حبيبتي الخمرية (باللهجة العراقية )

تعرف

كعدت الصبح الساعة 6 وفركت عيوني شويو شوية
ما اصدك اليوم اول يوم الجامعة ما اصدك اني اخيرا راح اداوم كلية بعد معاناة وضغط السادس عدادي
اني صح جنت متوترة كلش بالامتحانات بس ما خليت هذا ياثر علية اني ينية مجتهده من الاول ابتدائي لما خلصت دراسة والحمد الله طلعت معدل 85 ورحت كلية قانون

كمت من الفراش بكل كسل ورحت سبحت وبدلت وخليت صبغ اظافر وبالنسبة للمكياج ما اخلي لان عمر (اخوها )ميقبل وميحتاج اصلا لان اني حلوة عيوني بنية فاتحة جدا بشرتي خمرية على بياض ومربربة حلكي وخشمي صغار وشفايفي مليانة وهندؤ خدود حلوات لبسي مستور جدا اني مو سافرة بالعكس البس حتى كب وية الشال لبسي عبارة عن سيلفي طويل مرات وجواه بنطرون عريض واغلب الاحيان تنورة وقميص

نزلت بكل فرحة وبست خد امي الغالية وابوية هم وجانو كلهم ديتريكون عالميز كعدت وباوعت على عمر حبيبي هو اكبر مني ب2 سنين وحلو صاااااك لدرجة اشكر وعيونة عسليات وملامحة حلوة جدا وجسة ضخم وكلة عضلات لان يلعب حديد بالجم يومية

اني :عمورتي شوكت نروح
عمر :بعد وكت بال7 نروح ورة ما تكملين اكل عادي الكلية مو بعيدة كلش عن هنا

احنة نعيش ببغداد .الدورة والكليات دائما تكون قريبة من منطقتنة

اني :اوكي حبي لتستعجل
عمر :ديلة عيني كملي بسرعة اروح اسبقج للسيارة وانت تعاي وراية

كملت اكلي وودعت ماما وبابا

علي(الاب ):بنتي ذبي ثكل ولا تنزلبن راسنة
اني :ولا يهمك بابي اني بنتم العاقلة فد يوم سمعت بية مسوية شي
علي :لااااا ابد بس ك

ل يوم جانو يدزون علية من جنتي بالابتدائية لان جنتي تضربين الولد
اني :اهووو بابا هم جانو يتحارشون بالكوة بحاولون يغثوني
زهراء(الام):هسة ما اكو اشكال بالسلامة يمة انتي واخوج كوليلة ليسوق سريع ترة مو زين خاف يتاذة كل شي يصير
اني :تدللين يمة

رحت لكيت عمر صاعد منتضرني بالسيارة

عمر :يلة سندس اتاخرنة
اني :ديلة عيني سمير سوق سوق وامي تكول ليسوق سريع خاف يتاذة .طكيتها بضحكة فضيحة
عمر :اهوووو ميخالف تدلل الوالدة ....اكولج هاجر بيا قسم راح تروحين بما انو معدلج عالي (على فكرة اني وعمر بنفس الكلية)

اني :ما اعرف يمكن اروح قسم قضاة لان ما اريد محامية
عمر:ع راحتج بس باعي هاجر اريد احذرج تصرفات صبيانية ماكو خفية ويا صديقاتج ماكو عرايك ماكو واريدج تتجنبين الولد لان اكثريتهم مو زينين هناك زين حبيبتي ما اريد اعيد الكلام كل مرة هاجر حذرتج ها
اني :لا تخاف عمر مراح اسوي شي
عمر :كولي والله
اني :ليش داحلفلك
عمر :بداعة هاري ستايلز. قال واني باوعت عليه وضحكت لان يعرف ما ارقض طلب بداعة هرهورتي
اني :اوووف ميخالف ...لخاطر هاري
عمر :اي هيج اريدج
***********************************************

هااااي كيكاتي 🍰🍰🍰🍰

عجبكم البارت

برايكم هاجر راح تذب ثكل بالكلية لو توجع راس عمر

لا تنسو التصويت والكومنت

بااااي