حبيبتي الخمرية (باللهجة العراقية )

صدفة خالية من الانتظار 😍

البنية :حزري منو اني
هاجر :امممممم اتذكر اني شفتج بس وين
البنية :مع الاسف عليج هجوري متتذكريني
هاجر :هيييي بس وحدة بالعالم تكلي هجوري
البنية :ومنو هذيج الجلبة الي تدلع وحدة مثلج
هاجر :ولجججج شلون تتجراين لا تجيبين سيرة صديقتي طيبة والله اشلع عيونج
البنية :كبووور مو صوجج صوجي اني الجلبة الجنت اركض وراج علمود تعرفيني ولج اني طيبة يا غبية ما اصدك نسيتي صديقتج المقربة بهلسرعة
هاجر: يا ربي ما اصدك هاي صدك انتي حبيبتي والله اشتاقيتلج يا عمري متدرين شصار بية من بعدج والالم الي عانيتة .شبكتهة حيل ما اريد تروح من ايدي مرة ثانية طيبة :واني هم حبي بس بعدني مقهورة لانج عفتيني بدون متكوليلي
هاجر :والله مو بيدي بس بابا كال بيومها انو لازم نرجع لكلار

FLASH BACK عودة13سنوات
----------------------------
اني وهاجر جنة صديقات من جان عمرنة اربع سنوات وتربينة سوة ودرسنة سوة بالابتدائية وجنة اعز صديقات بحيث الي يشوفنا مستحيل يكول انا صديقات حتى علاقة الاخوة مجانت مثل علاقتنة وجنة جيران بعد ونربينة بمحافظة ديالى بقضاء المقدادية وجان اسم مدرستنا ****الابتدائية ابد ما انسة شلوننة نواجه المشاكل وجنة عصابة كل الولد تخاف منها لان جانت المدرسة مختلطة بس فصلونا بالرابع ابتدائي ومن صرنا بالخامس قررنا نشيل لمنطقة ثانية وعفت هاجر سنة كاملة اني متالمة من هاي لحادثة بس السنة الوراهة طالبت ابوية انو يرجعني للمدرسة القديمة ووافق بس من رجعت لكيت بيت هاجر شايلين لكلار (منطقة بالشمال قرب ديالى ) وهواي حزنت وكمت ابجي بحركة بس قررت انو الحياة مراح توكف لازم اكمل دراستي بجد وكملت السادس ابتدائي وجانت من احلى سنوات حياتي صح جنت وحيدة بس خصلت درجات عالية كلش والضحكة مجانت تفارك وجهي لان جان اكو بنات تعرفت عليهن وابد ما خذلني بس مكان القلب ضل فارغ ومن رحنة للاول متوسط ورة نصف السنة هاجر جت لديالى مرة ثانية ودرسنة سوة وفرحت فرحة ما تكدر انو تنوصف بس بعد اسبوع هم رجعو لكلار لان الاوضاع الامنية جانت فدنوب وابوها رجل مهم ويخاف ولحد الملية جنت مكاطعة الامل انو ارجع اشوفها وتذكرت ورة ما كملت سادس عدادي انو ثنيناتنة ردني كلية قانون بصغرنة وردنة ندرس ببغداد المستنصرية وفعلا لكيت الهبلة من اول يوم دتتعارك

___________________________________________________
ورة ما خلص اليوم الدراسي مع ضحك وسوالف

ودعت طيبة ورجعنة اني وعمر للبيت وبالسيارة دار الحوار الممل مرة ثانية

عمر :هسة امي شكوللهة اذا كالتلي شبيهة عينك
هاجر :كوللهة بالغلط صديقي ضربني بالشقة وصارت قوية
عمر :بربج راخ تصدك
هاجر :يا غبي مو عندك شاهد عيان الي هو اني
عمر :شاهد زور 😂 صدك هاجر مني الصاكة الي جنتي تحجين وياهة اليوم
هاجر :هاي طيبة صديقتي القديمة شبيك
عمر :هااااا عاد سنقل لو لا 😂😂😂
هاجر :انجب لك والله اذا تتحارش بيهة اصف وباهة واضربك
عمر :على كيفج سندس اصلا كل بنت تتمنى واحد مثل اخوج عمر عاد هاي
هاجر :وكل ولد يتمنى وحدة حلوة ومؤدبة مثل طيوبة
عمر :اممممم عاد خبلة مثلج لا
هاجر :هي علمتني الخبال يعني شيطان خبل بهيئة ملاك
عمر :والله صدك لو كال رسولنا الكريم (ص) (المرء على دين خليله(صديقه)
هاجر :طبعا
عمر :اوووووف الله يعين اهلي واهلها

*
*
*
*
*
*
*
*
*
*
*
*
*

___________________________________________________

هااااي كيكات 🍰🍰🍰

لا تنسوا التعليق 🙏🙏🙏

والتصويت 🌟🌟🌟🌟

حتى تشجعوني اكتب

امووواح كيكاتي احبكم 💋💋💋💋💋👄