وصلوا بيت الجدة ..
استقبلتهم الجدة ودموع الفرحة على خدها : الحمدلله على السلامة يالغالي
مهند وهو يحب راسها : الله يسلمك يالغالية ،مسح لها دموعها : هالدموع ما ابي اشوفها ترا بزعل
قالت وهي تسلّم على عبدالرحمن : دموع الفرحة يا وليدي
سلّموا عليهم وقعدوا يسولفون
عبدالرحمن يقول لهم عن اللي مهند سوّاه فيه : انزين ،ما كان يخلّيني حتى اسنده وهو ماشي الا بالعافية ،حتى بالمستشفى ما كان يرضى يكشف نفسه على الدكتور
مهند رما عليه المخدّة : خلاص اسكت
عبدالرحمن بضحكة : خلاص سكتت
سارة قاعدة تناظر مشاري بإعجاب ومشاري ناظرها وابتسم ،محمد انتبه لهم
مهند يدور بعيونه على مها ويكلم نفسه" ياربي وينها ،سلّمت علينا واختفت ؟!" وقام : عن اذنكم بروح الحمام ( وانتو بكرامة)
وطلع فوق ،سمع صوت بالحمام وقف ينتظر
دقايق وطلعت مها ،اوّل ما شافته شهقت ولبست نقابها بسرعة : مهند
مهند استغرب من حركتها : مها شفيك ،صاير شي ؟ ليش تصرفاتك غريبة من اليوم
مها: انا تصرفاتي غريبة ؟
مهند: لا انا
مها : مهند انا تصرفاتي مو غريبة ،انا بس ما ابغا اللي صار بيننا يتكرر ،ما ابغا اكشف وجهي وشعري قدامك ، ما ابغا اقرّب منك بزيادة ،انت مو محرم لي
مهند ابستم من قلب ،عجبه كلامها : اها ، دام الوضع كذا اجل اخذي راحتك
#######
صباح يوم جديد ..
بغرفة نوف وعبدالرحمن ،بعد سهرة حارّه طويلة ،طلع من الحمام ،ونوف فتحت عيونها قالت بابتسامة: صباح الخير
عبدالرحمن: صباح النوور
نزلوا تحت بعد ما نوف تروّشت : صباح الخير
الجدة وجنة بحضنها : صبااح النور ،يالله حيهم
نوف راحت باست جنّة : شنو تسوون
الجدة: ولا شي ،كنت قاعدة العب مع حفيدتي
قعدوا يفطروا ..
الجدة: الا اقول يمه شخبار الحمل معاك
عبدالرحمن ناظرها ، قالت بحيا من نظراته: الحمدلله
الجدة : ما سوّيتي فحص ؟
نوف : لا
عبدالرحمن وهو يقرص خدودها : هيا ايش عرّفها يما ،توها جديدة عالحمل ،انتي علميها
الجدة تناظر خدود نوف الحمرا وتضحك: اجل تاخذها اليوم وتسوون فحص ،عشان نتطمن على صحة البيبي
عبدالرحمن : من عيوني يالغالية ،التفت لنوف : جهزي نفسك على بعد العصر باذن الله
نوف : اوك
الجدة ناظرتها : احنا هنا ما نقول اوك، نقول حاضر طيّب ماشي ،ما نتكلم انجليزي
نوف قالت بسحا : حاضر
الجدة : ايوا كذا
..
..
صارت الساعة ٤ ونص العصر
نوف وعبدالرحمن قاعدين يتجوّلوا على الشط ،بعد ما طلعوا من المستشفى وتطمّنوا ان البيبي بخير ،بس الدكتور قال انها عندها نقص بالكالسيوم
عبدالرحمن : تعالي نروح المجمع اللي هنا نشتري اجبان وحليب
نوف: لا قلتلك ما ابي
عبدالرحمن: مو بكيفك ترا بزعل منك
نوف : ما احب الحليب
عبدالرحمن: نوف ما في احد ما يحب الحليب
نوف : انزين مو لازم نشتري ،في بالبيت
عبدالرحمن: إلا لازم نشتري حليب طازج ،اللي بالبيت مو طازج ،وبشتريلك جبنة حيل حلوة ،صدقيني راح تحبينها
نوف : شسمها
عبدالرحمن: ليش؟ انتي تعرفين اسامي الاجبان
نوف ضربته ضربه خفيفية ،قال: زين انك تعرفين اسمك
نوف بدلع: ترا اعرف
حضنها : انزين يله امشي
دخلوا المجمع وخذوا الجبنة والحليب
عبدالرحمن: قلبي ،نطريني على الكرسي هذا على ما اشتري ايسكريم واجي
راحت قعدت
..
انتبه لها من بعيد وهي قاعدة تناظر الناس ،قرّب منها وقال باستهزاء : نوف
شهقت ورفعت راسها : عبدالعزيز !
عبدالعزيز : شنو تسوين هنا ؟
نوف: مالك دخل ،ابعد من قدامي
قعد جمبها وناظر الخاتم اللي باصبعها : تزوجتي !!
نوف: نوف بتوتر : عبدالعزيز روح لو سمحت لا تسوي لي مشاكل
عبدالرحمن قرّب منها وبإيده الايسكريم : نوف
نوف قامت بسرعة : عبدالرحمن يله نمشي
عبد العزيز وهو حاط رجل على رجل : اجل هذا زوجك ؟
عبدالرحمن بعصبية: نوف منو هذا
عبدالعزيز : شفيك عصّبت ،غيران عليها ؟ حبيبي هذي نايمة معاي
عبدالرحمن رما الايسكريم على الارض وراح مسكه من رقبته : تكلم بأدب
عبدالعزيز: شنو ؟مو مصدقني ! اسألها
نوف قاعدة تصيح وترتجف ،والامن تدّخل وحلّوا المشكلة ،بعد ما طلعوا من المجمع ركبوا السيارة وعبدالرحمن ما قال ولا كلمة ونوف دموعها على خدها، خايفة تخسر عبدالرحمن ،بعد دقايق من الهدوء : عبدالرحمن
عبدالرحمن وهو سرحان: ممم
نوف: انت ليش ساكت ،ليش مو قاعد تسألني منو هذا وشنو الكلام اللي قاله
عبدالرحمن: ناطرك تتكلمي
نوف: هذا عبدالعزيز اللي قلتلك عنه ،اللي ..،وسكتت
عبدالرحمن ناظرها : اللي عطاك فلوس عشان علاج امك ؟
نوف: ايه
عبدالرحمن: مو احنا فتحنا صفحة جديدة
نوف: ايه
عبدالرحمن : انزين هذا من وين طلع
نوف: ما ادري
عبدالرحمن بهدوء: نوف
التفتت له: مم
عبدالرحمن: ابغا اطلب منك طلب
نوف باستغراب: اطلب
عبدالرحمن : انا مارح اجبرك على شي ،بس انا ودّي انك تلبسين النقاب
نوف ناظرته وما ردّت عليه
######
بفلة ابو راشد ..
ابو راشد ينادي روان عشان يتعشّون
روان وهي نازلة على الدرج رجولها انزلقت وطاحت مغمى عليها
ابو راشد وراشد قامو : روان ،روان قومي
نقلوها عالمستشفى بخوف ..
بعد طول انتظار طلع الدكتور وعلامات الحزن على وجهه: مع الاسف فقدنا الطفل
ابو راشد وعلامات التعجب على وجهه : شنو !
الدكتور: الطفل مات ،عظم الله اجركم والتفت عشان يروح
ابو راشد شد الدكتور من ايده : دقيقة دقيقة ،انت اكيد غلطان
الدكتور تضايق منه : ادخل تاكد بنفسك ،وسحب ايده وراح
راشد عيونه حمره من العصبية دخل عليها الغرفة ،وهي حاضنة البطانية وقاعدة تبكي ما تدري ابوها واخوها شنو راح يسوون فيها : يا بنت الكلب يا حقيرة ،انتي شسويتي ،وقرّب منها عطاها طراق بقوة ،لدرجة ان ابوها سمعه من عند الباب ،دخل ومسك راشد من ايده: ابعد عنها ،مو بالمستشفى حسابها بالبيت ،فضحتنا الوصخة
روان قامت لبست وهي ترتجف
بالسيارة ..ابو راشد ماشي على اقصى سرعة وقال بصراخ : من منو
راشد: يبا هدّي السرعة
دقايق ووصلوا ،روان قعدت على الكنبة ،وابوها شال عقاله من على راسه ونزل عليها ضرب وهي تبجي وتقول: يبا اسمعني ،يب يبا والله ه اغت اغتصبني مو ب كيفي
ابو راشد اسكتي ولا كلمة
راشد قاعد وماسك راسه من الصداع ما يدري شنو يسوي بهالمصيبة
ابو راشد طلع على غرفتها بسرعة وهي قعدت ترتجف وجسمها معلّم من الضرب ووجهها وارم
جاب لها شنطة صغيرة فيها ملابس ورماها عليها : اطلعي بره
روان بصدمة: يبا و وين ار اروح
ابو راشد مسكها من زندها ورماها بالشارع
..
..
روان عدّلت شكل حجابها وعبايتها وتلثمت بالحجاب عشان محد يعرفها ،وقاعدة تمشي بالشارع ما تدري وين تروح ،وقفت تاكسي وركبت
بعد دقايق نزلت على بيت عبدالعزيز
دقّت الباب ،فتحلها وناظرها من فوق لتحت
روان برجفة : ا انا بغي ت اسالك عن م محمد هو هنا؟
عبدالعزيز : لا مو هنا
التفتت عشان تروح ،مسكها من زندها : دقيقة منو انتي
ناظرته وعيونها مليانة دموع : اتركني
عبدالعزيز: ما اقدر اتركك بهالحالة بروحك بالشارع ،ادخلي ارتاحي شوي عالاقل
روان دخلت وهي ميتة من التعب
عبدالعزيز اشر لها على الكنبة : تفضلي استريحي ،ودخل جابلها ماي وعصير ،شالت اللثمة من على وجهها وشربت الماي
عبدالعزيز : انتي صديقة نورة ؟
روان: ايه انا روان صديقتها للاسف
ناظر وجهها المنتفخ : شنو صارلك
روان وهي تصيح: عبدالعزيز انا تعبانة ابغا انام
اخذها على غرفة ،دخلت الغرفة وفصخت عبايتها وحجابها وناامت، بعد دقايق دخل الغرفة عليها وهي نايمة وواضح عليها التعب وقعد يتأمل جمالها
######
عند مشاري ..
قاعد يسلّم على امه بعد ما قرر يروح الشرقية يشتغل هناك
ام مشاري : دير بالك على نفسك يا وليدي
مشاري: لا تخافين يالغالية
مها حضنته بقوووة: رح اشتاقلك
بعّدها عنه وقرص خدها: مارح يمديكم تشتاقون لي رح اجيكم كل فترة ان شاء الله
اسيل وهي تسلم عليه : دير بالك بالطريق
مشاري : ان شاء الله عمتي
خالد وصل مشاري على بيت الجدة ،سلّم عليها وطلع
سلم على خالد : عاد ما اوصيك دير بالك على خواتك
خالد : لا توصي حريص
مشاري: يله في امان الله
خالد: الله معاك
#######
صباح يوم جديد ..
-نوف قررت تتنقب بس لسه ما قالت ل عبدالرحمن
-مشاري وصل الشرقية ودق على اهله طمّنهم عليه
-وسارة تضايقت لما درت انه سافر ،وقالت بنفسها " حتى ما قال لي مع السلامة ،ما قال لي انه مسافر ولااا اي شي ،اففف ،اصلا ليش يقول لي ؟ انا ما اعنيله اي شي ! ليش يقول لي "
