#الوريثه
القصة جريئة
الجزء 9
------------------
ماريا: ابتعدت عن امير جان احلى حضن 🙈 حضن كلش حنين رفعت راسي شفت تاليا صافنة علينة 🙊🙊 الصراحة حقها هيج تباوع علية اوف شسويت اني
تاليا:: بعد مشفت ماريا شافتني كلت الامير عفية عليك امير مبين عليك التعب وعفتهم وطلعت
امير: رفعت راسي مصدوم من سمعت صوت تاليا بعدين تذكرت من خابرتني وكلتلي راح اجي باوعت ع ماريا ساكتة عفتها ونزلت خابرت على تاليا متجاوب ظليت اخابر متجاوب صرت عصبي وردت اكسر الموبايل اجتي ماريا وكالتلها المكالمة متفيد روحلها للبيت احسن طلعت من البيت ورحت البيت تاليا دكيت الباب طلعتلي امها
ام تاليا:تفضل حبيبي اموري
امير: تاليا موجودة بالبيت
ام تاليا: اي بغرفتها
رحت التاليا لكيتها كاعدة صافنة ع الشباك وتلعب بااظافيرها كتلها تاليا رجاءآ لتفهمينا خطأ هي جانت مقهورة وصار الي صار
تاليا:: شنو شايفني غبية بحياتك كلها محاضني هيج انت حضن كلة حب ورقة ورومانسية جنت تحضني على كد الي تريدة احجي واصيح على امير اخر شي كتلة عووووفني واطلع برة طلع امير واني انهاريت دك موبايلي شفت المتصل ادهم اووف شيريد مني هذا
جاوبتة اهلا ادهم
ادهم : شلونها اجمل عارضة ازياء
تاليا: تمام😌
ادهم: اكدر اشوفج باجر عندي موضوع وياج
تاليا: ماشي وين اشوفك
ادهم : انتظريني بالحديقة الي يم بيتكم
تاليا : ماشي😊
ماريا: اني ليش ضايجة اوي شعلية بيهم مليت بالبيت وحدي وشتاقيت الدنيا حبيت اونس نفسي شغلت التلفزيون كلبت بي طلعت اغنية حسام اليوم اجمل يوم بعمري اغنية تشجع ع الركص واني اعرف اركص فتحت شعري وبديت اركص (( اليوم اجمل يوم بعمري اليوم اجمل يوم اليوم اغلى انسان بحضني اليوم احلى يوم )) اركص وافكر واكول اكيد امير هم ديحس بشي تجاهي وظليت اركص رحت بعالم ثاني
امير: رجعت للبيت ضايج من تصرفت تاليا سمعت صوت الاغاني عرفت هاي ماريا رحت للصالة شفتها دتركص على اغنية حسام ظليت واكف بالباب اباوع عليها تركص وتحرك بشعرها ركصها يخبل متت عليها😍😍😍 حتى الضوجة الي عندي راحت منين طلعتلي ياماريا وكلبتي كل مشاعري
ماريا:((تدري حبيبي لوماتدري اليوم اجمل يوم )) يغني حسام هذا المقطع واني اركص واعيدة ورا وبعدين انتبهت على امير يباوع علية كلش خجلت حاولت انهزم منة لزمني من ايدي
امير: شافتني وخجلت مني حاولت تنهزم لزمتها من ايدها كتلها وين رايحة ليش تخجلين مني شنو اني غريب ابقي هيج متونسة
ماريا:: من حجة وياية خجلت بعد اكثر معرفت شحجي بقيت صافنة
امير: رحت تقربت منها وشاورتها خوش تركصين وغمزتلها😉
ماريا : مجرد تقربة مني خلة جسمي كلة يرجف
بقيت اغمض بعيني وافتحها اهدي ماريا شبيج ترة مكلج شي
صعدت بغرفتي احس نفسي مرتاحة الامير 😍🙊 وينك يااحمد تجي تفهمني شديصير بية
امير: بقيت افكر بماريا واتذكر ركصها معقولة حبيتها 😩 شبسرعة هيج حبيتها بس هي شنو البيها مينحب حتى موضوع خلتني انسة موضوع تاليا
ماريا: كعدت الصبح بقمة نشاطي لكيت الريوك متحضر رحت للمطبخ اركض ندوووووووش انتي اجيتي😍 حضنتها وبوستها وكتلها ليش عفتيني موتعرفيني محتاجتج 😢
نادية ؛ حبيتي صدكيني موبيدي امي جانت مريضة واخذت اجازة من سيد امير ورحت شفتها ومن صارت زينة رجعتلج
ماريا: سلامتها .. الله يحفظها الج ❤️
نادية: امين.. الله يحفظ جميع الامهات 😊
ماريا: ندوش اريدج تجين وياية اريد احجي وياج بموضوع🙈
صعدنا اني ونادية الغرفتي وحجيتلها على امير وكتلها اني كمت اضوج من اشوف تاليا ويا مااحب وحدة تتقرب منة عيني لااراديآ تروح عليي
نادية : واضحة
ماريا: شنو هي الواضحة
نادية: انتي تحبين امير وحسب مكلتلي على تصرفاتة وانو هو تغير وياج مبين هو هم يحبج
ماريا: صدك نادية تعتقدين انو امير يحبني😍
نادية: حسب الي كلتلي اي يحبج😉 يلا بدلي لتتاخرين ع الشغل
ماريا: ندووووش كلش فرحانة اني 🙈
نادية: دوم الفرح حبيبتي
امير: بدلت ونزلت باوعت على ماريا ابتسمتلها وابتسمتلي نزلنا سوية شو اليوم مكاعدة قبلي
ماريا: كعدت بس جنت فوك احجي وية نادية
امير: اهاا جيد
ماريا:: تركينا وصعدنا وراها بالسيارة كالعادة لازم اشغل الراديو طلعت اغنية (( يمة اريدة اريدة اريدة😍🙈)) جان يتقرب مني امير وكلي هاي تشجع للركص اكثر ويضحك وغمازتة تجنن وصلنا للشركة كالعادة استقبلتني اماني تحجيلي شنو عندي اليوم شغل خلاص اماني كل وقت بوقتة كوليلي ادوخ هيج 😤
اماني: صارت ست ماريا
امير : طلعت من مكتبي باوعت ع ماريا طلعت وية اماني وشفت ٢ من الموظفين يباعون عليها ومشالوا عينهم منها خزرتهم يلا حسوا على نفسهم اني مااتحمل بعد اخليها بعيدة عني اخاف احد ياخذها مني اريدهااا الي وحدي لذلك قررت اعوف تاليا واتزوج ماريا وشيصير خلي يصير
يتبع.....
