حبيت مجرمة ،، دافعت عن شرفي

الجزء الحادي عشر،، حبيت مجرمة

#حبيت_مجرمة
بقلمي #ميديا_الفهد
بارت 11
#قصص_من_حياتنا_M&T

علي.. بمجرد ماشوف سعد يباوع او يحجي ويه زينب اموت قهر دمي يكوم يغلي غلي لا وهيه ماخذه راحتها بالسوالف اوف ربي ماكدر ابقه هنا لازم ارجع البيتي خلص.

سعد .. خابرت المحامي جلال والرجال ماقصر ويايه انطي رقم محاميه مختصه بامور الطلاق واتشكرت منه
خابرت ع المحاميه ،، الوو السلام عليكم المحاميه نور؟
المحاميه نور.. وعليكم السلام اي تفضل عيني
سعد.. اخذت رقمج من استاذ جلال
نور .. ياهلا وسهلا بيك وباستاذي ومعلمي جلال
سعد.. والله استاذة عدنه قضيه طلاق ونريد انت تستلمين القضيه
نور.. اي ادلل عيني تعال العصر للمكتب مالتي ونتفاهم وان شاء الله يصير خير ،انطيته عنوان المكتب ،
سعد.. اشكرج استاذة ان شاء الله العصر اني يمج اخذي راحتج واسف ع الازعاج مع السلامة

زينب.. يالله صارت صدك وراح اخلص😀

علي.. اباوع ع زينب خطيه ممصدكة بس تضحك

ابو سعد.. من هسه بنتي اكولج مبروك طلاقج

زينب .. اشكرك عمو ربي يسمع منك واخلص

علي.. عمي اترخص منك اني راجع البيتي

ابو سعد.. يمعود علوش ماشبعنه منك ابقه شعندك هناك
علي.. لا عمي والله مو تدري اني الزم شغل ويه ابويه بالعطل يلا اترخص منك

زينب.. ضجت حيل من كال اريد اروح حسيت روحي تريد تروح وياه وصلوا عمو وسعد للباب وراح 😔

سعد.. اي الحمد لله والشكر راح علي 😌
اي زينب شلونج سمعت اشتريتي مكينه خياطه بالعافيه

زينب.. اي الحمد لله التهي بيها وهم استفاد من الي يطلعلي منها
سعد .. بالخير عليج تستاهلين كل خير
يلا يابه اني اروح انام تعبان من الطريق حته العصر اخذ زينب ونروح للمحاميه ،، زينب عود بال5 حظري نفسج حته نروح

زينب.. اي ان شاء الله ، رحت للمطبخ طبخت غدة ونظفت البيت وطلعت غسلت الطرمة وتبللت غركت بالمي باوعت ع نفسي يبوه خلي اطب بسرعه ابدل ملابسي هاي الدشداشه فضيحة ونوب لونها فاتح فتت للبيت وصار سعد بوجهي اويلي ع الفشله راسا ركضت للغرفه

سعد نمت شويه كعدت جوعان لان مماكل شي طلعت من الغرفه والكه زينب كدامي بس شلون منظر اويلي يابه مبلله دشداشتها وكلشي مبين 👙هههههههههههه بس اني سويت نفسي ماباوعت عليها ودنكت راسي وهيه طكتها بركضه بقيت اضحك عليها شلون الطفله والله حرام هذا اكرم النذل ياخذ هيج ورده ونوب ميصونها اني لو منه اضمها بقوطيه وماخلي احد يشوف طولها

زينب بدلت دشداشتي ولبست وحده عريضه وطلعت صبيت غدة السعد والعمو اني ماآكل وياهم استحي وخاصه من سعد موجود صبيت بالمطبخ وكعدت اكل خلصنه اكل وشربنه جاي وسعد كام يلا اروح ابدل حته نروح انتي هم حضري نفسج كلتله اي صار