Kalaban ng Bayan
*****
Maraming problema ang hinaharap ng bayan
Isa na ang drogang kalaban ng lansangan
Saan ka man tumingin, may adik sa tambayan
Araw-araw may natotokhang ng kapulisan.
Hindi nawawala ang madugong barilan
Hindi nawawala ang hagulhol ng pamilyang naiwan
Hindi nawawala ang mga bangkay sa daan
Na may karatulang nagsasabing, "'Wag ako tularan."
Iba't iba ang dulot ng droga sa lipunan
Isa na rito ang masaklap na kamatayan
O kaya ang pagpunta sa madilim na kulungan
At ang pagluha ng mga mahal na naiwan.
