صباح يوم جديد..الجمعة
راشد ينادي روان: روان يله قومي
ويحركها بقرف : قومي خلصيني
روان: هاه
راشد : قومي ،الكلب قاعد يدق عليكي
روان قامت بسرعة: محمد ؟
راشد: ايه اخلصي كلميه وافتحي الميكرفون
روان خذت التليفونوبخوف : الو
محمد : هلا عمري
روان : هلا فيك
محمد : للحين نايمه
روان : لا الحين رح اقوم
محمد: انزين يله ساعة واكون في المجمع
روان: اوك ،وسكرت التليفون
راشد سحب التليفون من ايدها وطلع من الغرفة
روان: اففف وسحبت البطانية ونامت
########
في فلة ابو عبدالله
شهد قاعدة بالحديقة ومساكه جوالها تتابع المسلسل التركي💖
عبدالله من وراها: شتسوين
شهد : ......
عبدالله حط ايده على كتفها وهزها : يا هوو
شهد باندماج مع المسلسل : دقيقة دقيقة
عبدالله سحب الجوال من ايدها: اربعه وعشرين ساعة مسلسلات ،خلاص يبا ارحمي نفسك
شهد: طيب
عبدالله يقرص خدها: شخبارك اليوم
شهد بضحكة: بخير
عبدالله: سمعت انك كنتي تعبانة امس
شهد : لا ما كنت تعبانة بس جاتني دوخه
عبدالله وهو يحب راسها: ما تشوفين شر يا حياتي
شهد حضنته بقوة : الشر ما يجيك
عبدالله بابتسامه : شهوود
شهد بعدت عن حضنه: هلا،ليش تضحك
عبدالله : يوم الاحد بنروح المزرعة
شهد: شنو!؟ جد
عبدالله :ايه والله،يله قومي جهزي نفسك وقولي للبنات
شهد قامت ركض وهي طايره من الفرحة
عبدالله بضحك: هبلة
#######
عند محمد ..
راح المجمع ما شاف روان
ارسل لها مسج : روان وينك ،انا وصلت المجمع
راشد رد عليه :تعال عند البوابة3
محمد راح عند البوابة 3
راشد من وراه : اجل هذا انت
محمد التفت له : راشد!
راشد : شنو؟ ليش استغربت
محمد : شنو تسوي هني
راشد قرب منه : انت اللي شنو تسوي هني يا***
محمد بعصبيه : احترم نفسك
راشد قرّب منه اكثر : واذا ما احترمت نفسي
محمد :راشد انا ما ابغا اقلل احترامي لأنك خويّي من ايام المدرسة
راشد باستهزاء: والله! انت كذا تحترم خويّك ؟!، مسكه من دشداشته ودفّه : مواعد اختي يا ابن ال....
محمد: شنو ؟! روان اختك
راشد : ايه روان اختي
محمد :.......
راشد: انا ما رح اسوّي فيك شي ،بس انا عارف شلون اأدبك ، وراح عنه
##########
ب فلة ايو عبدالله الساعة 7 م
ام عبدالله نازلة على الدرَج وهي تلبس برقعها
مها: يما وين رايحة
ام عبدالله : يمه خالتك هاجر (ام مشاري) تعبانة شوي وبروح اشوفها
سارة: شفيها
ام عبدالله : ما فيها الا العافية يما لا تخافون
عائشة: انزين نجي معاكِ؟
ام عبدالله: لا ماله داعي مارح اطول عندها ومحمد بيوصلني وينزل معاي
عائشة: انزين حافظك الله
* قدام باب الفلة ورا الشجر
راشد موّلع زقارته وواقف يراقب الفلة
شاف محمد وامه طالعه وبخبث قال : حلو ،الحين ما بقى بالبيت الا البنات ( ابو عبدالله وعبدالله بالشركة ومحمد وام عبدالله رايحين لام نواف )
* داخل الفلة
سارة : انا بطلع غرفتي مررره نعسانه ابغا انام لحد يقعّدني لو انقلبت الدنيا
شهد: وانا بطلع غرفتي اشوف مسلسلي
عائشة : لا والله !، وانا بقعد بروحي
شهد باستعباط : لا روحي اقعدي مع ماري بالمطبخ
عائشة وهي تقط عليها ريموت التليفزيون : اقول فارقي بس
شهد طلعت ركض على الدرَج وهي تضحك
عائشة طلعت الحديقة تشم هوا
