#السحر_السفلي
بقلمي #ميديا_الفهد
قصص من حياتنا M&T
البارت الرابع
رسل.. ساعه كامله اعيط وحدي اختنكت واضرب بالباب واحس شي حار نزل مني، باوعت ع نفسي هذا دم راسا فقدت،
من كعدت لكيت نفسي بالهول يمكن دقايق قليله فقدت الوعي ، ودوني للمستشفى، الحمد لله الطفل مابي شي انطوني مثبتات ولازم انام ع ظهري ،
حسين.. اجيت للبيت امي وابويه ماكو صح ع رسل ، وسن كالتلي نزفت ودوها للمستشفى ، اتخبلت اريد اندل طريقي ماعرف شصار بيه
وصلت للمستشفى ومثل المخبل افتر بالطوارئ ادور عليهم ، شفت ابويه واكف بره ركضت عليه ،
هااا يابة شبيها رسل والطفل ؟
ابو حسين.. يابة مابيهم شي الحمد لله بس يمكن زلكت بالحمام ووكعت ، خواتكم سمعوا طبه قويه وفتحوا الباب لكوها غركانه بدمها
رسل.. اجة حسين حضنته وكمت ابجي كلتله انحبست بالحمام واعيط ومحد يجي يفتحلي الباب ، راسا نطت امه
ام حسين.. ولج وين عيطتي كلنه بالبيت وماسمعناج
حسين.. حبيبتي ارتاحي هسه مو زين عليج لاتنفعلين
رسل.. من حجت هيج امه عرفت هنه الي حبسني ويسمعني اعيط وميفتحن الباب حسبي الله ونعم الوكيل، سكتت رجعت للبيت بقيت بالهول سولف الحسين بس ماصدكني ، يتهيئلج حبيبتي، هذا جان جوابه ،
بقيت شهرين انام جوة غرفتي مصاعدتلها ومختنكه الليل كله ارق ومانام حسين ينام فوك اتوسل بي انزل نام يمي يكولي متعلم ع فراشي ماكدر ، اريد اصعد اني تتخبل خالتي يصير بيج شي وطرحين وخلتني مربوطه جوة وحدي
يصير الليل واسمع اصوات اكوم ارجف ، اسمع واحد يحجي بالمطبخ اطب للمطبخ ماكو احد ، ابقة لليل اقرة ايات وادعيه وبس تغفه عيني اشكال الكوابيس اشوف ، ردت اتخبل ،
صعدت الغرفتي ردت انام بدون علم خالتي ، فتحت الباب وعبالك مو غرفه كبر ودخلتله طلعت راسا رجعت للهول ، بس مخليت دعاء ولا امام ولا نبي مادعيتهم ونخيتهم ، اقرة اية الكرسي شويه ارتاح بس اذا اغفه يعني معناها ادمرت منورة الاحلام،
رسل.. فدوة حسين اريد اروح الاهلي شويه ارتاح صار شهرين منايمة زين
حسين.. لا ماقبل تريدين نروح تشوفيهم ساعه ساعتين ونرجع ، ماكدر بلياج وهنا انتي يمي مأمن عليج وامي وخواتي دايرات بالهن عليج ،
رسل.. اي ميخالف وديني اشوفهم وارجع ، ردت بس اطلع من البيت احسه الحياطين كابسة ع صدري
رحت البيت اهلي طبعا اخته لزكت روحها ويانه بحجة ضايجة ، خاف احجي الامي شي حته توصل كل حركاتي الخالتي ، بقيت شويه مكدرت اكعد يم خواتي لان لازكة بيه ليكول ذيلي وين ماروح ورايه بالبيت وبالطلعه ، مكدرت احجي الامي الي ديسونه بيه ، سولفت ع الاحلام والكوابيس،
امي كالت صلي صلاة الليل وراح تصيرين زينه ،
وفعلا داومت عليها يوميه كمت ماشوف كوابيس قليل بقلمي #ميديا_الفهد
أنت تقرأ
السحر السفلي
Kinh dịقصة حقيقية لفتاة تتعرض لسحر سفلي قوي يكاد ان ينهي حياتها لولا فضل الله ، وتنجى منه بأعجوبة
