بارت 3
_____________
" لو أنت عايز تفضل شغال فى الوظيفة دى فمتهتمش بأى صوت يجى من المشرحة ، وهتسمع أصوات استغاثة كتير بأسمك .. وأصوات عيط طفل متواصل وأصوات صريخ ناس كبار ، وأصوات كتير تانية وفى كل مرة هتسمع الأصوات دى هتحس أن جوه المشرحة حيوان مفترس عمال يهاجم فيهم " رد د/أحمد وقاله " إى علاقة دا بختفاء الجثة لى بتقولى كل ده ! " رد وقاله " أنا نصحتك يبنى عايز تبحث ورا الجثة وسبب اختفاءه بس دا طريق أخرته هتبقى خطر عليك " ويقوله " اللى بيحصل جوه المشرحة المفروض يفضل جواها " ووقتها بص د/أحمد للتمرجى وهو كان راجل فى سن والده بصه متدلش فيها على أى معنى من معانى الأمان .
_____________
ووقتها مشي د/أحمد من المستشفى بسرعة حاولت الممرضة رهف أنها توقفه عشان تسأله عن التقرير بتاع الجثة لاكنها معرفتش توقفه وخافت من ملامحه وقتها .. د/أحمد روح علطول ودخل أوضته ومكنش عارف يفهم اللى حصل فضل طول اليل باصص لسقف الأوضة ومبيتحركش .. وفى الصبح جه المحققين الجنائين وبدأوا يسألوا التمرجى عن أنه يوصف اللى حصل بالظبط .. وسألوا الممرضة رهف عن د/أحمد بس هى ردت وقالتلهم " هو مختفى من أمبارح بليل معرفش راح فين وتليفونه مغلق من امبارح " ، ووقتها كان د/أحمد كان داخل المستشفى وبدأوا يسألوه عن أنه يوصف اللى حصل .. وبدأوا يبحثوا ورا الجثة لاكنهم موصلوش لحاجه تفيدهم فى سبب أختفاء الجثة .
_______________
بس وقتها حب د/أحمد يبحث بنفسه ويعرف أقل تفصيلة عن حياته وسبب موته ومين اللى ممكن يكونوا أعدائه وممكن يكونوا ساهموا بخطفه .. بس وقتها هو مكنش عارف يبدأ منين لأن دى مش وظيفته دى وظيفة المحققين اللى فشلوا فى أنهم يوصلوا لحاجه .. هو فضل أنه ينزل المنطقة اللى كان ساكن فيها .. هو طلب من الممرضة رهف أى معلومة عنه وعن أى حد من أهله جه سأل عنه أو لقوا جثته فين .. بس هى ردت وقالت " أنا معرفش غير أنهم لقوا جثته فين .. ومحدش من أهله جه سأل عليه خالص " ودكتور أحمد لسه جاى يتكلم قاطعته وقالت " فى واحد اللى كان جاب جثته هنا كان ساب رقمه وقال أنا عارفه وعارف ساكن فين " . #محمد_شلبى #نيكروفيليا
أنت تقرأ
رواية ||نيكروفيليا
Short Storyهذه الرواية من وحى خيالى ولا تمن الى أى شئ من الواقع for high-end minds أحداث القصة : لها علاقة بالجن العاشق وتجارة الأعضاء مع بعض من الغموض
