إيــه أحبـــك

البارت الخامس عشر 🎆

عند عبدالعزيز ..
منسدح على الكنبة يناظر تليفزيون
روان نزلت من غرفتها وخي لابسه جلّال الصلاة وقعدت جمبه وقالت: عبدالعزيز
عبدالعزيز ناظرها باهتمام : هلا
روان : انا بروح اليوم
عبدالعزيز: وين
روان: لين متى بقعد هنا
عبدالعزيز: انتي متضايقة من القعدة عندي ؟انا ضايقتك بشي؟
روان: لا انت ماقصرت معاي ،بس انا ما ابغا اقعد هنا اكثر
عبدالعزيز: نوف احنا قد تكلمنا بهالموضوع من قبل صح ؟
روان: اي
عبدالعزيز: وشنو قلتلك ؟،قلت ما رح تطلعين الا ما تلقين مكان تروحين له ،صح او لا
روان بانفعال: بس انا قلت لك ما ابغا اقعد هنا ،انت مشكور فتحت لي بيتك ،بس انا ما اقدر اقعد ببيت غريب ، وقامت : عن اذنك انا رايحة
قام ومسكها من زندها : ما رح تروحين
روان: عبدالعزيز لا تمنعني ،ان..
قاطعها ببوسه طوييلة على شفايفها
روان بصدمة بعدت عنه وراحت غرفتها ركض
بعد دقايق راح لها ،فتح باب الغرفة ودخل
طلعت من الحمام( الله يكرمكم) وهي لابسه الروب ،شهقت لما شافته ودخلت الحمام مرة ثانية وقفلت الباب
ابتسم على شكلها وطلع من الغرفة وقال بصوت عالي: انا طلعت
#######
بفلة ابو عبدالله..
سارة بعد ما اغمى عليها بنص ساعة فتحت عيونها وحاسه بصداع فظيع براسها ،التفتت وكان ابوها قاعد جمبها : سلامات
سارة ببحه: الله يسلمك
ابوعبدالله: شلونك يبا الحين
سارة: الحمدلله
ابوعبدالله : تحسين بعوار ؟
سارة : ايه راسي شوي مصدع
تذكرت اللي صار واتوردت خدودها واستحت من نظرات ابوها
ابوعبدالله : سارة انتي موافقة على مشاري ؟
سارة : ما ادري ابغا افكر شوي
ابوعبدالله : اخذي راحتك ،بس لازم تعرفين ان مشاري رجال ويستاهلك
سارة: ان شاء الله يبا
طلع وتركها : يله بامان الله
سارة ابتسمت من قلب وقالت بنفسها (ادري يبا انه رجال )وقامت دخلت الحمام ( الله يكرمكم )تتروّش
########
عند العنود ...
واقفة بالمطبخ تقطع سلطة ،حسّت ببوسه على عنقها الطويل ،التفتت: فيصل !
فيصل وهو يمثّل الزعل :شنو ؟ ما فرحتي لما شفتيني ؟ اروح يعني
العنود: لا بس قصدي غريبة جاي بهالوقت
فيصل : غسلي ايدك وتعالي ابغا اكلمك
غسلت ايدها وباستغراب طلعت له ،قعدت جمبه عالكنبة
قال بابتسامه: انا اخذت اجازة من شغلي ،وطلّع التذاكر من جيبه وبابتسامه قال : عشان نسافر
العنود بابتسامه : وين
فيصل : وين ودك تروحين
العنود : انت تعرف الجواب
مد لها التذاكر : افتحيها
فتحتها وشهقت : الهند! ،امنية حياتي اروحها ونطت بحضنه ،حضنته بقوووة : الله لا يحرمني منك
فيصل : ولا منك
بعدت عن حضنه وناظرته بحب ،نزل على شفايفها وذاب فيها
########
ببيت الجدة ..
عبدالرحمن والجدة قاعدين يسولفون
عبدالرحمن : يمه ،انا ابغا اسوّي حفلة صغيرة لنوف عشان ما تحس انها ناقصها شي عن باقي البنات ،يعني تزوجتها بدون حفلة وبدون ما تلبس الفستان الابيض ،شرايك
الجدة: ايه اكيد بنسوي لها يمه ، نوف تستاهل كل خير
ابتسم من رد امه : اجل نبدا التجهيزات وقام
الجدة ابتسمت ان وفاة مريم ما اثّرت عليه كثير ودعت لها بالرحمة
#######
عند روان ..
بعد ما طلعت من الحمام ( الله يكرمكم) قاعدة تنشّف شعرها ولابسه بيجامتها البنفسجية
عبدالعزيز دق الباب وفتحه شوي :ادخل ؟
روان: لا
دخل وقعد قدامها على السرير
روان: انا قلت لك لا تدخل
عبدالعزيز: ابغا اكلمك شوي
روان : نعم
عبدالعزيز : اول شي انا اسف اني قرّبت منك .لا تزعلين مني
روان بدون اهتمام قاعدة تنشف شعرها
مسك ايدها واخذ السشوار من ايدها وقال: اتركيه شوي واسمعيني
روان رفعت عيونها بعيونه : تفضل ،اسمعك
عيدالعزيز: روان انتي غير كل البنات اللي عرفتهم ، و انا حيل ارتحت لك، ما ادري ،فيج شي غريب فيج شي غير
روان نزّلت راسها ماتبي تسمع مجاملات منه اكثر من كذا
رفع راسها باصبعه : روان تتزوجيني ؟
ضحكت باستهزاء : شنو شنو
عبدالعزيز مصدوم من ردة فعلها
روان : اتزوجك! ،اتزوّج واحد نايم مع مليون وحده ؟
عبدالعزيز انصدم بزيادة من تفكيرها وتصنّم ما قدر يتحرك ولا يتكلم
روان: شفيك سكت ،هذا جزاي اني عطيتك وجه ، عبدالعزيز انت فهمتني غلط انا لما جيت لك جيت عشان محمد مو عشانك والحين انا رايحه ولا تحاول تمنعني
قامت وقعدت تلم اغراضها بشنطتها
وعبدالعزيز للحين بصدمة ،قام وتركها و طلع
لمّت اغراضها بسرعة وخذت شنطتها وراحت الصالة تركت الجوال اللي اشتراه لها على الطاولة : مشكور ،ما قصّرت
وطلعت
#########
بفلة ابو نواف ..
ام نواف قاعدة على سجادتها
مهند دق على الباب : تفضل
دخل وحب راسها : تقبل الله
ام نواف : منا ومنك يا وليدي
مهند : شلونك يالغالية
ام نواف : الحمدلله ،غريبة جاي غرفتي ،بالعادة تنطرني تحت
مهند بابتسامة : لا ما يصير تحت ابغا اكلمك بموضوع بيني وبينك
ام نواف باهتمام: هلا
قعد على الارض قدامها : يمه انا قررت اتزوّج
ام نواف بابتسامة: صدق !
مهند : ايه صدق
ام نواف : واخيرا يا وليدي ،اخيرا بفرح فيك ،انا بدوّر لك على بنت الحلال
مهند: لا يما هيا موجودة
ام نواف باستغراب: منو
مهند: في وحدة انا معجب فيها
ام نواف خافت يكون ابنها مسوّي شي غلط : مين
مهند بابتسامة : يمه لا تفهميني غلط ،انا ابغا مها بنت خالتي
ام نواف قعدت تزغرط
ومهند ابتسم ان اختياره عجب امه
سعود دخل الغرفة بعد ما سمع صوت امه : شالسالفة
ام نواف : اخوك بيتزوج
سعود : جد ؟ منو
ام نواف : بنت خالتك
سعود خاف يكون قصدهم على شهد وقال بتوتر : منو بنت خالتي
مهند بابتسامة : مها
هنا سعود ارتااح وقال : الف مبروك يالغالي
مهند : عقبالك
#########
عند عبدالرحمن ...
دخل البيت
كانت نوف قاعدة بالصالة وجنة نايمة بحضنها
عبدالرحمن: السلام عليكم
نوف التفتت له: وعليكم السلام ورحمة الله وبركاته
قرب منها وطبع بوسه على خدها وحمل جنة وهي نايمة وقال: نوف تعالي معاي
راحت معاه بعد ما نيّم جنة بغرفتها
عبدالرحمن: نوف ،انا قررت اسوي حفلة لنا
نوف: حمني انا قلت لك انه ماله داعي
عبدالرحمن: الا له داعي ،وناظرها بابتسامة خبث :حتى قاعد افكر اخذك ونسافر بروحنا
نوف استحت من نظراته
عبدالرحمن: شرايك
نوف: انزين متى بنسوّي الحفلة ؟
عبدالرحمن وهو يقرص خدودها : قاعدة تصرفيني هااه
نوف :حشا
عبدالرحمن ابتسم : انزين ،الحفلة كل شي فيها جاهز الا انتي
نوف: شلون ،انت جهزت كل شي ؟
عبدالرحمن : ايه مجهز كل شي ،واليوم بنطلع انا وانتي نشتري لك فستان
#########
عند روان ..
بالشارع ما تدري وين تروح ،بخاطرها تروح فلة ابو عبدالله عند محمد بس خايفة من محمد
اخر شي قررت تروح ،مالها احد تروحله الا اللي ضيع لها شرفها
وصلت عند باب الفلة ومدت ايدها عشان تدق الجرس بس تراجعت ،مشت بالطريق بحزن حاسه انها ضايعة ما تدري وين تروح ووين بتنام !!
وقفت بالشارع تدوّر على تاكسي ،مرّت من قدامها سيارة
بالسيارة .. بعد ما شروا الفستان..
قاعدة تناظرها باستغراب كانها شايفتها من قبل : حمني
عبدالرحمن: ها
نوف : وقّف السيارة شوي ،تشوف البنت هذي
عبدالرحمن وقف باستغراب : حياتي شفيج
نوف : هذي انا شايفتها من قبل ،وفجاه شهقت : رواان
نزلت من السيارة وراحت لها ،وعبدالرحمن بعد ما ركن السيارة بجمب نزل لهم
نوف : انتي ليش ماشيه بالشارع بروحك
روان ما قدرت تمسك دموعها وقعدت تصيح
نوف قعدت تهديها ،والناس اللي بالشارع كلهم يناظرونهم ،اخذتها وراحت للسيارة : روان انتي وين كنتي جايه هنا
روان: كنت جايه للي سوا فيني كذا
نوف: منو
روان : نوف الله يخليج اتركيني انا قصتي طويلة وصعبة
نوف: بس اكيد مو اطول ولا اصعب من قصتي
نوف ناظرت عبدالرحمن ،فهم عليها ونزل من السيارة عشان ياخذون راحتهم
نوف: يله ما بقا احد غيرنا ،قولي لي يا قلبي فضفضيلي
مسحت دموعها :نوف انا قبل كنت اكلم شباب ،وكنت اكلم واحد اسمه محمد ،بيوم اخوي سمعني وانا اكلم محمد واخذ رقمه مني ،وتعرض له ولاخته صارت مشاكل واجد ،وبعدين محمد انتقم مني على اللي سوا اخوي ،ضيّع لي شرفي
نوف شهقت
روان كملت: وبعدين بيوم كنت نازلة عالدرج دخت وطحت ،يوم نقلوني عالمستشفى قالوا لابوي ان البيبي اللي ببطني طاح ،وابوي واخوي انصدموا وضربوني وطردوني من البيت
نوف: بعدين انتي رحتي لعبدالعزيز !
روان : محمد يوم اغتصبني ،كنا ببيت عبدالعزيز ،وانا رحت لعبدالعزيز عشان اشوف محمد
نوف وهي تمسح لها دموعها: حسبي الله ونعم الوكيل
روان : بس والله انا تبت
نوف: بيت محمد هنا ؟
روان : ايه ،بالشارع اللي ورانا
نوف: انزين انتي ما عندك احد تروحين له
روان: بشوف اي وحدة من رفيجاتي
نوف: لا ما رح اتركك ،اليوم تنامين عندي
روان وبخاطرها تقول لها يااااليت: لا ما اقدر
نوف: لو سمحتي ما ابغا اعتراض ،يله امسحي دموعك على ما انزل انادي عبدالرحمن
نزلت له وهي خايفة يتضايق اذا قالت له ان روان بتنام عندهم : عبدالرحمن
عبدالرحمن : هلا نوف
نوف: ابغا اقول لك شي
عبدالرحمن بخوف : قولي،صاير شي؟
نوف: انا سوّيت شي بدون ما اقول لك اخاف تتضايق
عبد الرحمن: نوف لا تخوفيني قولي شصاير
نوف : انا قلت ل روان انها بتجي تنام عندنا اليوم ،المسكينه ما عندها مكان تنا..
قاطعها : نوف شفيج البيت بيتج ،خوفتيتي عبالي انتي سويتي مصيبة
نوف: بس اخاف امي تتضايق
عبدالرحمن بابتسامة: امك
نوف ضحكت: ايه ،امك هي امي
حضنها : لا تخافين امك ما رح تتضايق
نوف: انزين يله تاخرنا على البنت
راحوا لها ..
نوف ركبت ورا جمبها ،وعبدالرحمن حرّك السيارة
مرّوا من قدام فلة ابو عبدالله
روان ناظرت الفلة ونزلت دموعها
نوف : شفيج ،مو اتفقنا ما تصيحين مرة ثانية
روان بخنقه : هذا بيت محمد
نوف انصدمت : شنو ،محمد ال...
روان: ايه من وين تعرفينه
نوف :هذا يصير لي،انا زوجة خاله
روان: شلوون
...
...
بعد شجار طويل بين نوف وروان ^روان تبغا تنزل من السيارة بعد ما عرفت ان نوف زرجة خل محمد ونوف مو راضية تتركها وقاعدة تحاول قعنعها انها مارح تخبّر محمد عنها ^
بعد ما وصلوا البيت ونزلوا من السيارة ،نوف وصلت روان على غرفة فاضية : هذي غرفتك
روان : مشكورة نوف
نوف : لا تشكريني يا قلبي انا ما سويت شي ،بس ابغاكي تعرفين شي ،،انتي اختي اللي ما جبتها امي ،ويعلم الله اني ارتخت لك مرره يا روان ،،
روان : الله يسعدك يا نوف والله انك سعادة
نوف: تبين تتروشين ،ولا بتنامين
روان : لا بتروّش
نوف: انزين اجيب لك ملابس ولا عندك
روان : لاعندي يا حياتي مشكوورة
نوف : انزين ،اذا احتجتي شي ،دقي على باب الغرفة اللي بجمب الغرفة هذي ،رح اكون فيها
روان: اوك
طلعت من الغرفة وراحت لغرفتها : حمني قلت لامي
عبدالرحمن: لا امي نايمة ،بكرة نقول لها ان شاء الله
نوف: ان شاء الله
..
..
صباح يوم جديد ..
عند نوف..
بعد ما قعدت من النوم وتروّشت راحت غرفة روان
دخلت واتفاجأت لما شافت الجدة قاعدة تمسح على راس روان : يما
الجدة : اشش قصري صوتك يما
وقامت خذت نوف من ايدها وطلعت بره
نوف: يما شصاير
الجدة: ما ادري ،دخلت الغرفة وسمعتها تذي وتقول كلام مو مفهوم ،منو هذي يمه ؟
نوفبتوتر: يمه هذي صديقتي ،ما لها مكان تروح له ،بس ان شاء الله بتشوف مكان تروح له اليوم ،انا اسفة اني جبتها بدون اذنك
الجدة كانت متضايقة من وجود روان بالبيت بس بعد ما سمعت كلام نوف واسلوبها الجميل ارتاحت: لا عادي يا بنتي البيت بيتك ،يله نادي عبدالرحمن عشان الفطور جاهز
نوف: ماشي
########
عند عبدالعزيز ..
بعد ما قرا المسج اللي وصل له من عبدالرحمن ( السلام عليكم ،عبدالعزيز روان عندنا ،عشان ما ينشغل بالك عليها )
ارتاااح واخذ له دش وطلع من البيت باتجاه بيتهم ،بعد ما طلب العنوان من عبدالرحمن
..
..
نوف فطرت بسرعة وخذت صينية فيها اكل ل روان وطلعت لها الغرفة
نوف: روان
روان : مممم
نوف: يله قومي حبيبتي
روان بهمس ورجفة : مو قادرة
نوف : في شي تاعبك
روان وهي ترجف قالت: مصدعة
نوف لمست راس روان تشوف حرارتها قالت بخوف : روان حرارتك مرتفعة ،قومي قومي
خذتها عالحمام ( الله يكرمكم) وفتحت عليها الماي عشان تحاول تخفض حرارتها
..
..
عبدالعزيز وصل للبيت ،ودق على عبدالرحمن
طلع له وسلم عليه
عبدالعزيز: شخبار روان
عبدالرحمن: والله ماشي الحال ،قاعدة تحاول تصير بخير
تنهد بضيق
عبدالرحمن: كل شي رح ينحل ،لا تحاتي
عبدالعزيز: ان شاء الله
عبدالرحمن: حيّاك ،تفضل
دخلوا عالمجلس ،عبدالرحمن : استريح
وطلع من المجلس
الجدة خذته بجمب : ممكن تفهمني شنو اللي قاعد يصير
عبدالرحمن: يمه لا تخافين مافي شي
الجدة بصراخ :شلون ما تبيني اخاف ،وانت كل شوي مدخل احد غريب ببيتي
عبدالرحمن : يما انتي مو واثقة فيني ؟ حب راسها
وتركها وطلع لغرفة روان
الجدة: هيّن يا حمني ،اجل تصرّفني ببوسه!
دق على الباب فتحت له نوف وقال لها ان عبدالعزيز يبغا يطلع يشوف روان
نوف: اوك ،قفلت الباب وراحت على غرفة جنة
عبدالرحمن نزل لعبدالعزيز وقال له : تفضل معاي
طلع معاه عالغرفة ،دق عالباب ودخل .. كانت لافه البطانية عليها وترجف
قرّب منها بخوف: روان
انصدمت لما شافته : عبدالعزيز !
قعد قدامها على السرير ومسك ايدها: يا عيون عبدالعزيز ،شفيج
مسكت ايده بايدينها الاثنين بقووة
عبدالعزيز بخوف : شنو اللي تاعبك
روان: كل جسمي يعوّرني مو قادرة
لمس راسها بايده ،وسحب البطانية من عليها بسرعة
روان وهي ترجف : بررد مو قادرة
حضنها بقوة لدرجة ان ضلوعها كانت بتتكسر وقعد يدفّيها بإيدينه بعد دقايق حس بثقل جسمها عليه قال بهدوء: روان
بعدها عنه بهدوء وهي نعسانة ونيمها على السرير ،بعّد شعرها عن وجهها وقعد جمبها
########
فيصل والعنود أجلوا سفرتهم عشان حفلة نوف وعبدالرحمن

نوف قالت لعبدالرحمن عن محمد واللي سواه في روان ،وقالت له يكلمه بهالموضوع

بعد ساعتين فتحت عيونها وكان عبدالعزيز نايم بجمبها بعد ما تعب من الانتظار ،ابتسمت لما شافت شكله وهو نايم طبعت بوسه على خده ونامت بحضنه

مر اليوم وعبدالرحمن يجهز لحفلتهم اللي موعدها بكره
يوم الجمعة الساعة ١ ونص العصر
عبدالرحمن وعبدالعزيز طالعين من المسجد ولابسين اللبس الخليجي ( دشداشة بيضا وغترة وعقال )
وصلوا البيت ..
عبدالعزيز : عبدالرحمن شوف روان اذا فامت من النوم خلها تنزل لي هنا
عبدالرحمن : لا يا معوّد ادخل ،حياك
عبدالعزيز : لا ما ابغا ازعجكم
مسكه من ايده ودخلوا داخل ..
عبد العزيز طلع ل روان عالغرفة : السلام عليكم
التفتت له : وعليكم السلام ،تقبل الله
عبد العزيز : منا ومنك ،روان ما عليه نتكلم شوي
روان: تفضل
قعد جمبها : روان ما غيرتي رايك
روان تسوي نفسها مو فاهمة: بشنو ؟
عبدالعزيز: فيني
نزلت راسها
قال: لا تنزلين راسك ،ارفعيها وقولي اللي بقلبك
قالت: عبدالعزيز انا خايفة
عبدالعزيز : من شنو خايفة يا روان
روان: ما ادري ،اخاف اندم بعدين
عبدالعزيز: انتي للحين مو واثقة فيني صح ؟
روان : ما ادري
عبد العزيز: شنو ما ادري؟ ،روان صارحيني
ناظرت عيونه ،وقال: وعد ما رح تندمين
قالت: موافقة
عبدالعزيز بدون تصديق: على شنو
ضحكت: نتزوج
حضنها بقووة ،واخذها وراحوا عالبيت

صارت الساعة ٤ العصر ..
البنات لبسوا وتمكيجوا وراحوا الصالة
نوف وروان للحين عند الكوافيرة
خلصوا وراحوا على الصالة ..
البنات بصالة والشباب بصالة ثانية ،دخلت نوف بفستانها الابيض الواصل للركبة ومن الركبة للارض نازل شيفون ،وبمكياجها النااعم الهادي اللي لايق على ملامحها
بعد ما زفّوها ..
دخل العريس ،بس روان لبست عبايتها وحجابها لان عبدالرحمن مو محرم لها
وصل للعروسة ببدلته السودا وحب راسها وقعد جمبها لبّسها خاتم كان شاريه لها مفاجئة،والكل سلم عليهم
وانتها اليوم بسهرة رومانسية ل نوف وعبدالرحمن
وروان وعبدالعزيز راحوا على بيتهم بحب

انتهى البارت
اتمنى يكون عجبكم ..
Snapchat: smoo_375
احبكم 💜💜
بالبارت الجاي رح اكتب لكم كل تفاصيل الحفلة