بنت الريف وابن الشام

الجزء5

#بنت_الريف_وابن_الشام

nada hs
الجزء الخامس
ذيج الليله ولانمت منا ضيم فخريه ومنا ضيم جمال.. ظليت اتكلب لوجه الصبح وتوني غافيه جفتت(دخلت) علينه امي يله كومن اليوم عمتجن مديحه جايه..
يبووو عمتي مديحه هاي غضب.. مايعجبهه العجب ومن تزوجت بالمدينه شافت روحهه ونست وين جانت عايشه .. تظل اتمعير علينه وتتأمر انه اطك روحي منهه.. واجت مديحه وعد ابوي ماكو معزتهه يباوع لحلكهه شتحجي.. وكلمره تجينه لازم امي وابوي يتعاركون.. جيتهه مثل ابليس عاد منا عدنه فاتن شلون بينه..
كعدن مديحه بس تبسمر بأمي جي مضيفين فاتن ومن تكعد يم فاتن تتلوك الها.. عجيبه هل مره مدري شبيهه.. nada hs

جمال
البارحه شفت سروه طالعه مثل الحرامي وتمشي ع اطراف الاصابع.. بداخلي فكرت انها مواعده او عندها حبيب وظليت وراها لحد ماوصلت الشط كانت ادور ع شي بالارض والدنيا ظلمه عثرت ولزمتها وكانت فرصه اني اقربها الي.. حضنتها وهمست الها حتى لتخاف.. كانت تجي نسمات هوى وريحه شعرها مثل الغجر .. قرنفل ع بخور ع مسك هيج شغلات .. سحرتني هل ريحه وجسمها الصغير تمنيت اقرب اكثر وابوسها بس هي فلتت حالها وحجت كلام ضوجتني .. اضطرتني اهددها واستفزها اكثر وطلبت اشوفها مره ثانيه وبنفس الوقت والمكان
مااعرف شلون لساني نطقهت وطلبت منها هيج شي.. بس كنت مال كثير ومحتاج شي وحده تكون جنبي.. لاني مو متعود ظل هيج فتره بدون مرا.. بسوريا كنت اروح لصديقات الي وبريح نفسي وياهن...
صار الليل ومااعرف ليش قلبي صار ينبض سريع وكأن اول مره مواعد شي وحده.. تملصت من الحاضرين وتحججت بالتدخين وخاصه ابو هادي يسعل كثير.. رحت ع نفس المكان وظليت رايح جاي منتظر هل فصعونه..تأخرت حيل بس بقيت منتظر واجاني واحد من اخوتها كال تعال نام ماتعبت كلتله لا شوي واجي .. كنت حاس انها راح تجي..

ساره
صار الليل وگلبي كام يرجف وظليت احجي ع روحي واكول يطبج مرض هيج وصلتي روحج داكليها ياثوله.. وصلت بيه ردت احجي لسليمه بلكت تلكالي حل .. بعدين خفت كلت عليش اسوي طلايب اروح واحلهه بروحي .. خليت امي نامت وسليمه هم راحت للغرفة انه كتلها روحي نامي راح انخل الطحينه لامي واكف الهوسه... راحت سليمه وتأكدت منهه نامت وطلعت وبكلبي ميته من الخوف شيوصلني للشط وصارت المسافه جنهه سنه..
وصلت وشفت خياله..nada hs
جمال:واخيرا اجيتي؟
-ماكدرت اطلع ..شتريد احجي؟
جمال:تعالي نتمشى ونحجي..
-اريد ارجع انام ماعدي وكت احجي بسرعه..
جمال:سااااااره!
بقه يمشي وانه وراه وصار يسألني اسأله غريبه .. هم حبيتي ؟ هم طلعتي ويه واحد قبل؟ هم لمسج احد ؟
-انته ماتستحي كلش! اروح ارجع احسلي ! وشوف اذا تدنه صوبي والله اروح لابوي ولامك واكلهم عليك!
جمال:لا والله! كثير خوفتيني! طيب شنو رأيج اكول اني شفتك ويا واحد وانتي حاولتي تتهميني لتخلصي الي جنتي ويا؟
-هاا لا الله عليك لا تشوه سمعتي! يذبحني ابوي والله!
جمال:طيب.. ظلي شوي بعد وروحي..
جر ايدي ونزلني حته اكعد بصفه .. كعدت وكلت..
-انته شتريد مني ! ماتخاف احد يشوفك وياي؟
جمال بهمس: اريدج انتي.. مااسيطر ع حالي من اشوفك..
دنكت وكبيت نار صخنت..
جمال:سروه! ياسروه! شو سويتيلي انتي؟
-مثل ماسويت انته بيه..
جمال:يعني انتي بتحبيني مثل مااحبك؟
كلش جمدت بمكاني من سمعته.. منين عرف وشلون!
جمال:ساره! جاوبي؟ الحب مو حرام! الحرام انك تخفي هل شي وتظلين حارمه حالج وحبيبج..
ساره جاوبي الله خليك ريحي قلبي وقلبج من هل حمل!
-اي..
جمال:شنو اي؟
-اح.. بعدين لطمت حلكي وكمت اريد اروح شو هذا طفر من مكانه ولزمني ..
جمال:ساره لاتروحين.. كوليها قبل ماتروحي..
-عوفني .. امي هسه تكعد وماتلكاني!
شبگني حيل واختنكت بين ادي وباسني من حلكي شلعه شلع ونزل ع ركبتي عضاني وظل مدنك عليه ويبوس .. وانه رايحه مااكدر احرك روحي من يمه..
جمال:روحي ساره قبل مايصير شي .. اركضي بسرعه للبيت يله
ركضت ومااحس شلون وصلتني رجليه .. لكيت شذى تفتر بالحوش وانصدمت من شافتني..
شذى:وين كنتي وشوصايرلك؟
-هاا رحت اشوف فخريه.. الدجاجه يعني..
شذى:هاا .. حبيبتي فيكي تجيبيلي مي؟
-اي هسه..
وصلت للمطبخ اخذت نفس صبيتلها ماي واخذته ..
شذى:ايدك ترجف؟ شو صاير؟
-ماكو شي.. يله راح انام.. تصبحين ع خير..
شذى:وانتي من اهلو..

جمال
اوف ياليل العشق.. هههه شنو سوت بيه هل سروه مااعرف.. اجت والصراحه كنت ناوي اعمل وياها مثل مااعمل ويه صديقاتي الي بسوريا.. بس قلبي ماطاوعني .. كانت صغيره وبريئه ..حسيت اني اول شخص يلمسها وكنت بحاجه لهيج وحده.. كل الي اتقرب الهن قبل ميصير بيهن مثل سروه.. سروه ذابت بأيدي ومكدرت تتحرك ولاتقاوم بالرغم انها جريئه ولسانها طويل .. كنت اتمنى تبقى طول الليل بس خفت عليها من حالي وطلبت منها تتركني وتروح بأسرع ماعندها..
بعد ماراحت تركتني جحيم يغلي .. نزلت ع المي وريحت حالي شوي..لبست ملابسي ورحت ع (الديوان) شفت ابوها نايم حسيت بالذنب من شفته.. خليت راسي ع الوساده وعيونها ماتفارقني ..

ساره
يمه گلبي.. جنت اسمع يكولون فلان عاشك وفلانه عاشكه وجنهم مثل المسوين عيب.. عرفت شني العشك.. ثاري كله عيب🙊
لا والمصيبه مايخلي الواحد ينام.. يظل الليل كله يتكلب محد يدري بعلته ووجعته وين..🙁
كوه نمت وهم كعدتنه امي وي طگه البريج.. كوه شايله روحي واشتغل.. بس من وصلت لباب الحوش لجحت جمال يدخن باوعلي وضحك انه كبل عفت مكناستي وطبيت.. ههههه هي ثول جا المكناسه المن عفتيها!🙌🏻 nada hs
مرن يوم وره الاخر ومن ذيج الليله بعد ما شفت جمال اله من بعيد لبعيد ومره بيهن امي لكفتني ورزلتني .. جا لوتدرين يا يمه الي بينه انه وياه.. واجه اليوم اليرحون بي وشذى مكيفه وفاتنه هم مكيفه بس مارادت تبين النه حته ماتحسسنه عود.. بس نهى كلش ضاجت ودمعت عيونهه من جنت الم بملابسهن ع الحبل..
هل حجي شني مااخذن حصتهن لان عمي مادبر فلوسه وكالن نروح وهي مو يم غربه وشوكت مايكمل فلوسه يوديهن ع راحته..
اوف يروحتهم تشلع الكلب.. بالليل ظلينه كاعدين كلنه سوه وتعللنه وامي طلعت قطعه قماش عدهه جايتهه من السعوديه من الحج وجانت شمعزهه عد امي بس ماغلت ع فاتنه..
وعمامي وابوي كل واحد منهم وداله شغله للبنات.. ترسنه حنطهن ترس.. وسمعت ابوي سولف لامي يكلها اطيت غتره وعكال وعباه لجمال وظل يمدح بي يستاهل وخوش ولد ويحبنه مثل اهله...
ردتلي بس فرصه اشوف جمال.. ومالكيت غير هم اطلع تالي الليل اشوفه..
يتبع..

شنو رأيكم بسروه☺️؟؟