حبيت مجرمة ،، دافعت عن شرفي

الجزء الثالث،،حبيت مجرمة

القصة غير ملائمة لبعض المتابعين
شاركو المنشور
#حبيت_مجرمة🔞🔞
#دافعت_عن_شرفي🔞🔞
بقلمي #زينب_الشوكي
بارت ال 3
#قصص_عراقية_وروايات_حقيقية
اكرم ...تسلم عمي يله اترخص اني رايح
ابو سعد .... ابني بلا زحمه انت ساكن هنا
اكرم ... اي ساكن هنا يم ابو المخضر الي بالدربونه الي كبالك
ابو سعد  ..... هاا زين ابني اريد واحديساعدني بالشغل ماعندك احد او انت تساعدني
زينب .... انتبهت بصفي مكينه خياطه صارت روحي بيها ردت اكله عمي اني فدوة اريد اشتغل بيها بس خاف يكسرني تكسر بالبيت #زينب_الشوكي
اكرم .... اي عمي الواه هاي مرتي زينب تساعدك بالشغل تعرف تخيط بالمكينه
زينب ....... من سمعته هيج كال كلت اليوم صدك دااحلم سبحان المغير من حال الى حال الله واكبر معقوله بس بداخلي طرت من الفرح
ابو سعد ..... اي الله وايدك ابني تعرف مالي احد واريد احد يستلم المكينه مال الخياطه واني مااشوف زين والندافه عليه
زينب .... ماشي عمو اني اخيطلك ولا يهمك وماريد كلشي حتى لو ماتنطيني شي ماريد
اكرم ....😒😒😒 بداخلي يابنت الكلب مشغلج ويا بلاش مو لله بالله
ابو سعد ..... لا بنتي كل شهر انطيج راتبج كامل ماينقصج شي ابد هذا حقج ودوامج من 7 الصبح لليل  وعندج فترات استراحه مسموح شكد متردين باي وقت روحي تروحين ترتاحين بيها وتسوين اكل لزوجج لان جاي تجيني طلبات ومااكدر لوحدي
زينب ... ماشي عمو
اكرم .... يله عمي نترخص جريتها من ايدها ومشيت
لج خره اني راتبج التاخذي تنطينيا فهمتي لولا درهم واحد مصرفين منه فهمتي
زينب.... ي والله فهمت #زينب_الشوكي
بداخلي ابو طبع ميغير طبعه عمره مراح يتغير جنت غلطانة
ورجعنا للبيت دخلني جوة وطلع هو ضليت بوحدي بالبيت سمعت اكو صوت فوك بالبيتونه جنت حيل خايفة اسمع خرخشه وصوت وووووغ ووووغ بس بطريقة حيل مرعبة جمد كل دمي اخذت طاوة وياي🍳 وصعدت بس رجلية ترجف شفت يم الدرج دم نقاط ورايح صوب البيتونه صعدت اكثر لكيت حمامة داخلة من الشباك ومضروبة بالحائط والدم يجري وكوة تتحرك والصوت منهة واني اخاف من الدم ضليت لازمتهة وابجي شسوي شلون اعالجها ماريدها تموت رحت للثلاجة اخذت حبوب وجع راس  طحنتهن وحطيتهن عليها وخليتها بكارتونه وفتحتلها الكارتونه وخليتلها ماي وعفتها فوك ونزلت سويت غداء اجه ازقنب ونام والعصر طلع ورجع المغرب فتح الباب جنت بالمطبخ هاي قبل الاذان عاط
اكرم..... لج قندرة وينج
زينب .....😱 جاية جاية
هااااا
اكرم ..... شوفي هاج هذن حطيهن بالثلاجة وباليل ساعة 10 جاي اني وصديقي سويلنه عشاء مرتب وطبخي زين مو اكل ماينوكل مو مثل كل مرة الي تسوي سوية اكل زين فهمتي زين
زينب..... ياالله انوب جايب سم وراح يجيب ويا واحد فاكس وياكلون ويشربون كدامي ياالله والله خايفة كعدت ابجي ورة ماطلع صليت وضليت ادعي ميصير شي
صارت ساعة 9 ونص اندك الباب
زينب .. ..منو
احمد .... اني
زينب .... اي ادري انت غير افهم منو
احمد ..... اني صديق اكرم
زينب ..... عزة بس لا اجه لوحده هذا
.. زين اكرم وياك
احمد ..... لا مو وياي هو كال روح اسبقني للبيت وجاي وراك
زينب .... لا خوية مااكدر افتح الباب اخاف خل يجي اكرم ياله افتح الباب
اكرم ..... ها احمد ليش مدكيت الباب
احمد..... دكيت الباب بس مرتك متفتح الباب
اكرم.... شنووو اني اعلمها
لج افتحي الباب خرة اني اعلمج افتحي الباب
زينب ..... ي جاية فتحت الباب وجرني من من راسي وحتى الحجاب انزع ودخلني للغرفه وضل يضرب بيه وبالحزام وكسرني تكسر
اكرم..... لج بنت القندرة بنت العا.... بنت الكح.... بنت الجوعي لج لفيتج ميته من الجوع لج شلون تخلين احمد ينتضر برة لج هذا تاج راسج واشرف منج
زينب ..... لك شلون ادخله واني مااعرفه باله سوالي شي وانت مو وياه شلون ادخل غريب ماعرفه
اكرم .... والج عين وجاوبيني خرة طاك طاك
*وضل اكرم يضرب بزينب وطلع منها
زينب ..... 😭😭 بداخلي الله لا يوفقك الله لاينطيك الله لا يوفق اهلي الي باعوني علمود فلس ولج يمه ليش هيج بعتيني ماانطاج قلبج لج اني قطعه من دمج وحملتيني 9 اشهر وتعبتي بيه هيج بساع نسيتيني 😭😭 ضليت اون من الوجع والتعب
اكرم .... تفضل احمد تفضل
احمد ...  اكرم بس ملازم تضرب هيج ملاك حلو خطيه
اكرم ..... خل تولي العاه.....
هسه اجيك اكعد
اكرم .......يله كومي سويلنا الاكل وصبيلنا مشروب
زينب .... دموعي تصب اكرم ابوس ايدك والله مااكدر مكسرة تكسر وجسمي يوجعني
اكرم ..... لاتخليني اسحلج سحل واطلعج مفرعة كدام احمد
زينب ...... شيسوي بيك الله بعد الله لايوفقكك راح اكوم
كمت بالكوه وطلعت السم مالته حطيته كباله ولافه الشال على راسي وجهي وبس عيوني طالعه استحيت من الي ويا وعاط عليه
اكرم .... بصوت عالي سويلنا اكل يله
زينب .... اسويلك سم ان شاء الله بداخلي استغفر الله ربي سامحني
سويتلهم اكل وحطيته كبالهم واصواتهم واصله لسابع جار ودك وركص والاغاني والسم والضحك ولا عبالك بيت عبالك بيت مال دعارة كاعدين
اني كعدت بالغرفة وقفلت الباب عليه ومافتحته  ابد ونمت ودموعي تجري
صار الصبح
كعدت من النوم وراسي صاير مثل الطبل واحسه يريد ينفجر لان البارحة بس ابجي على حضي الجابني هنا وين صرت بين الاخايفة والمتررددة اخاف افتح الباب مال غرفتي وكلت ياالله وفتحت الباب لكيتهم بمنضر استغفر الله حتى استحي اباوع عليهم نازعين ملابسهم وباقين بس بالشورد والبطل مال السم مطشر بالكاع والريحه تموت رحت اركض للمطبخ اريد اتوضى وارجع لغرفتي ومااريد اطلع لحد مايولي هذا الي وي اكرم استغفر الله ربي شنو ذنبي اني يارب ليش هذا الاختبار الصعب الي حطيته الي بهاي الدنيا وهذا الي جان ميعرف غير اسم الله هسه هيج صار بي يارب اهدي للطريق الصحيح توضيت ورجعت لغرفتي قفلت الباب وصليت من كملت سمعتهم كعدوا
اكرم ...... اخ راسي اخ لك كوم احمد كوم
احمد .... هممم عوفيني اريد انام لاتكعديني
اكرم .... منو هاي لك كوم هاي اني اكرم شبيك كوم
احمد .... اخ راسي  اي كايم بس اريد استكان جاي صيح مرتك تسويلنا
اكرم .... كوم ابو العز مو بس ستكان اجيبلك الريوك الزين راح اسبح وراح اكعدها الك تسويلك ريوك
احمد ....😏 ماشي
اكرم .....🚪دكيت الباب نايمه لو كاعده افتحي الباب
زينب .... فتحت الباب ها شتريد
اكرم ..... شتريد شنو كومي حضريلي ملابسي اريد اسبح شلونهة الكتلة مال البارحه حلوة
زينب .... بداخلي الله يكسر ايدك يانذل
وهذا الي وياك مايروح
اكرم ....  شوفي اكلج تحضريلي ملابسي هسه اروح اسبح فهمتي واطلع الكاج صابه الريوك لاحمد وشبعان ومخلص اكله فهمتي
زينب ... 😱شنو وتريد تدخل للحمام وتعوفني وي واحد غريب لا وفوكاها شارب لا مستحيل لو اموت
اكرم .... اكلي نعال بحلكج تسوين مثل ماكلت وهو هسه صحصح يعني واعي ميسويلج شي فهمتي ياله حضري ملابسي
(🌸البيج 👈👈قصص عراقية وروايات حقيقية للي يحب يكمل باقي القصة زينب الشوكي)
زينب .... امري لله راح البس عبايتي مااريده يباوع لجسمي واني امشي كدامه لان هذا مبين علي مو شريف لان لو شريف ميدخل بيت واحد وكدام مرته ويشرب
عزة شلون نسيت لازم اروح لعمو ابو سعد اليوم اول يوم بالدوام مالتي
صحت اكرم
اكرم ..... شتردين
زينب .... اكرم اليوم مو لازم اروح لعمو ابو سعد اشتغل ويا بالخياطة اليوم هو كالي ابدي بالدوام
اكرم ..... ي ماشي سوي ريوك لاحمد واخليج طلعين
زينب ...... الف الحمد لله واخيرا راح اتنفس لبست عبايتي وطلعت سويت الريوك بسرعة بسرعه اريد بس اكمل واباوع لاحمد صديق اكرم يباوعلي من فوك ليجوه استغفر الله تف على عينه النكسه الله لايوفقهم ان شاء الله حطيت الاكل كدامه طخ اصبعه بايدي لعبت نفسي من لمسني صديقه
وخرت منه ضل بس يباوع وطلع اكرم
اكرم ...
اكرم .... ها ي ماشي يله روحي تندلين المحل مو
زينب .... اي اندله رايحه بداخلي هو كال روحي وبدون مااتحرك روحي طفرت كدامي طلعت تركض للمحل
طبعا خل احجيلكم على شكلي وعلى كل شي التهيت بالحجي مال قصتي ومعرفتوا عني ولا شي
اسمي زينب م89 عمري حاليا خارج القصه صار 28 وداخل القصه ولحد ما كمت اشتغل وي الحجي ابو سعد عمري 15 _16 تقريبا بس هنا لحد يكول طفلة لان الي يشوف طبعي والحجي الي احجي يكول عمري ب30 سنه لان انتهت طفولتي من طلعت من بيت الي بالاسم اهلي بشرتي نفس الي بالصورة تشبهني تقريبا طولي نفس طولها عيوني عسليه ورشيقه او اوضح اكثر مسلوله مثل مايكولون من الضرب
المهم طلعت من البيت وتركت كل شي وراي رحت للمحل مالكيت احد بي صحت عموو عموو وينك
محد اكو باوعت ماكو احد باوعت كدامي المكينه اني اعشق المكينات مال الخياطه روحي بيهن
بديت اتلمس المكينه واباوع ورة شوي اجه عمو ابو سعد بس شكد استحيت شاف وجهي مورم من الضرب
ابو سعد ..... اهلا وسهلا بنتي شلونج وحدج اجيتي لعد اكرم وين
(🌸البيج 👈👈قصص عراقية وروايات حقيقية للي يحب يكمل باقي القصة)
زينب .... انداريت  هلا عمو شلونك ي لوحدي اجيت دنكت اريد ابوس ايده سحبها الرجال حيل كبير بالعمر والله الي يباوع عليه وجهة ينكط نور وبراءة وحنان والله بلحضه حسيته هو بابا ودمعت عيني
ابو سعد .... خير بنتي ليش دتبجين وليش هيج وجهج احد سوالج شي اتفضلي اكعدي واحجيلي اعتبريني ابوج
زينب .... دموعي ضلت تصب وضليت ابجي واتمنيت احجي كل شي اله بس مكدرت احجي خفت لا يروح يكول لاكرم ونوب صدك يموتني خطيه راح جابلي ماي بارد وراد يجببلي ريوك كلتله لا عمو ماريد تريكت واجيت بس الصدك جوعانه بس مااحب اكل لاحد ي جوعانه او اكله انضربت او اشكي بس حبيت اشاركم معاناتي الي صارت وياي
خطيه ضل يسال ويتوسل احجيله بس كلتله عمو والله ماكو شي صار خلاف بسيط واني تجاوزت عليه وضربني الهم خطيه رجال على كد نيته صدك وعلمني شنو اسوي وبديت اشتغل ويا وكل يوم باليل تتكرر نفس الحالة ونفس الشي ومرة انضرب ومرة لا وعلى نفس الروتين ومن اشتغل انسى كل شي
(🌸البيج 👈👈قصص عراقية وروايات حقيقية للي يحب يكمل باقي القصة)
اكرم ..... مر اسبوع ويوم عن يوم اكره زينب وقررت انفذ الخطة الي اجت بالي كلت خل يمر اسبوع اسبوعين واحمد يتعود علينا واحجيله شنو يسوي
زينب ..... كلش فرحانه بشغلي واني اشتغل كل يوم اخيط وجه مال لحاف او وجه مال مخده وعمي ابو سعد يندف وبعدين اني ويا نسوي وجه الحاف وكلش احبه ويحبني عبالك بنته من اول اسبوع حباني  وصار شهرين اشتغل وي عمو ابو سعد الراتب اول مااستلمه انطي لاكرم يشتري سم بي
ابو سعد ..... كلش حبيت زينب النور الي بوجهة وجها الملائكي وطيبة كلبها وخوفها وكل مااشوفها اشوف ام سعد كدامي لان جانت مثلها بالضبط كلتلها شنو تحتاجين كوليلي اني ابوج وكل مااسالها عن عائلتها متحجي وبس اباوع على عيونها مليانه حزن وغركانه دموع والله العليم شنو قلب زينب يحمل من هموم
زينب ..... اليوم انطاني عمو قماش احمر واني هذا الون الي احبه بديت اخيط واباوع على عمو ابو سعد يباوعلي وهو ينفض بالقطن
(🌸البيج 👈👈قصص عراقية وروايات حقيقية للي يحب يكمل باقي القصة)
ابو سعد  ... اليوم واني انفض بالقطن باوعت لزينب وجهة مورم وكل يوم نفس الكدمات متاكد رجلها ديضربها بس سبحان الله ابد متنطي برجلها لعد شكد بنت اصول لو هيج بنات لو ماكو مثلهن وهزيت براسي وكلت بداخلي الله يعينج بنتي ويهدي رجلج للطريق الصحيح
زينب ....المغرب كعدت بالكاع اني وعمو خيطنا سويه صارت ساعة 6 ونص
ابو سعد .... زينب يله بنتي تاخر الوقت اني اكمل باقي الشغل
زينب .... باوعت على الساعة
خليني شوية
ابو سعد .... الله يسلمج بنتي ماضل قليل واخلص
زينب ... ماشي عمي
ابو سعد ....شالت ايدها شفت عضه سنون مشوهة ايدها تخبلت وصحت بعده يضربج مو
زينب ..... ضميت ايدي لا مايضربني
ابو سعد ..... اني راح احجي وي اكرم حتى لو كان زوجج مو من حقه يضربج بنتي
زينب .... مايضربني والله مايضربني انت لاتشغل بالك عمو كمت لبست عبايتي واخذت غراضي مع السلامه عمو
ابو سعد .... الله وياج بنتي اساغفر الله يارب
زينب ..... من بعد الدخلات والطلعات اكرم وهذا صديقه العالم كلها صارت تعرف بي اكرم وشلون يشرب والدك والركص والاغاني
وجوارينه كل يوم اسلم عليهن واطلع لشغلي ابد مااختلط بيهم اليوم واني راجعه للبيت
جوارينه زهرة .... زينب شبيج بعد ماسلمتي علينا
زينب .... العفو والله مانتبهت شلونج
زهرة ...  مم الحمد لله زينه
زينب .... تصبحون على خير بداخلي ماحبيت اختلط باي احد ولا احجي وي احد لان نفسيتي تعقدت
زهرة ..... شكد ماعدها تربية
زينب ..... سمعت وغلست ماحبيت ارد
سعاد ..... ليش هيج تحجين عليها خطية
زهرة .... احجي عليها ختولي ماعدها تربيه بلا شرف الله اليعلم شنو يصير عدهم باليل ولد طاب ولد طالع بلا شرف
سعاد .... زهرة الله يهديج البنيه مسكينه ماتشوفين وجها شلون مورم وكوة تمشي
زهرة ...... ي انتي صفي وياها اوووي كلجن نفس الطينه يله ولي يله عمورتي تعال للبيت امشي
زينب .... نسيت اكللكم جوارينه الي بصفي اسمها سارة وهم نفسي مزوجه رجال كبير بالعمر وهم معاناتها نفس معاناتي كل يوم رجلها يضربها عدها ولد واحد تعرفت عليها باول يوم داومت بي وي عمو ابو سعد هو عرفني عليها كل يوم تسوي ريوك وتودي لعمو ابو سعد وصارت صديقتي وحبيتها كلش وكلشي احجيلها وصارت تجيني بالنهار تكعد تحجي وياي واني اشتغل ومرات نرجع سوه للبيت كلمن تروح لبيتها بس اليوم مااجت
مريت عليها دكيت الجرس
سارة ..... فتحت الباب زينب شبيج اكو احد ضايقج
زينب ...... ي
سارة ...... الله لا يوفقهم ياعيوني انتي هذول ماراح يريحونا لا اني ولا انتي
زينب .... زوجج جوة
سارة ...... ي جوة
زينب .... اني رايحه باجر اخلص الشغل من وكت وامر عليج
سارة ..... ماشي
سارة وزينب تحاضنن
(البيج 👈👈قصص عراقية وروايات حقيقية للي يحب يكمل باقي القصة)
سارة .... راحت زينب شكد ماعدها حظ سوده عليه
زينب .... رجعت للبيت فتحت الباب شفت حذاء اكرم رحت للمطبخ شربت كلاص ماي اخذت جريدة حطيتها على الطاولة وجبت البطاطا والمعجنه وضليت اكشر بيها ودموعي تنزل فجاءة سمعت التليفون الارضي دك ركضت فتحت خط محد حجه كلت الووو الووو محد رد سديت الخط
رجع دك مرة ثانيه فتحط خط صحت الووو منو محد يحجي احجوا لعد ليش اتصلتوا اذا متحجون
فجاءة ردت وحده سمعت الصوت وكعت من طولي والله هاي ماما اعرف صوتها
الووو
الوو ماما انتي مو اترجاج جاوبي
بنتي زنوبه وين اخذج الزمن والوكت
ماما ليش هيج سويتي بيه ليش بعتيني ليش ماما اني مو بنتج حاجيني نهاريت وضليت ابجي وعاتب بيها وهي تبجي هم وتشهك
زينب يمه ياريحتج بعدها بملابسج يمه كبرتي زنوبه سامحينا والله مو بايدي والله كله من ابوج تدرين زينب ابوج صار مشلول الله عاقبه على الي صار بيج وهسه حالتا حاله وكاعدين بيت صغير على كدنا وفلوسه كلهن راحن على العلاجات ومافاد
(🌸البيج 👈👈قصص عراقية وروايات حقيقية للي يحب يكمل باقي القصة)
اني اسمع الي تحجي وكلبي يبجي ودموعي تصب حسيت بلحضه مسامحتهم لاهلي وبابا الله جازاه وعاقبه ياريت لو اشوفهم واشتم ريحتهم
حجيتلها كل الي صار وياي  وكالت اني وابوج نتمنى ترجعين ويانا بس محمد يكول اكسر رجلها اذا رجعت النا تبقى يم رجلها عوزنه مصاريف هوة بابا وبلكوة متحمله نوب هي تجي وكل يوم يشرب ويضرب وينطمر وهي ادك وتلطم بس السبب منهم هم الي باعوني الله يسامحهم
توادعنا اني وياها بس ماسالتها عن العنوان ولانطيتها عنواني بس الرقم حفضته وهي توسلت رادت عنواني بس مانيتها كلتلها راح انتضر لمن يروح الحقد الي بقلبي تجاهكم واكلج بس بداخلي اريد اكللها عنواني وتجي تاخذني بس لااا مو بسهوله ارجع الهم راح ارضى بقدري مااروح لناس باعوني ويكدرون بسهوله مرة ثانيه هم يبيعوني
قبل فترة حكت جوارب صغار مال طفل باوعتلهن وضليت اتلمس بيهن لان احب الاطفال
اندك الباب
(🌸البيج 👈👈قصص عراقية وروايات حقيقية للي يحب يكمل باقي القصة)
اكرم ..... تفضل تفضل
ياخاتون 10 دقائق ياله تفتحين الباب وين جنتي
زينب ..... اهلا وسهلا تفضل اخذت العلاليك واحمد نزع جاكيته احنا هسه بالشتاء
اكرم ... ما شاء الله طولان السانج روحي حضري الطاولة بسرعة #زينب_الشوكي
زينب .... ي .. رحت للمطبخ طلعت الماعون والاستكانات ورحت شفت المركه مال البطاطا استوت طفيتها وطلعت الصمون من العلاكه حضرت الطاولة واحمد يباوع عليه ويفرك بايده واكرم يلعب بشواربه
اكرم .... يله احمد كوم
زينب .... واني دااصب الاكل الهم شفت اكرم صب السم لاحمد واحمد يباوعلي صفح ويعض بشفايفه شكله كلش مقرف يلعب النفس ويفرك بشواربه الخسيس صاح بيه اكرم
اكرم ..... عطت عليها ادخلي جوة
زينب .... دخلت للمطبخ ضليت ابجي واسمع الضحك والسوالف التافهة الي يحجوها كلت ياربي واعصر بايدي
صار اليل كلش واني دااكل بالمطبخ دخل عليه اكرم كلت اكرم لازمك شي كال
اكرم .... اكعدي اكعدي
زينب ..... اذا تريد شي احجي اباوع على اكرم يخوف يفرك بلحيته وشواربه وبدا الخوف يملكني وضليت ارجف
راح اكوم اطلعلك فواكه
اكرم .... كلتلج اكعدي اكعدي اكو شي اريد احاجيج بي
اكرم ..... شوفي اني ماعندي ولد ولا تلد شنو احجيلج شنو اكول على حالي اني مو رجال
زينب .....اكرم لاتحجي هيج
اكرم ... والدي والحجية اخوي معارفي اصدقائي كلهم يسالوني شوكت يجيكم اولاد انتم مزوجين صارلكم سنين كأنهم تركوا كلشي وضلوا يسالوني عافوا حياتهم وضلو يسالون عليه كلها تباوع علية بذيج النضرة كلهم يفكرون انو اني الي مقصر وياج ويفكرون مني السبب تعرفين شنو يكولون عني مو رجال تعرفين لولا لج اني رجال بكل معنى الرجوله اني رجال غصبا على اليسوة والمايسوة وغصبا عليج اني رجال فهمتي لج كلهم يضحكون عليه
زينب ..... اكرم خلي نروح للدكتور بلكي يلكالنا دوة او علاج الي والك
وضرب الطاوله حيل بايده
اكرم .... ي حتى يضحكون عليه بالزايد مو هههه بس اروح للدكتور اعرف شنو راح يحجون عليه بس ماانطيهم فرصه يحجون عليه لو شنو يصير اني مااخليهم يضحكون عليه ولا يجيبون سيرتي بلسانهم منا ورايح فكرت هواي وهواي حتى لو تزوجت عليج لج لو احكرك الكاع والي بيها لو شنو اسوي اضل مااجيب اطفال
زينب ..... اكرم اذا تريد نروح لغير مكان محد يندلنا
اكرم ..... لج منين اجيب فلوس فهميني منين اجيب اهلي تخلوا عني بسببج فهمتي بسببج
زينب .... اكرم انت تكون زوجي والك حق بيه ومااتركك ابد زين خل نتبنى طفل هاي الشغلة مو مستحيلة بلكي تحبني من يصير عدنا ولد يمكن تصير احسن وبلكي تتغير نفسيتك وترتاح
كام وضربني بايده على راسي
اكرم .... لج بكد القندرة وتنصحيني شنو اسوي هاا شوفي اذا يصير مثل ماخططت هاي الشغلة بهاي الليلة هنا راح تنتهي اني فكرت بكلشي اكو طريقة وحده حتى نخلص من هاي الشغلة
زينب..... اني اباوع عليه وارجف من الخوف بلعت ريكي .. شنو هاي الشغلة كال وهو رافع اصبعه بوجهي
اكرم ....... زينب الاصدقاء والاعداء ماراح يعرفون بهذا الشي مهما كان
زينب ...... وطلع مني ضليت ارجف وابجي وهايفه حيل ياالله ياربي كون بعوني يارب دخيل اسمك يارب اوكف وياي وساعدني يارب
ورة ساعة هيج ضليت اخيط لان كل مااضوج او اخاف او انقهر اخيط وشوي ودخل اكرم
وكف كبالي
زينب .... شنو راح صديقك راح اكوم الم السفرة
لزم ايدي وعصرها
اكرم .... شوفي راح تنامين وي احمد جاي تسمعيني شنو احجي راح تنامين وياه
زينب .... ههه اكيد انت سكران
اكرم ..... حقيرة اني مو سكران كلبة جاي تفهمين
زينب .... لزمني من حلكي وعوجه حيل
اكرم ...حجيت وي احمد بكلشي واتفقت ويا فهمتي اريدج تنامين ويا هذا سر بيناتنا وماراح يطلع ابد فهمتي كل ليلة تنامين وياه راح تجيبيلي ولد منه وترجعيلي كرامتي جاي تفهمين نامي ويا فهمتي حقيرة والله اذا فتحتي حلكج بشي اله اشك حلكج شك واكطعج تكطع وافرمج فرم يا كح ... ها وافقتي
زينب .... هوة يحجي واني دموعي تصب وقرب حلكه ونفسه النزفر مني قلبي ضل يدك من الخوف
شنو رائيكم بالبارت ال 3 شنو راح يصير توقعكم للبارت الجاي وبرائيكم زينب راح توافق على الي طلبه منها اكرم اكتبو بالتعليقات اراءكم
🌸🌸🌸🌸🌸🌸
هذا البيج مالتي #قصص_عراقية_وروايات_حقيقية
قصص عراقية وروايات حقيقية
رجاءا لحد يغير صور القصة نفس ما اني ناشرة نشرو الصور
ولحد يحذف ولا حرف من البارت هذا حق وتعب متابعة ممتعة
🌸🌸🌸🌸🌸🌸🌸🌸🌸 واترجاكم لحد يكول كملي وكملي جاي اطول بالبارت علمودكم وجاي اكتب يوم بيومه وباجر السبت ان شاء الله بنفس الوقت انشر الجزء ال 4
وارجع واكول لحد يحذف شي من القصه امانه برقبتكم لان تعبي ولحد يغير الصورة
تحياتي #الكاتبة_زينب_الشوكي
البارتات الجاية كلش مشوقه ومن البارت ال 4 تبدي صدك قصه زينب وحياتها تبديها من ال 4 والبارت الجاي تضهر شخصية