مر اسبوع على زواجنا كل يوم يطلع الصبح ويرجع ب2اكون نايمه عالمندر ضجت طكت روحي صرنا اني واروى صديقات امه كاضيتها قران وصلاه اروى ذهب وعادل يموت عليها يجي الضهر وبس يتغزل وكلسا حاصرها لو وره باب وحاضنها لو بالطبخ وره الثلاجه اني كلش احب علاقتهم وعدي امل فيصل يصير هيج مااعرف شنو بي بس ساكته اني هادئه كلش مادير بال اغلس واعدي يوميه اكول هو يجي من وحده
فيصل- اسبوع مر هي متكسر حجايه واني اتريك واطلع وابقى وي جماعتي سوالف وضحك بالكهوه لل2يله ارجع الكاها نايمه الف راسي وانام
اروى- دكيت الباب عليها جانت عصريه
سفانا- تفضل
اروى- ها اي اني افوت
سفانا- طبعا تعاي ابتسمت
اروى- شكو ماكو تره ضوجه تطلعين ويايه
سفانا- وين نروح
اروى- نفتر بالسوك اريد اشتري شغلات شوي اخبله عادل خاف هو عاقل
سفانا- ههههه الله يحفضكم وانشاء الله يحبج بعد والله نياله عليج
اروى- انتي هم نيال فيصل عليج ولو هو مشايف منج شي
سفانا- نصيت شون يعني
اروى- لج بابا الرجال يحب المايعه تموعي خرب كتلتيني
سفانا- دعلميني حضي واني اكول ماله نفس بيه
اروى- امدايه اي والله امدايه باعي من يجي----
لا ياالله هاي وين تنامين بالكع
سفانا- اي
اروى- ليش يابه مو مرته والشقه من حق الزوجه يريد هو ينام بالكع موانتي
سفانا- هو ااميصيح اووي شمدريني
اروى- لعد سمعي وسكتي
سفانا-اسمع
اروى- عدج سيت نوم خاله جابته بالجهاز مخيله عليه يخبل
سفانا- اخذي هاج حرامات بعده ممدشن
اروى- لج انجبي بابا هذا مال عرسج هسه اشتري منه قطيته لعادل كلي بشرط داريني بليل
المهم لبسي يخبل يطلع عليج وانتي مربربه مو مثلي مسطره
سفانا- منيلج مسطره لج يخبل جسمج
اروى- اي صبغي بعد المهم لبسي وسشوري شعرج وهسه نطلع نشتري عطر يجنن تخلي يلطش بيج ورحمه للحمزه نامي عالجربايه وادعيلي هههه
سفانا- اوكي بس ميخالف تعلميني اسشور
اروى- بسيطه هاي يله خل نطلع
سفانا- خل اخابره اكوله
اروى- فضيه لابويه
سفانا- دكيت علي ولاول مره من يوم العرفته ادك عليه خازنه رقمه بس منضر وره 4دكات يله رد
الو بزمجره وصوت خشن
االو هلو فيصل اني سفانا
ادري لعد قابل ام اللبن مو رقمج طلع رايده شي
اا باوع حطلع وي اروى للسوك
لا ماكو يله روحي عدي شغل
اوك باي
سفانا- ايييييي شمرت التلفون ميقبل ميقبل هذا حماج فد حقنه تكه ماكو
اروى- هذا ليش هيج شو متغير هسه اشوف عادل يمه
الو عدوله حبيبي فيصل يمك اي كوله حاخذ سفانا ونروح للسوك
يكول خلتروح
سفانا- الا هو يكولي يله اطلع
اروى- ااهوو هاجيا حاجي
فيصل- الو ها يله روحي
سفانا- شكرا
فيصل- تردين فلوس اخذي من اروى من اجي انطيج
سفانا- اا لا عدي
فيصل- الله وياج
سفانا- سديت التلفون صافنه شو هذا يختلف من يحجي كدامهم يله المهم كللي
اروى- يله معوده حتاخذين خيره لبسي الصايه الجابتها خاله تخبل عليج
سفانا- حاضر لبست ورحت للسوك وفسدتني اشتريت شغلات بحياتي مشايفتها ولج هذا مشكك شون حلبسه جسمي كله يطلع مشكك
اروى _ عادي تره هو مثل رجلج لبسيها لج بابا موتي خبلي جيبي للدرب
اصلا اني شاكه بي ماخذج
سفانا- باوعت لاروى ونصيت
اروى- لج اخذج لولا عزه بس لا عاطل يمعوده بشريني شكله مصخم وجهنه صار اسبوع
سفانا- لا لج خرب اخذني اخذني
اروى-وبعد ملزمج خاف---- باعي خل احاجيج
خل نكعد نشرب عصير
باعي سفانا اني خوات ماعدي بس شحوله اخوه
انتي اختي الحجي الراح احجي مو داااذيج داانصحج اريد مصلحتج
باعي فيصل جان يحب وحده ماتت يمكن هالشي اثر عليه
فانتي جذبي باسلوبج ولو انتي حبابه وطيوبه حتى اني يعجبني ابوسج هههه لا لج دااشاقه
بس انتي جذبي لبسي تدلعي اتشلحي يبت الناس اتشخلعي يعني خالتي تلبس مشلح اكثر منج لازكتلي بالكلبيه البيضه افتهمنا انتي عروس افتهمنااا
سفانا- اروى خرب ببليسج اخ بطني خربتيني ضحك
اروى- يله تعاي نشتري تنوره قصيره وبدي ابو الصره وحذاء مشبك هسه يوكع اليوم نرجع اسشورلج وامكيجج وتلبسين السيت الاسود المخيله عليه افتهمتي
سفانا- اوكي امرج باوعتها اروى حبابه ابقي هيج ويايه لتتغيرين
اروى- وليش اتغير تره اني شقاجيه للاخير
تحمليني
سفانا- انتي الونسه مالتي ببيتكم دك تلفوني
الو ها ننوسه منو ابن حماج صف سادس علمي خاف وجلي ميقبل اساله وتدللين لا ورده مصطفى باجر اردلج خبر
اروى- شنو تدرسيه
سفانا- اي خطيه يتيم ويخجل يختلط طلع 70ديخلوله مدرس رايد مليون ماعدهم الامكانيه كلتلي درسي كسبي اجر بي بلكن فيصل يقبل
اروى- لا هسه يقبل
سفانا- انشاء الله
اروى-يله كومي نكمل مسواك
سفانا- يله كومي كملنا كلشي ورجعنا سشورت شعري ومكيجتني كلش حبيت روحي لزكتلي وشم نهايه ضهري وضهري ابيض طلع يخبل
اسم فيصل
فيصل- صرت نار من حرجتني كدام اخويه تحلفتلها رجعت ب11 للبيت
دخلت الغرفه العطر يسطر تعجبت معلوك بس التيبل لامب
باوعت عالمندر موموجوده وينها هاي سفانا صحت بعصبيه
سفانا- نعم
فيصل- باوعت عالجربايه نايمه عالجربايه علكت الضوه شونايمه هنا قطبت حاجبي
سفانا- ضهري يوجعني
فيصل- ها نزعت ولبست بالهول هدوم البيت رجعت لكيتها تعدل بالفراش من شفتهامااعرف شصار بيه شعرها مي نازل ولابسه سيت اسود ستن قصير وجسمها ابيض ثلج ومكياج ناعم طالعه كلش حلوه يابه روحي ذابت واثارتني ضليت اباوع تنهدت تقربت منها
وين وليتي اليوم اباوع بعينها تخبل طالعه
سفانا- نضراته تخوف رحت وي اروى مو كتلك
وانت قبلت
فيصل- تقربت جريت شعرها ريحتها موتتني انتي موخابرتي عليه وكتلج لااااا صيحت
سفانا- نصيت خفت منه اي صح همست
فيصل- بعد شكوووو تحرجيني كدام اهلي باعي لج كدام اهلي تبينين احنا طبيعيين وبيناتنا اني براحتي ماريد تضغطين عليه فهمتييي هزيتها قوي من ايدها انفتح الروب من هزيتها ضليت اباوع منيلج هالعطر وعيوني على صدرها ورجلها
سفانا- مغمضه عيني متاذايه من ايده اشتريته وي اروى
فيصل - امشي من وجي همست
مشت كدامي اباوع على جسمها رجفت حسيت باثاره طلعت من الغرفه ونزلت جوه جان الكل نايم انتضرتها تنام ماريد اتقرب منها
بقيت كاعد بالهول لل2
سفانا- انقهرت ضليت صافنه يابه والله من جان بابو غريب يمنا مو هيج هذا شبي شغيره
ضليت كاعده اكلب بالتلفون نزعت الروب وبقيت الضوه مشتغل بقيت اكلب بالفيس التهيت سمعت صوت مشيته صعد كعدت عدل ردت البس الروب بس لا بلكن اعجبه وينسى حبيبته خطيه متت خجل من فات
فيصل- خرب بعدها كاعده ناويه نيه عليه طفيت الضوه
طفي الضوه اليمج باوعت لتلفونها اكو وحده متزوجه تفيس بهالوكت شيكولون عليج الاصدقاء المشتركين ذبي يللله صحت
سفانا- اي هسه عفيه لتصيح همست
فيصل- شنو بله التفتت عليه وتورطت شنو تعلميني انتي اباوع لصدرها بدون ماحس على روحي
سفانا- بداخلي عيونه طبت بكل جسمي ويرزل شنو هالتناقض
ضل يباوع وينتر بقه عينه باوع شويه ودار وجهه كمت كدام المرايه شلت شعري ومسحت مكياجي
فيصل- اسوي روحي نايم واني اباوع على افخاذها متروسه وثلج دخت
سفانا- وراها رحت للثلاجه شربت مي وتقربت للجربايه دااريد انام
فيصل- حتنامين هنا
سفانا- اي همست ضهري يوجعني يحاجيني وميباوع عليه شفته سكت فتت للفراش ونمت بقيت اباوع على وجهه مخلي ايده على عينه ونايم زين هو اذا مكدر ينسى حبها ليش تزوجني يمكن احساسه انه ديرد الجميل مااعرف شبي يمكن حس روحه ديخونها ماكو غير شي الا اذا هيج
فيصل- كعدت الصبح اني جار اللحاف كله وهي متكشفه ومقرفصه ونايمه جسمها كوله طالع ملابس النوم تكشف ضهرها واشمه على ضهرها خرب بس لا داكه هاي شوكت تقربت اشوف دك طلع لزكه جسمها يلمع ركبتها مرمر غطيتها تقربت شميت ريحتها اويلي تقربت ردت المس بشره جسمها فزت ركض نمت عدل كاني مو يمها
سفانا- خطيه جاره اللحاف منه ومكشفته شكد عيب غطيته وكمت فتت للحمام
فيصل- ههه خرب بالحظ عبالها مكشفتني متدري افتر 360درجه بالفراش محد ياخذ اللحاف مني
فاتت للحمام وره شوي لبست كلبيتها وتقربت مني تكعدني
سفانا- همست لمست شعره فيصل فيصل بقيت اتلمس بشعره ولحيته ابتسمت تذكرت من زين شعره كله
فيصل- سويت روحي نايم متمتع بلمسه ايدها
