حبيت مجرمة ،، دافعت عن شرفي

الجزء السابع،، حبيت مجرمة

#حبيت_مجرمة

#حبيت_مجرمة
بقلمي #ميديا_الفهد

#البارت_ال7

بهل اثناء دخل عليهم علي  من شاف سعد تخبل وضاج وخزر زينب
سعد.. هلو علاوي شلونك حبيبي
علي ..اهلا خويي الحمد لله انت شلونك خير خما اكو شي ؟
سعد.. اي والله اجيت ابلغ زينب زوجها لزمو الشرطه قصص من حياتنا M&T
علي .. جان خابرتني وانطيتني خبر انت جاي (حجاها بتثاقل) حته اقوم بواجبك؟
سعد.. تسلم حبيبي اصلا اني رايح ، زينب شتحتاجين خابري عليه واني بالخدمة
زينب.. ردت اجاوبه نط علي من يمه كله يعني شتحتاج مثلا اني موجود تسلم اني نصدمت من ردة فعله وخجلت من سعد لان كلش خوش ولد وخلوق ضليت ساكته وراح سعد واني افلت للغرفه وسديت الباب لان مبين عصبي وراح يرزلني.
علي.. وصلت سعد للباب رجعت لكيتها ماكو انوب عصبت بالزايد وصحت عليها زييييينب وينج؟؟؟
زينب .. هاااا ؟؟ وخايفه كلت هذا شبي بكلبي
علي .. اني كم مرة كلتلج الباب متفتحي الاي احد حته لو اني هااااا؟ لو شعبالج  اني مكرن ؟
زينب.. أأأ اي ادري بس من كلت منو وعرفت سعد فتحته اني اعتذر

سعد رجعت للبيت تلكاني ابويه هاا كتلها لزينب وشكالت واني صافن مو يمه مرة افكر بزينب وشلون صايرة حلوة وماكو اثار الضرب والجروح الي بوجها ومرة افكر بطريقه علي شلون استقبلني برود
ابوسعد... سعد ابني شبيك دااسلك شومجاوب؟
سعد.. لايابة بس تعبت من الطريق ، كلتلها لزينب وكيفت خطية
ابو سعد.. هسه المصيبه خاف يجيب اسمها بالتحقيق اصلا متاكد راح يجيب اسمها خطية بعدها صغيرة مو مال تتبهذل بالمحاكم ومراكز الشرطه الله يعينها
سعد .. يابا شنو رايك من يطلع الحكم ع اكرم اجيب زينب واخليها تعترف واني وياك شهود ع تعذيب اكرم الها بلكي يتساهلون وياها وينطوها براءة لان اجتي بنفسها واعترفت
ابو سعد.. اكيد طبعا وهو هذا الصح وان شاء الله اني مااعوفها لو مدري شيصير هاي امانه عندي
سعد.. يابه حسيت البنيه ممرتاحة يم علي
ابو سعد.. ليش شكلتلك زينب؟
سعد .. لايابه محجت شي خطيه بس مادري هيج حسيت
ابو سعد.. لا وليدي علي ابن عمك خوش ولد وشهم وابن اصول وان شاء الله بس يطلع الحكم اروح بيدي واجيبها يمي وبلكي منا للحكم نلكي اهلها #قصص_من_حياتناM&T

زينب.. من حجه هيج عليه متت قهر كلت ولا اسكت الا ارد عليه كتله شوف تره اني لو مو شريفه جان ماقتلت بشر بشحمه وبلحمة ع مود اصون شرفي مو تجي تالي وكت تحجي ويايه هيج صح اني غلطت المفروض ماادخل احد وانت مموجود بس مو تهيني ودكول طببين بكيفج واني اشكرك الف مرة استحملتني ودخلتني بيتك بس لهنا وكافي كل شويه تعيط عليه  وترزل واني راح اطلع وكاع الله واسعه حته لو اعرف اسلم نفسي للشرطه ولا هاي المذله
علي.. هيه تحجي واني ساكت مدري انصدم بحجيها شلون جاوب واللسان مدري اضحك واكول والله هاي الزعطوطه وتعرف تحجي بس من كالت اطلع واعوف البيت مدري شصار بيه عبالك هيه تخصني مو وحده غريبه جمدت بمكاني وعافتني وطبت غرفتها..،، قصص من حياتنا M&T