السحر السفلي

الجزء الثاني،،السحر السفلي

#السحر_السفلي

بقلمي #ميديا_الفهد

#قصص_من_حياتناM& T

البارت الثاني

وسن.. الووو، رسل موجودة،

رسل.. اي موجوده انتي منو؟

وسن .. اني صديقتها شمس

رسل .. لا انتي مو شمس واني رسل ،انتي منو

حسين.. رسل الله عليج لاتسدي اني حسين، وهاي اختي جانت تحجي وياج،

رسل.. ماعرف شصار بيه كلش فرحت ، كلتله
انت منين جبت رقمي وشلون عرفت اسمي

حسين.. صديقتج شمس انطتنياه اليوم ،

رسل.. حسابج بعدين شمس.. ، وهسه انت شتريد مني ؟

حسين.. بالعكس اني اشكرها لصديقتج لان ساعدتني اوصلج ، والله حبيتج من اول يوم شفتج انطيني فرصه اثبتلج كلامي ، وما راح تندمين صدكيني،

رسل.. مااعرف شكولك ، وهذني خواتي اثنينهن لازكات ع السماعه بلكوه احجي واسمع حسين،
كلتله بشرط انت لاتخابر لان اخاف من اهلي ،

حسين.. من قبلت فرحت، وكلتلها اي حاضر تدللين بس مو متخابرين

رسل.. طبعا لعبت طوبه بشمس لان هيج سوت ،

تسريع الاحداث....#قصص_من_حياتناM& T

حسين.. مرت 3 اشهر ع علاقتنا طبعا صارت بيها طلعات بس يم المعهد كمت صدك احبها وتعلقت بيها ،ومرات اخذ سيارة ابويه كراون بيضة ونروح للكورنيش ،

رسل.. اتعلقت بحسين بشكل مو طبيعي يوميه نتخابر وخواتي يلزمن دوريات بالبيت خاف يصير شي او احد من اخوتي يجي ينبهني ،

عشت ويه حسين احلى ايام حياتي صح كم شهر علاقتنا بس عبالك اعرف حسين من سنين ،عرف شلون يخليني احبه بأسلوبه وطريقة اهتمامه بيه ،
ومرات نتزاعل بس بنفس اليوم نتصالح واغلب مشاكلنه انو حسين يريد نطلع ونفتر بالسيارة واني اخاف لا احد يشوفني وياه ، بس شسوي كمت احبه وماكدر ع زعله وافقت نطلع بس اموت من الخوف بالبداية جنت اخذ وحده من صديقاتي وبعدين لا كمت اطلع وياه وحدي بس بحياته مجاوز او سوه شي غلط يعني نسولف ونفتر بالسيارة ، بقلمي ميديا الفهد

حسين.. مليت كل ما نطلع ضل تاكل راسي حته منسولف مثل البشر ، اجتي فكرة براسي وطرحتها ع رسل وقنعتها بيها

حسين.. رسل والله مليت من خوفج والرجف مالتج كل مانطلع يعني وتاليتها شلون؟

رسل.. والله مو بيدي غير اذا اهلي عرفوا يذبحوني ع القبله

حسين.. زين عندي اقتراح شنو رأيج تكوليلهم الخط مالتي عطل او بطل واني اصير الخط مالتج ، وعود اني اخو وحده من صديقاتج واوديج وارجعج ،