرة
جاد:نت تبارك الله وذنيك كاملين حلقات ... دايرة ذهيبي في وذنيك
شافت فيه ليديا و ماجوبتوش ... بسمة كتشوف فيها و تغمز ... حيت غير لبارح لي بينات بيرسينغ و هي دائما كتكون طالقة شعرها ... جبدت ليها ليديا حلقة أخرى ورتاها ليها
حاجة:لا و لكن هاريها ليا حتى نسول لبنات
ليديا:اوكي ... جاد نت ماشفتيهاش كون زعما طيحتها في لوطو ديالك
جاد:لا ماشفتهاش
شافت فيه ليديا ... و دارت عند بسمة غمزتها
بسمة:ليديا اجي نقول لك
ناضو بزوج خرجو جردة
ليديا:شني
بسمة:اش قضية حلقات و باغفان ديال بارح
ليديا:حلقة طيحتها عندو في لوطو بلعاني و دب قال ليا ماشفهاش
بسمة:زعما يكون بصح ماشفهاش
ليديا:ماكنضونش
بسمة:هو كيخلي لوطو ديالو محلولة اجي نقلبو فيها ...
خرجو من جردة لبلاصة فين كيحطو لوطو ديالهم ... مشاو لوطو ديال جاد ... دابزو معها مابغاتش تحل ليهم
بسمة:مامولفاش ليه يسدها
ليديا:صافي ياله من بعد و نقلبو
رجعو دخلو لدار ... ليديا طلعت بيتها بدلت حيت مارتاحتش في هذوك حوايج ... لبست كسوة قصيرة و جمعت شعرها ... دارت ماكياج تقيل شوية ... نزلت لقاتهم جلسو في سفرة
بسمة:واو نت بلاماكياج و كتباني قرطاسة دب واو
ليديا:عويناتك لي مزيونين
جاد:فين غدا بسلامة
ليديا:خدمة
جاد:انا بعدا يسحاب ليا غير واش غدا لعرس
ليديا:علاش كيكونو عراس في بداية ديال لاسومين
خنزر فيها جاد و حضر راسو كياكل ... دارت شافت في بسمة لقتها هي و حاجة حابسين ضحكة غير بزز ...
ليديا:بسلامة تعطلت على خدمة
بسمة:حتى تجي لدار و نخرجو و لا نجي عندك خدمة
ليديا:جي عندي خدمة
حاجة:و حضي رأسك
ليديا:كوني هانية 😉
جاد:الله يعاون
حاجة:حتى نت غادي
جاد:حتى انا تعطلت على خدمة
حاجة:الله يسهل عليك
خرج جاد هو لول و ليديا بقات غير كتشوف فيه ... غريب في تصروفاتو ... ماشاد حتى طريق
حاجة: تكايسي على ولدي بقاي تفقصي ليا فيه
ليديا:فين قريت ليه
خرجت حتى هب تبعتو لقاتو باقي واقف حدا لوطو ديالو
جاد:شوفي نت آخر مرة لقاك لابسة بحال هذ لبس
ليديا:بصفتك شكون تحكم فيا
جاد:جالسة عندي
ليديا:اول حاجة انا جالسة عند حاجة تانيا و أهم انا ماكنتشي باغة نبقى عندكم و لكن حاجة رغبتني و انا مايمكنشي ليا نرفض طلبها
جاد:بقاي تعوجي عليا جوج كلمات قتلهم دخليهم رأسك
ليديا:و لا مادخلتهمشي
جاد:هذيك ساعة تشوفي وجهي ثاني
ركب لوطو ديالو و خلاها مصدومة في هذ كائن بشري لي قابلتها ... بقات غير كتشوف و تحلف عليه ... مشات حتى هي لوطو ديالها ... غدا لشركة و كتفكر اش دير معاه ... گاع تحريميات لي كانت مخبياهم لدواير زمان جبدتهم و مازال مالقات دقة قاضية ...طلعت بيرو ديالها لقات أيوب و لمياء خدامين كيتباوسي ... هي رجع عندها خذاك شي عادي بحكم كانت كتشوف كثر من بوسان ... دخلت جلست في بيروها بحال إلا حتى حاجة ماطريا أما أيوب و لمياء غير كيدورو في عينيهم
ليديا:إلا كملتو نبداو خدمتنا
لمياء:ماتفهميش غلاط حنا...
قاطعتها ليديا:انا ماشي سوقي هذاك شي بعيد عليا
أيوب:ياله نبداو ....
دوزو عشية في خدمة ... وصل وقت لخروح هزت ليديا ساكها و خرجت ... تلقات في باركينغ نعمان ... حتى هو خارج
نعمان:اش هذ جمال
ليديا:زعما اول مرة نجيك زوينة
نعمان:لا نت ديما زوينة غير ليوم فيك شي حاجة زايدة
ليديا:هي من ناحية زوينة هذ حاجة متفق عليها دوليا أما شنو زايد غير ماكياج
نعمان:الهم زدنا تواضعنا
بسمة:باركة ماتعنب على لبنت
نعمان:بسم الله رحمان رحيم منين خرجتي
بسمة:لوطو ديالي كانت حدى ديالك غير نت لي ماشفتيهاش
نعمان:لي يشوف هذ جمال باقي تلبان ليه شي لوطو
بسمة:باز يا خويا امتى غدير عقلك شحال نسوانجي
نعمان:بلما تبقاي تخصري ليا دواصا
بسمة:نت اصلا دوصاك دودو
نعمان:فين غادين
بسمة:عند جاد
ليديا:علاش
بسمة:هو تاصل بيا قبايلة قالي نجيو عندو و يخرجنا
ليديا:اوكي
نعمان:هي نمشي معاكم
ليديا:مرحبا ياله
نعمان:ياله ركبو
بسمة:و لواطا ديالنا
نعمان:غنقول شيفور يوصلهم لكم دار
بسمة:اوكي
ركبو كاملين لوطو ديال نعمان غادين في ضحك ... نعمان ضحوكي بزاف وخ مدير شركة معروفة ... و زوين و واعي لاباس عليه ... لكن متواضع و باغي غير يضحك و يعيش لافي ... وصلو اوطيل ديال جاد ... طالعو مجموعين عندو لبيرو ... ضحكهم وصل حتى عندو ... نعمان من نوع لي زهواني كيعجبو زين و بنات ... داز من حدا لاسيسطونت ديال جاد حتى هي واحد مقزبة ... جر ليها حنكها
نعمان:زين فين غبورك
دخلو لبيرو عند جاد بلما يتسنها تجاوبو ...
ليديا:نتينا والله حميمق
نعمان:اح على هذ نتينا عندكم
جاد:نعمان تفرق على بنت ... زعما صاحبك غادي و يوصي عليها
نعمان:و ناوي حلال
جاد:جلس جلس ... و نتوما غتبقاو واقفين
مشاو كل واحد جلس في بلاصة ... ليديا بلعاني مشات جلست حدا نعمان ... كتهز راسها في جاد كتلقاه كيخنزر فيها
جاد:حضري هذيك كسوة
ليديا:ندير ليها لاستيك و نجرها
جاد:نت اش داك تلبسيها
ياله بغات تجاوبو بدأ فون ديالها كيصوني ... كان ليت ... ناضت من حداهم تجاوب
ليديا:شني بغيتي نتينا عاود
ليت:فينك نت دب
ليديا:في جهنم حمرا
ليت:ماتخفيش راك غتمشي ليها
ليديا:يعطيك موت
قطعت عليه و رجعت لقات جاد جلس في بلاصتها ... مشات هي جليت حدا بسمة
جاد:شكون تاصل بيك ...
ليديا:نتينا فيك أسئلة بزاف
جاد:من حقي انا مسؤول عليك
ليديا:شني انا مسؤولة على رأسي
جاد:كنت مسؤولة على رأسك أما دب فاش تعرفتي عليا و على ايمن و فاش رجعتي كتقولي لواليدة ماما نساي ايمات كنت ديال رأسك ... دب ديري شي حاجة خارجة طريقة و لا بلا علمي رجليك نحيدهم لك من بلاصتهم
ليديا:شني نتينا مزال مامتعرفني مزيان ماشي ليديا لي كتهدد
جاد:انا ماهددتكش غير قلت لك اش كاين
نعمان:صافي نتوما مالكم ...
ليديا:اوووف
جاد:ماتأفأفيش عليا
ناضت ليديا مفقوصة هزت ساكها و شافت في بسمة
ليديا:بسمة نزلو لصبا
بسمة:اه ياله
خرجو من بيرو بسمة فيها ضحكة و شدها حيت كتشوف في ليديا مفقوصة و معصبة غير مع راسها
ليديا:غير ضحكي
بدأت بسمة كضحك بدموع ... كانت كتسنى غير ليديا تعطيها بيغميسيو ... ليديا غير مخنزرة ... نزلو صبا ... مشاو حيدو حيوايجهم و لبسو بينورات بويض قصار ... كل وحدة تكات في سرير ديال مساج ... بداو ليهم لبنات ... مع ريحة زيوت و عنبر و أجواء ديال سبأ ... ترخاو بدات كتطلعهوم نشوة ... بقاو تما حتى حسو براسهم ترخاو مزيان ... ناضو صونا و من بعد دوشو ... جابو ليهم حوايج آخرين حطاهم بسمة في اوطيل باش مني تجي صبا تلقى باش تبدل
ليديا:الله على راحة
بسمة:اوووف حسيت بعضامي خفافو
ليديا:ايمن من قبايلة و هو كيتاصل بيا
بسمة:رجعي تاصلي به
ليديا:هذ شي لي غندير
هزت ليديا تيليفونها كتاصل بايمن ... لكن ماكايجاوبش
ليديا:ماكيجاوبشي
بسمة:صافي اجي نرجعو عند دراري نسولوهم
طلعو عند نعمان و جاد ... لقاوهم مناقشين على خدمة ... دخلو كل وحدة جلست في قنت و كيدورو في عينيهم
ليديا:ماتصلش بكم ايمن
نعمان:لا علاش
ليديا:تاصل بيا قبايلة و ماحوبتوش و فاش رجعت تاصلت به ماكيجاوبش
نعمان:غيكون مشفول
ليديا:مامولفاش ليه وخ يكون في ميتينغ كيجاوبني
جاد:ماتشغليش بالك شوية و يتاصل بك
بسمة:ياله نخرجو
نعمان:قنطت انا بعدا ... حتى نتوما مشيتو و خليتوني
بسمة:كان معاك جاد
نعمان:مني خرجتو و هو خدمة خدمة ...
بسمة:زيد زيد
ناضو كاملين خرجو كيدورو ... لكن ليديا بالها كامل مع ايمن علاش ماكيجاوبش ... جلسو في واحد مطعم كيتعشاو حتى بدأ فون ديال ليديا كيصوني ... هزت بزربة و في ساع تقلبو ملامح وجها ..
أنت تقرأ
السندريلا العذراء
Romanceجبت ليكم قصة غير قصص لي قريتو.... قصة حقيقيه 100 % من غير اسماء لي مبادلين اكييد كاملين قرينا قصة سيندريلا وعرفين انها خيالية .... انا جبت ليكم قصة سندريلا مغربية .... قصة قمة في روعة كنصحكم تقروها 💖💖 💖 قصة للكتابة : kawtar_Milali 💖
