بسم الله .. مبدئيا كده أنا أسمى محمد جمال شلبى ، عندى 16 سنة ، من دمياط .. هحكيلكوا فى الرواية دى عن موقف حصل مع صاحب أخويا .
______________
كنت أنا ووالدتى وأخويا قاعدين بنتكلم عادى فجت سيرة صاحب أخويا الدكتور أحمد .. فأخويا حكى لوالدتى على حاجه غريبة جدا حصلتله فى وظيفته بدأ يحكلها.. وأنا قاعد معاهم كنت هموت من الخوف وطريقة أخويا وهو بيحكى ترعب لواحدها . هبدأ احكيلكوا عن اللى قاله .
______________
بداية الرواية : هو قالها طبعا أنتى عارفه أحمد وأنه دفعتى وأكتر واحد قريب منى وأنتى عارفه أنه لسه متخرج من كلية الطب وأنه كان قسم جراحه ... ففى مرة أنا هو فى خروجة فملامحه وتعابير وشه مكنتش عجبانى أنا وهو بقالنا أصحاب من 7 سنين وبقيت حافظة خلاص وحسيت فى حاجه مختلفة فيه .. بدأت أسأله وأقوله "فى أى مالك يبنى " قالى وبصوت فيه خنقة كده "أنا مش مستريح فى المستشفى اللى أتعينت فيها " فضلت أسأله واقوله " فى أى هناك مش عاجبك دا حتى المستشفى لسه متجددة وأجهزة ومعدات لسه جديدة ومستشفى نضيفة " رد وقالى " بص أنا حاسس فيها بحاجه غريبة " رديت وقولت " ممكن من الحالات اللى بتجيلك المشرحة كل يوم " وحسيت من تعابير وشه أنه أقتنع بكلامى وأنه هدى شوية وكملنا يومنا عادى ورجع يروح المستشفى من تانى وكل ما يحس الشعور دا من تانى يفتكر كلامى لحد ما ففى مرة كنا خارجين جاله تليفون من المستشفى كان الوقت متأخر " أيوه يا دوكتر أحمد محتاجينك فى جثة جت المستشفى ومحتاجينك تشرحها وتعرف سبب الوفاة " أنا سألته فى أى قالى " ممرضة لسه متعينة ومش عارفه تتصرف أزاى " وقام وأعتذر منى ومن أصحابنا أنه لازم يروح المستشفى .. وعرضت عليه أنى أوصله بس هو قال " هاخد تاكسي وخلاص " . أحمد ركب التاكسي بس حصلت مشكلة على الطريق . #محمد_شلبى #نيكروفيليا
أنت تقرأ
رواية ||نيكروفيليا
Short Storyهذه الرواية من وحى خيالى ولا تمن الى أى شئ من الواقع for high-end minds أحداث القصة : لها علاقة بالجن العاشق وتجارة الأعضاء مع بعض من الغموض
