#قصه_انانيه_الاب
للكاتبه فردوس عبد اللطيف
جزء 4 والاخير
الدكتورة كالت ماما ترى عمليه الربط خطرة علي كتلها ميخالف اجازف بحياتى فى سبيل اسوى طفل بلكى يملى على حياتى ورب العالمين ما يتخلى عنى صارلى 4 سنين اناظر يجينى طفل ومحضرة ملابسه كلما اشوف شي يعجبنى اشترى وجمعتله جهاز كامل حتى حجله وعربانه اشتريت من كثر لهفتى للطفل
رحنا للمشفى وسويت العمليه تخدير عام واذيه وكلت باذن الله اطلع سلامات ماطول انى متوكله على رب العالمين
طلعت من المشفى طبعا رحت لبيت عيالى والاخ زوجى عاطل عن العمل بوقتهه لا مصرف وانى حامل احتاج اكل خاص لان عندى فقر دم ومراجعات للدكتورة وتحاليل كل هذا وهو نايم بالبيت ومعاجبه واخذ من اهلى واصرف على نفسي واخوى المسكين يشتغل ويساعدنى ينطبنى مصرف
ولدت بنت حلوة وبالولاده رحت يم امى تدارينى لان عيالى محد عنده استعداد يدارينى لحد يوم 33 من ولادتى اتصل بي قيس زوجى وكال الغرفه مالتج احتركت والظاهر هو الى حركها رحت ركض اريد اشوف شلكيت غير بس حياطين مفحمه كلشي محترك مباقى شي جهاز الطفله سنين وانى اشترى واضم زين ذهبي الى كله هدايا من خالاتى واهلى ماكو اختفى هذا هم احترك من شفت الوضعيه انهارت اعصابي وخربت واغمى على لان كله من تعبي وبطلوع الروح الواحد يجمع ويشرى شغله حتى التلفزيون مخليته بغرفتى تاليتهه بلحظه تصير فحم بقيت ساكته 3 ايام ما حاسه بالدنيا بس صافنه صدمه قويه من تخسر كلشي بلحظه وانى متاكده هو زوجى الى حاركهه بقيت ا اكل لاشرب حالتى ماتنوصف
وراها بعدما بقو اهلى يحجون وياى وفدوة وتتعوض صحيت من الصدمه وبدين اطلع الى بكلبي وابجى شويه البجى يخلى الواحد يرتاح
رحت نظفت الغرفه وصبغتها واهلى وصديقاتى وجيرانه ماقصرو وياي كلهم ساعدونى خالاتى وخوالى ماحسيت انى وحيده بهالدنيا وكفتهم وياي خلتنى اكون قويه ورجعت غرفتى احلى من قبل بس انى مارجعت مثل الاول قبل كنت مرحه واضحك واتشاقى رجعت انسانه ثانيه معبسه كابه
طبعا قيس حالته تزيد بالاكثر لايفيد بي دوا وهو ماعنده غير يطلع حركته بي
وصار مثل الوحش كفشته وبهذلته ما اعرف ما ينحمل وفوكاها ياذينى فد يوم كنت جاى انزل من الدرج وسمعت زوجه حماى تحركه على اثارى هى الى توزه وتخلى بضربنى وتضحك من تشوفه يسوى هيج كل هذا لان انى ام البيت بيدى المصرف مرتبه امورهم ومعتمدين على بكلشي مع انى اصغر منهن وهن بعمر امى ومابيهن فايده بس نفاق ومشاكل حقدهم وغيرتهم منى كانت تخليهم يحركون قيس وهو بس يرادله دفعه ومايقصر فوك هذا كله بدى يشك بي وانى لاطلعه ولاطبه وحتى من اريد اروح لاهلى هو يودينى ويبقى لحد ما نرجع سويه وتلفون نقال ما عندى زين منين يجيك الشك وشمخلين براسك
فديوم صارت مشكله بين قيس وزوجه اخو وعركه شكبرهه كامت ذبت المشكله على دارتهه على اساس انى متجاوزة عليهه لكن انى ما متجاوزة حتى من سمعتهه تحرك بي ما حجيت ولا عاتبتهه زين ليش تتبلين على ما خفتى الله تعاركت وياه وضربنى ضرب قاسي يجرنى من شعرى ويضربنى ورفس وبكل قوته واكله شمسويه بس هو مخبل منيله عقل ويفتهم اخذت بنتى ورحت زعلانه يم اهلى اشو هى خبزة واكلهه على اتحمل مذله ويه واحد مخبل وحتى نفسيتى بعد ماتتحمل بعد مشاكل وكل مرة اكول بلكى يتغير ويتحسن وظعه لكن الحقيقه يزيد اكثر من السابق هو الانسان لو يعيش بكرامه ولو الموت ارحم طلبت الطلاق وتطلقت رجعت فتحت الصالون بيت اهلى ورجعو زبوناتى واخذت حريتى وحافظت على ما تبقى من كرامتى اخوى تخرج وتعين وحب زميلته بالشغل وتزوج وساعدته بزواجه من شغلى وصار عنده بنت احبهه وصارت اخت لبنتى وزوجه اخوى صارتلى اخت وصديقه لانها حبابه وبنت عاءله والان نعيش سويه اخوى وامى واختى متعاونين مرتاحين صحيح تعذبت لكن الله عوظنى بعد كل العذاب الى شفته وتحملته
نصرحتى الى كل رجل او امراءة قبل ما تفكرون بنفسكم ونزواتكم فكرو باطفالكم لاتركوهم للزمن يتعذبون وانتو تعيشون بسعاده وحتى اذا تتزوج زوجه ثانيه لاتنس اطفالك من الاولى اعدل لان الله عادل ويحب العدل واحب ان اكول لابوى لوما امى ربتنى تربيه صحيحه وخلتنى احافظ على نفسي مع انى اشتغلت خدامه بالبيوت لكن ما فرطت بنفسي كان انت الان تحمل العار بسبب اهمالك النه لكن الفضل يرجع لامى واشكرج يا امى العزيزة وربي يحفظج النه
اشكركم على سعه صدركم ومتابعه قصتى
انتهت
ترقبونى بقصه جديده
الكاتبه فردوس عبد اللطيف
