حبيبتي الخمرية (باللهجة العراقية )

البارت 2

المهم بعد جدال دام ربع ساعة على الأقل وية عمر على تصرفاتي شغل السيارة واخيرا بدة يمشي وطول الطريق اني اطلع اغاني وان دايركشن (فرقة بريطانية )مثل KISS YOU وYOU AND I و LAST FIRST KISS و HALF A HEART

واني احرك روحي مثل المخبلة وعمر يباوع كلساع علية كانو ديكول لا حول ولا قوة الا بالله  الله يعينج ومن هالحجي عالعموم وصلنةةةة

طلعت بسرعة من السيارة وباوعت عالمبنى الله شكد حلو وضخم والتصميم مالتة فد شي

عمر لاحظ اني انصطرت فجرني ورحت ويا طبينة سوة للكلية

عمر :بيضي وجه هجو مو تخزيني 😂😂😂
اني :دطيررر  اني هسة بحالك ولتخاف ما راح اسوي شي اول شي اريد اسوي بكليتي هو اكل سندويش شاورما مع قوطية ببسي زينة  يلة ورق 😃
عمر :هفففف ما دامها بالكلية راح تفلسني ابوية مو انطاج 5 الاف
اني :ميخالف اني هذا اول يوم متكفي انطيني بعد 5 وعود افكر ادبر حالي بخمسة الاف كل يوم من الباجر
عمر :والله ما اغلبج بالحجي لو يجي الحمزة هاج (طلعتلها 5 وانطيتها )
اني :شكرا عمورتي
عمر :اسمي عمر مو تحجين هيج كدام الولد
اني:افكر 😉

عفتة ومشيت بكل ثقة لان اني ببساطة ما اخاف من احد بس ربي من اكول هيج يعني ما اخاف ما اخاف 😂حتى لو من ابوية

رحت للكافتريا وتغديت هناك وكملت وحمدت الله وكمت

جنت دامشي بالممر مال الكلية ويعني لان جديدة عيوني تحوم بالمكان شبر شبر ولاحظت مجموعة من الولد مبينين زعاطيط فتذكرت كلام عمر وحاولت اتجنبهم واروح بافصى سرعة

لك باع اياد شوف هاي البنية الصاكة اويلي لك شنو هاي ملاك
اياد :اي والله ولك تخبل بس مبينة مو من ذني الي يتقشمرن بسرعة
جهاد :ولا يهمك خل نستخدم الخطة البديلة
اياد :اهوووو بس انتة تسويها
جهاد :اي اي ميخالف

جانت الخطة البديلة انو يصورون هاجر وهي تمشي وينشروه بكروبات مختلفة حتى تتشوه سمعتها

جهاد:اني رحت ورة هذيج البنية علمود اصورها بديت اتقرب شوية شوية وطلعت الموبايل
هاجر : هذا ليش صارلة ساعة يلحك بية عندي شعور مو حلو تجاهة  وقررت اندار بلكي ديسوي شي حركات مو حلوة بس المفاجاة من درت وجهي شفتة ديصور وانصدم وحاول يتهرب بسرعة

جهاد :خرب عمي شلون انتبهت
هاجر :اوكف لك (عيطت )
جهاد:تقربت منها (اششسشش ترة اسوي شي ميعجبج
هاجر :هااا صدك وشتريد تسوي لك نذل (ضحكت بسخرية )
جهاد:كمت افور على هاي البنية واريد اضربيها
جهاد:صدك متخافين شباب .صيح

فجاة طلعو هوي شباب والتمو حولي مثل الدائرة

جهاد؛ها هسة يا حلوة
هاجر :ولك بحياتي مشايفة اسفل منك يا حقير شكد قليل اصول تسوي هيج ببنية وية حيواناتك هاي

جان اكو ولد شافهم يتقربولهة وشافهة هم اول ما طبت للكلية وية عمر وكالة انو هاي اختة وهو صديق عمر من وكت طويل كلش اسمة محمد

محمد :ورة ما شفت هذول ملتمين حولهة رحت راسن علمود اصيح عمر لان ما اكدرلهم وحدي

محمد :عمر ولك الحك جهاد وجماعتة ملتمين على اختك ولو همة كاتليها لو هية كاتلتهم
عمر : ولك شدتحجي
محمد :اي والله هم رادو يتقربون منها بس هية كامت تغلط عليهم وتضحك والظاهر جهاد متنرفز
عمر :اليوم احرك والديك جهاد بس اصبر

بسرعة اني ومحمد رحنة علمود هاجروالله اخاف عليها هية متسكت وام لسان واكيد راح تستفز جهاد

لمن وصلنة شفت هاجر وبنية كاعدات يعيطن على جهاد وجماعتة واحنة هم تقربنة منهن

عمر :هاجر شكو شصاير
هاجر :هذا السافل جان ديصور بية واني هجيتة
عمر :جهاد متبطل سوالف المكسرة هاي جان استحين .وبدة عمر بتقرب من جهاد
جهاد :وانت شعليك لازم حبيبتك هاي
هاجر :اني راسن كمت ابجي وعمر بدت عروقة تبرز من العصبية
عمر :عيدها مرة ثانية اذا انتة رجال 
جهاد :كتلك هاي حبيبتك لازم .بصوت مرتفع

وبدون ما يكمل جهاد كلامة اجاه بوكس من عمر مما خلا يع شوية لي ورة

جهاد تعصب وبدة بتحسس مكات البوكس على خدة
جهاد :البوم اشوفك منو الزلمة هنا

وبدو يتعاركون واحد يضرب واحد جماعة جهاد كلهم التمو على عمر ومحمد بس كلهم جانو جبناء ميعرفون ابن الاصول شيسوي لمن احد يتعرض لاختة

المهم عمر صار عندة اثر ضربة يم صدرة ومحمد بوجهة وهذولاك تكسرو بين ما خلصت العركة  واني اتهزت الفرصة ودست ببطن هذاك الي اسمة جهاد جانت هذبج البنية الي وكفت يمي لمن جانو يحجون علية سحبتني ورحنة بعيد يم العمادة وبلغنة عليهم وجانة امر استدعاء من العميد

العميد :الموبايلتت بعد ممنوع تطب للكلية مفهوم هاي اولا ثانيا جهاد وجماعتة من اياد وغيرهم مفصولين خمية ايام مع عقوبة الغياب وهاجر وصديقتها اعتذر بالنيابة عن طلابي تريدن ترفعن شكوى

هاجر :ها استاذ .كلت والبنية الي بصفي ضلت ساكتة

ورة ما طلعنة من العمادة اعتذرت من هذيج البنية وتاسفتلهة هواية بس هية كالت بس
البنبة :هذا واجبي
هاجر :لحظة ....انتي منو وليش دافعتي عني مع اني ما اعرفج

ظليت مركزة بوجهة ومتاكدة انو وجهة مالوف هواية وهي ما حجت ابد
البنية حزري منو اني 

***********************************************

هاااي كيكات 🍰🍰🍰🍰
..

شلونجن 🙋🙋🙋

رايجن بالبارت 😊😊

لا تنسن الكومنت 😀😉😃

والتصويت 🌟🌟⭐🌠

حتى تشجعوني اكتب اكثر