ဖခင်အများစုကသူတို့ရဲ့သားဦးကို ယောက်ျားလေးဖြစ်စေလိုကြတယ်။ဖေဖေဟာလည်းအဲ့အတိုင်းပဲ သားယောက်ျားလေးကိုအလိုရှိခဲ့ပါသတဲ့။
ကျွန်မရဲ့မျက်နှာကိုသူမြင်ရတုန်းက ကျွန်မရဲ့လိင်အင်္ဂါဟာသူ့ကိုစိတ်ပျက်စေခဲ့မှာပဲ။ ကျွန်မကသူလိုချင်တဲ့သူအားကိုးရမယ့် သားတစ်ယောက်မဖြစ်နိုင်ခဲ့လို့။သူများသမီးငယ်လေးတွေဆံပင်ရှည်ထား ဂါဝန်ဝတ်
ပြီးဘိုမရုပ်လေးတွေနဲ့ကစားနေတဲ့တဲ့အချိန်မှာ
ကျွန်မကတော့ ဆံပင်တိုတိုဘောင်းဘီတိုရှပ်အင်္ကျီဝတ်ပြီး စစ်တိုက်နေလေရဲ့။ဟိုတစ်နေ့က မီးမီးဝတ်လာတဲ့ ဇာဂါဝန်အနီရဲရဲလေးကသိပ်လှတယ်။ ဖိနပ်လေးနဲ့ခေါင်းပေါ်ကဘီးကုတ်လေးကလည်း အနီရောင်လေးပဲ။
ကောင်မစုတ်လေးကရွှေပြည်နန်းလိမ်းပြီးနှုတ်ခမ်းနီတောင်ဆိုးထားသေးတာ။
မေမေ့မှန်တင်ခုံရှေ့ကထိုင်ခုံမှာ မတ်တပ်ရပ်ပြီး နှုတ်ခမ်းနီိထောင့်ကိုအားပါပါဖွင့်လိုက်တယ်။ လက်မထိန်းနိုင်လို့ နှုတ်ခမ်းနီကအဖုံးနဲ့ခြစ်မိပြီး အပေါ်ပိုင်းပြတ်ထွက်သွားတယ်။ မေမေဆိုးသလို နှုတ်ခမ်းနီကိုနှုတ်ခမ်းပေါ်ဖိဆိုးလိုက်တယ်။
မသေသပ်တဲ့လက်ရာကြောင့် နှုတ်ခမ်းတစ်ခုလုံးပေပွပြီး နှုတ်ခမ်းနီထောင့်ဟာလည်း ကြမ်းခင်းပေါ်ပြတ်ကျသွားပြန်တယ်။လေးထောင့်ခြင်းထဲမှာ ထည့်ထားတဲ့အမည်းရောင်အချောင်းလေးကိုထပ်ယူတယ်။ အားစိုက်ပြီးဖွင့်ထုတ်လိုက်တယ်။ ဒီတစ်ခုကတော့အဆင်ပြေတယ် ဘာမှမှမဖြစ်ဘူး။ မျက်ခုံးတစ်ဖက်တစ်ချက်စီ ကွေးကွေးလေးဖြစ်အောင်ဆွဲလိုက်တယ်။ အနံ့ပြင်းပြင်း မျက်နှာချေဗူးကို ယူဖွင့်လိုက်ပြန်တော့ ပေါင်ဒါမုန့်တွေက ဖွေးခနဲ ဖွာကျလာတယ်။ ကိစ္စမရှိဘူး ဖော့တုံးကိုယူပြီး မျက်နှာကိုပုတ်လိုက်တယ်။