___________________
جاو دعاء و رفيق تخدموا خدمنا حتى ليل طلبنا بيتزا كي قاتلي نروح نجيب جلال تقلقت ملئ جات وهي جلال جلال لكان كان قدامي قتلتوا أنا ماتقلاق قلتلها ميجيش لكان جا لكان قتلتوا هيا راحت و خلاتني أومبعد نسمع فيهم يضحكوا و يلعبوا الدار الي كانت ضلمة عاودت ضواتها و رجعت الضحكة فيها شعال عندها ذي الدار مسمعتش ضحكات كيما هذي
أومبعد جات كي قاتلي عييت صبتها سبا باه نفرغ زعافي و نشوف فيها بهذيك الخزرة
هذي الطفلة صح غامضة خطرات تضحك خطرات تكون جدية و اللي زاد شكي سؤال رفيق ليها و هي سألتني على وليدي صح كنت حاب نفرغلها قلبي ليها بصح مكانش الجو المناسب و مام ماشي فحضور رفيق و دعاء نضت صباح نسمع فالضحكات لي وليت نعشقهوم طليت صبتهم يلعبوا فالبالون هبطت تحت نشوف ليهم حتى صونا تليفوني
رحت وصلت
دخلت الشومبرا شفت وجها هي لي كرهتلي حياتي كثر ما كنت نكرها
أنا: وش جابك
فايزة : جيت نهدر معاك فحاجة مهمة
أنا : أهدري معنديش بزاف الوقت
فايزة : نعتذر منك
أنا : وش هو المقابل
فايزة مكان حتى مقابل
أنا كفاه حتى
فايزة عرفت بلي عندي السل و مبقاليش بزاف و نموت جيت نطلب منك سماح محبيتش نموت هكا
أنا : عليمن تتأسفي كي حبيتك و رحتي و خليتيني و لا على وليدك لي رحتي و خليتيني نتي أم نتي كنت موفرلك كلش قوليلي شكان خاسك معايا اهه حبيتك تزوجتك عطيتلك كلش علابالك كفاه صرالي موراك و وليدنا لي وليت نكرهوا بسبابك كل منشوفو نشوف وجهك أخرجي عليا
فايزة : 😢😢سمحلي و هاك هذي السنسلة ذكرى مني لوليدي و قلوا كنت نحبك بصح الظروف كانوا ضدي و قبل منموت ديرها مليح فبالك حتى أنا حبيتك و مزلت نحبك بصح كان لازم ندير هكك
أنا : أخرجي منحبش نسمعك
قلبت البيرو و قاعد غير نخبط
شعلت الطونوبيل و رحت للدار أنا غير دخلت صبت الدار مخملة و نظيفة و شميت ريحة توحشتها عندي بزاف دخلت للكوزينة صبتها طيب فالطعام و جلال يتفرج فالصالون كي شافني هبط راسوا دخلت للكوزينة بديت نقرب ليها هي دارت شافتني نخلعت وليت نقدم وهي ترجع حتى لسقت فالبوتاجي لسقت حتى وين كنت نحس بقلبها
أنا : ريحة شابة شكوون قالك طيبي
سهام : ليوما الجمعة حبيت ندير طعام حتى أنا جلال قالي ديريلي
أنا وليتي تصنتي بزاف لجلال غير نفصي مالزغيد معاه بزاف هو كي جا أنا موليتش ڨاع نڨزيزتي غير جلال جلال
سهام ...........
أنا : نتي ليا وحدي تفهمي
حمارو خدودها كيما طوماطيش هذا هو الشي لي يعجبني فيها رحت قعدت فالصالون و ديت لجلال تليكوموند و بدلت هو ولا يشوف ليا أومبعد خزرت فيه فهم روحو ناض __________________
كي قرب ليا موليتش نحس بروحي غير أنو سخانة تطلع مني فشلني بهدرتوا يمامي كي يولي شباب كي يهدر بلعقل ههههه و زيد غائر من جلال لازم نجمعوا بوليدو حتى دخل عليا جلال يبكي
أنا: جلال وشبيك
جلال : دالي تليكوموند
أنا وليت نضحك رةهو كيما ليبيبي درتها بلعاني عنقتوا و خرجت مالكوزينة و بستوا قدامو و طلعتوا لشمبرتوا شعلتلوا تيلي و دغدغتوا شوي
